ഉറങ്ങിയിരുന്നത് പെരുമ്പാമ്പിന് ഒപ്പം !!! പാമ്പ് വിഴുങ്ങാന്‍ തീരുമാനിച്ചത് ഉടമസ്ഥനെ...

പുതപ്പിന് അടിയിലെന്നപോലെ പാമ്പിനെ കെട്ടിപ്പിടിച്ച് കിടക്കാന്‍ നല്ല രസമാണെന്നാണ് യുവതി പറഞ്ഞിരുന്നത്.

വീട്ടില്‍ വളര്‍ത്തുന്ന പട്ടിയുടേയും പൂച്ചയുടേയും ഒക്കെ കൂടെ കിടക്കുന്നവരുണ്ട്. അമേരിക്കകാരിയായ യുവതിയ്ക്ക് അപൂര്‍വ്വമായ വളര്‍ത്തുമൃഗം ഉണ്ടായിരുന്നു. ഇതിനൊപ്പമാണ് യുവതി കിടന്നുറങ്ങിയത്. എന്നാല്‍ പെട്ടന്നൊരു ദിവസമാണ് യുവതി ആ ഞെട്ടിയ്ക്കുന്ന വാര്‍ത്ത അറിഞ്ഞത്..

പെരുമ്പാമ്പിനെയായിരുന്നു യുവതി വീട്ടില്‍ വളര്‍ത്തിയിരുന്നത്. വനംവകുപ്പിന്റെ പ്രത്യേക അനുമതി വാങ്ങിയ ശേഷമായിരുന്നു ഇത്.

യുവതി കിടക്കുമ്പോള്‍ കട്ടിലില്‍ പെരുമ്പാനിനേയും കിടത്തിയിരുന്നു. പുതപ്പിന് അടിയിലെന്നപോലെ 7 അടി നീളമുള്ള പാമ്പിനെ കെട്ടിപ്പിടിച്ച് കിടക്കാന്‍ നല്ല രസമാണെന്നാണ് യുവതി പറഞ്ഞിരുന്നത്.

പെട്ടന്ന് ഒരു ദിവസം പാമ്പ് ഇരയെടുക്കുന്നത് നിര്‍ത്തി. ഇഷ്ടപ്പെട്ട പന്നിയുടെ മാംത്സം നല്‍കിയിട്ടും, എലികളെ നല്‍കിയിട്ടും ഒന്നും പെരുമ്പാമ്പ് തീറ്റയെടുക്കാന്‍ തയ്യാറായില്ല.

പാമ്പ് തീറ്റ എടുക്കാതായപ്പോള്‍ യുവതി വെറ്റിനറി സര്‍ജനം വിവരം അറിയിച്ചു. അദ്ദേഹം എത്തി പെരുമ്പാമ്പിനെ പരിശോധിച്ചു. പരിശോധനയില്‍ പാമ്പിന് പ്രകടമായ പ്രശ്‌നങ്ങള്‍ ഒന്നും ഇല്ലായിരുന്നു. പക്ഷേ ഡോക്ടര്‍ ഒരു കാര്യം ശ്രദ്ധിച്ചു.

ഡോക്ടര്‍ യുവതിയില്‍ നിന്ന് പല വിവരങ്ങളും മനസ്സിലാക്കി. അതില്‍ ഇവര്‍ ഒന്നിച്ചാണ് കിടക്കുന്നതെന്ന് മനസ്സിലായി. പാമ്പ് ഇരയെടുക്കാത്തത് എന്തു കൊണ്ടാണ് ഡോക്ടര്‍ വിശദീകരിച്ചു.

യുവതിയെ തിന്നാനായിരുന്നത്രേ പാമ്പിന്റെ പദ്ധതി. ഇതിനായാണ് പെരുമ്പാമ്പ് പട്ടിണി കിടക്കാന്‍ തുടങ്ങിയത്. വലിയ ഇര എടുക്ക് കഴിഞ്ഞാല്‍ മയങ്ങി കിടക്കുന്നത് പെരുമ്പാമ്പുകള്‍ക്ക് പതിവാണ്. അത് പോലെ തന്നെ ഇര എടുക്കുന്നതിന് മുമ്പ് പട്ടിണി കിടക്കാറുണ്ടത്രേ...

യുവതിയ്ക്ക് അപകടം മനസ്സിലായി. വനംവകുപ്പ് ഉദ്യോഗസ്ഥരുടെ സഹായത്തോടെ ഉടന്‍ തന്നെ ഇതിനെ അടുത്തുള്ള മൃഗശാലയിലേക്ക് മാറ്റി. വൈകിയിരുന്നെങ്കില്‍ തന്റെ ജീവന്‍ തന്നെ അപകടത്തിലായേനെ എന്ന് യുവതി പറയുന്നു.

English summary

The 7-feet long reptile would curl next to her every single night on bed and the woman would happily sleep with it.