വേലി ചാടുന്ന ഭര്ത്താക്കന്മാര് ശ്രദ്ധിയ്ക്കക ദേ ഇതുപോലെ ഭാര്യ പണി തരും, വീഡിയോ
ബെയ്ജിംഗ്: ഭര്ത്താവ് വേലി ചാടിയാല് കൂടെ ചാടാനൊന്നും അധികം ഭാര്യമാരും മെനക്കെടാറില്ല. ഒന്നുകില് വേലി ചാടുന്ന ഭര്ത്താവിന്റെ കാല് തല്ലിയൊടിയ്ക്കും . ഇല്ലെങ്കിലോ ? ദേ ചൈനക്കാരിയായ ഈ യുവതിയെപ്പോലെയും ഭര്ത്താവിനോട് പക വീട്ടും
ചതിയനായ ഭര്ത്താവിനോടുള്ള പക വീട്ടാന് അദ്ദേഹത്തിന്റെ ബിഎംഡബ്ള്യൂ കാര് നടുറോഡില് വെട്ടിപ്പൊളിയ്ക്കുകയായിരുന്നു ഭാര്യ. ആഡംബര കാര് തല്ലിപ്പൊളിയ്ക്കാന് നിങ്ങള്ക്ക് വട്ടാണോ എന്ന് ചോദിച്ചവരോട് ഞാന് എന്റെ കാര് ആണ് തകര്ക്കുന്നത് നിങ്ങള്ക്കെന്താ എന്നായിരുന്നു യുവതിയുടെ മറുപടി.
'അഴുക്കാണ് ഈ കാര് നിറയെ ലോകത്തിലെ എല്ലാ വൃത്തികേടും ഈ കാറിലുണ്ട്' എന്ന് പറഞ്ഞാണ് യുവതി കാര് തല്ലി തകര്ത്തത്. ദക്ഷിണ ചൈനയിലെ ഷെന്സെന് പ്രവിശ്യയിലാണ് സംഭവം. 20 മിനിട്ട് കൊണ്ടാണ് യുവതി ഭര്ത്താവിന്റെ കാര് തകര്ത്തത്.
ഈ രംഗങ്ങള് പലരും ചിത്രീകരിച്ച് വെയ്ബോയില് ഉള്പ്പടെ അപ്ലോഡ് ചെയ്തു. വീഡിയോ വൈറലായി മാറുകയും ചെയ്തു. യുവതിയെ പൊലീസ് അറസ്റ്റ് ചെയ്തോ എന്ന കാര്യം അറിയില്ല. ഒക്ടോബര് 19ന് പ്രാദേശിക സമയം ആറ് മണിയോടെയായിരുന്നു നടുറോഡില് യുവതി കാര് തകര്ത്തത്.