നാരങ്ങയുമായി എയര്‍പോര്‍ട്ടില്‍ വന്നിറങ്ങിയ യുവതിയെ നാടുകടത്തി, കാരണം കേട്ടാല്‍ ഞെട്ടും

വെല്ലിംഗ്ടണ്‍: പോക്കറ്റില്‍ നിറയെ നാരങ്ങയുമായി വിമാനമിറങ്ങിയ യുവതിയെ അതേ വേഗതയില്‍ തിരിച്ചയച്ച് ന്യൂസിലന്‍ഡ് അധികൃതര്‍. പാന്റിന്റെ പോക്കറ്റിനുള്ളില്‍ ആറ് നാരങ്ങകളുമായാണ് വിദേശിയായ യുവതി ഓക്ലാന്‍ഡ് എയര്‍പോര്‍ട്ടില്‍ വിമാനം ഇറങ്ങിയത്.

എയര്‍പോര്‍ട്ടില്‍ അധികൃതരുടെ പരിശോധനയ്ക്കിടയില്‍ സ്‌നിഫര്‍ ഡോഗുകളാണ് നാരങ്ങ കണ്ടെത്തിയത്. ആറ് നാരങ്ങകളും യുവതിയുടെ പോക്കറ്റിനുള്ളില്‍ ആയിരുന്നു. കരള്‍ രോഗ ബാധിതയാണെന്നും ചികിത്സയുടെ ഭാഗമായിട്ടാണ് യാത്രകളില്‍ പോലും നാരങ്ങകള്‍ കരുതുന്നതെന്നും യുവതി അധികൃതരോട് പറഞ്ഞു.

എന്നാല്‍ ഇതൊന്നും നിയമപരമായി അനുവദനീയമല്ലെന്ന് പറഞ്ഞ് അധികൃതര്‍ യുവതിയെ നാടുകടത്തി. നാരങ്ങ കൊണ്ടുവരുന്നത് നിയമപരമായി കുറ്റമാണെന്നാണ് അധികൃതരുടെ വാദം. അസുഖങ്ങളോ കീടങ്ങളോ നാരങ്ങളിയലൂടെ എത്തുമെന്നും അധികൃതര്‍ പറയുന്നു. ജനങ്ങളുടെ സുരക്ഷയെ കരുതിയാണ ്‌യുവതിയെ തിരിച്ചയച്ചതെന്നും അധികൃതര്‍.

English summary

Woman with 'lemons' in her pocket, deported.