സുഹൃത്തിന് കാമുകനെ കിട്ടി; പുതിയ സുഹൃത്തിനെ ആവശ്യപ്പെട്ട് ഫേസ്ബുക്കില് പരസ്യം
ജീവിതത്തിലെ പ്രധാന സംഭവങ്ങളെല്ലാം സോഷ്യല് മീഡിയിയിലൂടെ പങ്കുവെക്കുന്നവരായി മാറിയിട്ടുണ്ട് ന്യൂജനറേഷന്. വീട്ടിലേയും നാട്ടിലേയും കോളേജിലേയും എന്നുവേണ്ട തങ്ങള് ബന്ധപ്പെടുന്നയിടത്തെ കാര്യങ്ങളെല്ലാം ചിത്രങ്ങല് സഹിതം ലോകത്തെമ്പാടുമുള്ള സുഹൃത്തുക്കളുമായി പങ്കുവെക്കുന്നത് പുതുമുള്ള കാര്യവുമാണ്.
ഇത്തരത്തില് പുതിയ സുഹൃത്തിനെ ആവശ്യമുണ്ടെന്ന് കാട്ടി ഒരു സുന്ദരി ഫേസ്ബുക്കില് നല്കിയ പരസ്യം വൈറലായി. തനിക്കൊപ്പം അഞ്ചുവര്ഷം കഴിഞ്ഞ കൂട്ടുകാരി കാമുകനെ കണ്ടുപിടിച്ചതോടെയാണ് പെണ്കുട്ടി ആത്മാര്ഥതയുള്ള സുഹൃത്തിനെ തേടി ഫേസ്ബുക്കിലെത്തിയത്. അയര്ലന്ഡുകാരിയായ റേച്ചല് റ്യാന് ആണ് വ്യത്യസ്തയായ ആ യുവതി.
23 കാരിയായ റേച്ചല് ഒരു ഇല്ക്ട്രീഷ്യനാണ്. റേച്ചലിനൊപ്പം ഇരുപത്തിനാലുമണിക്കൂറും എന്നപോലെ ഉണ്ടായിരുന്ന കേറ്റി ഫില്ബിന് കാമുകനെ കണ്ടുപിടിക്കുകയും ഒപ്പം താമസിപ്പിക്കാന് തീരുമാനിക്കുകയും ചെയ്തതോടെ റേച്ചല് തനിക്കും ഒരു സുഹൃത്തിനായി ഫേസ്ബുക്കില് കുറിപ്പിടുകയായിരുന്നു. സുഹൃത്തിനുവേണ്ട ഗുണഗണങ്ങള് എന്തൊക്കെയാണെന്നും അവര് തന്റെ സ്റ്റാറ്റസില് വിശദീകരിക്കുന്നുണ്ട്.
വൈകുന്നേരങ്ങളിലും, ആഴ്ചാവസാനങ്ങളിലും തനിക്കൊപ്പം സമയം ചെലവഴിക്കാന് കഴിയുന്നയാളായിരിക്കണം സുഹൃത്ത്. ഭക്ഷണപ്രിയയായ റേച്ചലിന് അതുപോലുള്ള സുഹൃത്തിനെയാണ് ആവശ്യം. വിശക്കുമ്പോള് തന്നെ മനസിലാക്കുന്നയാളും പുറത്തുപോയി ഭക്ഷണം കഴിക്കാന് താത്പര്യപ്പെടുന്നവരുമായിരിക്കണം. എല്ലാറ്റിനും ഉപരി ആത്മാര്ഥത തീര്ച്ചയായും ഉണ്ടായിരിക്കണമെന്നും റേച്ചല് വ്യക്തമാക്കിയിട്ടുണ്ട്. റേച്ചലിന്റെ ഫേസ്ബുക്ക് കുറിപ്പ് ശ്രദ്ധയില്പ്പെട്ട് ഒട്ടേറെ യുവാക്കള് ഇപ്പോള് ഇന്ബോക്സില് ക്യൂ നില്ക്കുകയാണ്.