ഭര്ത്താവിന്റെ ആസിഡാക്രമണത്തില് പരിക്കേറ്റ യുവതി മരിച്ചു
ഷാര്ജ: ഷാര്ജയില് ഭര്ത്താവിന്റെ ആസിഡ് ആക്രമണത്തിനിരയായ ശ്രീലങ്കന് യുവതി ആശുപത്രിയില് മരിച്ചു. കഴിഞ്ഞ മാസമായിരുന്നു ശ്രീലങ്കയില് നിന്ന് തന്നെയുള്ള ഭര്ത്താവ് തന്റെ അഭാവത്തില് കാമുകനുമായി കിടക്ക പങ്കിടുകയായയിരുന്ന ഭാര്യയുടെ മേല് ആസിഡൊഴിച്ചത്. ആക്രമണത്തില് മുഖത്തും ശരീരത്തിന്റെ വിവിധ ഭാഗങ്ങളിലും ഗുരുതരമായി പരിക്കേറ്റ 25കാരിയെ ആശുപത്രിയില് പ്രവേശിപ്പിച്ചിരുന്നുവെങ്കിലും മരണപ്പെടുകയായിരുന്നു. ആസിഡ് ആക്രണത്തില് പരിക്കേറ്റ 23കാരനായ കാമുകന് ആശുപത്രിയിലെ തീവ്ര പരിചരണ വിഭാഗത്തില് ചികില്സ തുടരുകയാണ്. സംഭവത്തിനു ശേഷം പോലിസിന്റെ കണ്ണുവെട്ടിച്ച് നാട്ടിലേക്ക് രക്ഷപ്പെടാന് ശ്രമിച്ച യുവാവിനെ വിമാനത്താവളത്തില് വച്ച് ഷാര്ജ പോലിസ് പിടികൂടിയിരുന്നു.
കഴിഞ്ഞ മാസമായിരുന്നു ഭര്ത്താവ് കാമകേളികളിലേര്പ്പെടുകയായിരുന്ന യുവതിക്കും കാമുകനും നേരെ ആസിഡാക്രമണം നടത്തിയത്. ഭാര്യയെ ഷാര്ജയിലെ താമസസ്ഥലത്താക്കി അത്യാവശ്യ ബിസിനസ് കാര്യങ്ങള്ക്കായി 20 ദിവസത്തെ ലീവില് നാട്ടില് പോയതായിരുന്നു യുവാവ്. ഒരാഴ്ചയ്ക്ക് ശേഷം ഫെയ്സ്ബുക്ക് നോക്കിക്കൊണ്ടിരിക്കെ ഭാര്യ മറ്റൊരാള്ക്കൊപ്പം നില്ക്കുന്ന ചിത്രം അവിചാരിതയമായി ഇയാളുടെ ശ്രദ്ധയില് പെടുകയായിരുന്നു. സംശയം തോന്നിയ യുവാവ് ഉടന് ഭാര്യയെ വിളിക്കുന്നതിനു പകരം ലീവ് കാന്സല് ചെയ്ത് ഷാര്ജയില് തിരിച്ചെത്തി. താമസ സ്ഥലത്തേക്ക് പോവാതെ സമീപത്തെ ഒരു ലോഡ്ജില് മുറിയെടുത്ത്. ഭാര്യയുടെ നീക്കങ്ങള് നിരീക്ഷിച്ചു. ഭാര്യ യുവാവിനൊപ്പം ഒരു മുറിയിലേക്ക് പോകുന്നത് ശ്രദ്ധയില്പ്പെട്ട ഇയാള് നേരത്തേ കരുതിയ ആസിഡുമായി മുറിയിലേക്ക് ചെന്ന് സെക്സിലേര്പ്പെടുകയായിരുന്ന ഇരുവര്ക്കും മേല് ഒഴിക്കുകയായിരുന്നു.
ഒരുപാട് കാലത്തെ പ്രേമത്തിന് ശേഷം വിവാഹം ചെയ്ത ഭാര്യ തന്നെ ഇങ്ങനെ വഞ്ചിക്കുമെന്ന് സ്വപ്നത്തില് പോലും കരുതിയിരുന്നില്ലെന്നും ഈ ക്രൂരതയ്ക്ക് പ്രതികാരമെന്ന നിലയ്ക്കാണ് താന് കടുംകൈ ചെയ്തതെന്നും യുവാവ് പോലിസിനോട് സമ്മതിച്ചു. ഇയാള്ക്കെതിരേ കൊലപാതകത്തിന് കേസെടുക്കുമെന്ന് പോലിസ് അറിയിച്ചു.