ബോയ് ഫ്രണ്ടിനോട് ചേര്ന്ന് നിന്നതിന് യുവതിയ്ക്ക് ചൂരല് പ്രയോഗം... ചെയ്തത് സദാചാര പോലീസ് അല്ല, നിയമം
ബോയ് ഫ്രണ്ടിനോട് അല്പം ചേര്ന്ന് നിന്നു എന്നതായിരുന്നു യുവതി ചെയ്ത കുറ്റം. ചൂരലുകൊണ്ട് 23 അടി ശിക്ഷ.
ജക്കാര്ത്ത: മതനിയമങ്ങള് പലതാണ്. ഓരോ മതത്തിനും ഓരോ നിയമങ്ങള്. എന്നാല് ശരിയത്ത് നിലനില്ക്കുന്ന സ്ഥലങ്ങളിലൊക്കെ നിയമം ഏതാണ്ട് ഒരു പോലെ തന്നെയാണ്. അന്യ പുരുഷനൊപ്പം സ്ത്രീയെ കണ്ടാല് പോലും ശിക്ഷിക്കാനുളള വകുപ്പുണ്ട്.
ബോയ് ഫ്രണ്ടിനൊപ്പം അല്പം ചേര്ന്നു നിന്നു എന്ന കുറ്റത്തിനാണ് ഒരു യുവതിയ്ക്ക് 23 തവണ ചൂരല് കൊണ്ട് അടിവാങ്ങേണ്ടി വന്നത്. പൊട്ടിക്കരയുന്ന യുവതിയുടെ ചിത്രങ്ങള് ഇപ്പോള് ഓണ്ലൈന് ലോകത്ത് വലിയ ചര്ച്ചയാണ്.
ഇന്തോനേഷ്യയിലെ ആച്ചെ പ്രവിശ്യയിലാണ് സംഭവം. ഇന്തനേഷ്യയില് ശരിയത്ത് നിയമം നടപ്പിലാക്കിയ ഏക പ്രവിശ്യയാണ് ആച്ചെ.
ആണ് സുഹൃത്ത്
ആണ് സുഹൃത്തിനോട് ഒരല്പം ചേര്ന്നു നിന്നു എന്നത് മാത്രമായിരുന്നു ഈ യുവതി ചെയ്ത തെറ്റ്. ചൂരലുകൊണ്ട് 23 അടിയാണ് ഇവര്ക്ക് കിട്ടിയത്.
വൈറല്
അടികൊണ്ട് പൊട്ടിക്കരയുന്ന യുവതിയുടെ ചിത്രങ്ങള് പുറത്ത് വിട്ടത് ഇന്തനേഷ്യയിലെ വാര്ത്താ ഏജന്സിയായ അന്റാരയാണ്. ചിത്രങ്ങള് വൈറല് ആയി.
ശരിയത്ത്
ഇന്തോനേഷ്യയിലെ അച്ചെ പ്രവിശ്യയിലാണ് സംഭവം നടന്നത്. ഇവിടെ ശരിയത്ത് നിയമമാണ് നിലനില്ക്കുന്നത്. ഇന്തോനേഷ്യയില് അച്ചെയില് മാത്രമാണ് ശരിയത്ത് നിയമം നിലനില്ക്കുന്നത്.
13 പേര്ക്ക് ശിക്ഷ
ശരിയത്ത് നിയമം ലംഘിച്ച് അടുത്തിടപെഴകി എന്ന കുറ്റം ചുമത്തി 13 പേര്ക്കാണ് ശിക്ഷ വിധിച്ചത്. എല്ലാവരും തന്നെ 21 നും 30 നും ഇടയില് പ്രായമുള്ളവരാണ്.
കുറ്റങ്ങള്
മദ്യപാനവും ചൂതാട്ടവും സ്വവര്ഗ്ഗ പ്രണയും എല്ലാം അച്ചെയില് നിയമ വിരുദ്ധമാണ്. അന്യപുരുഷന്മാരുമായി സ്ത്രീകള് അടുത്തിടപെഴകുകയും അരുത്. ഇതൊക്കെ തന്നെ ആയിരുന്നു 13 പേര്ക്കും എതിരെയുള്ള കുറ്റങ്ങള്. കുറ്റത്തിനനുസരിച്ച് ഒമ്പത് മുതല് 25 അടി വരെ ആണ് ശിക്ഷ.
ഗര്ഭിണി
13 പേരുടെ കൂട്ടത്തില് ഒരു ഗര്ഭിണിയും ഉണ്ടായിരുന്നു. തുകൊണ്ട് തത്കാലത്തേയ്ക്ക് ശിക്ഷ ഒഴിവാക്കിക്കൊടുത്തു. പക്ഷേ പ്രസവം കഴിഞ്ഞാല് അടി ഉറപ്പാണ്.
തൊടരുത്
അവിവാഹിതരായ ആണും പെണ്ണും പരസ്പരം തൊടുകയോ കെട്ടിപ്പിടിക്കുകയോ ചുംബിക്കുകയോ ചെയ്യാന് പാടില്ല. അത് കണ്ടെത്തിക്കഴിഞ്ഞാല് ഇതുപോലെ ചുട്ട അടി കിട്ടും. അതും നാട്ടുകാരുടെ മുന്നില് വച്ച്. അച്ചെയില് താമസിക്കുന്നവരെല്ലാം ശരിയത്ത് അനുസരിച്ചേ പറ്റൂ എന്നാണ് പറയുന്നത്.
ഒന്നും ചെയ്തില്ല
ശിക്ഷ ലഭിച്ചവരില് ഒരാള് സത്യത്തില് ഒരു കുറ്റവും ചെയ്തിരുന്നില്ല. ഒരു സ്ത്രീയുമായി ഒരിടത്ത് സംസാരിച്ചിരിക്കുക മാത്രമാണ് ചെയ്തത്. പക്ഷേ ചൂരല് കൊണ്ട് നല്ല അടികിട്ടി.