റോഡില് നിന്നും വൈദ്യുതി,സോളാറോഡ് തുറന്നുകൊടുത്തു
ആംസ്റ്റര്ഡാം: അങ്ങനെ സോളാര് റോഡും എത്തി. വീടുകളിലും സ്ഥാപനങ്ങളിലും ഘടിപ്പിച്ചു മാത്രമേ സോളാര് പനലുകളെ നമ്മള് കണ്ടിട്ടുള്ളു. എന്നാല് ഇതാ സോളാര് കൊണ്ടുള്ള റോഡുകളും എത്തി. ഒരു കൂട്ടം ഡച്ചു ഗവേഷകരാണ് അഞ്ച് വര്ഷം നീണ്ട പരീക്ഷണത്തിന് ഒടുവില് പുതിയ സംരംഭം വികസിപ്പിച്ചെടുത്തത്. നെതര്ലാന്ഡ്സിലെ ആംസ്റ്റര്ഡാമ് നഗരത്തിലാണ് സോളാര് പാനല് റോഡുകള് തുറന്നു കൊടുത്തത്.
സോളാര് പാനല് കൊണ്ട് 70 മീറ്റര് ബൈക്ക് റോഡാണ് ഗവേഷകര് നിര്മ്മിച്ചത്. സോളാറോഡ് എന്ന പദ്ധതി പ്രകാരമായിരുന്നു റോഡ് നിര്മ്മിച്ചത്. ഗ്ലാസ് പാളികള്ക്കുള്ളില് ഘടിപ്പിച്ച സോളാര് പാനലുകളും സിലിക്കണ് റബ്ബറും കോണ്ക്രീറ്റുമാണ് സോളാറോഡ് നിര്മ്മിക്കാന് ഉപയോഗിച്ചിരിക്കുന്നത്. 12 ടണ് ഭാരമുള്ള ഫയര് എഞ്ചിന് വരെ താങ്ങാന് ഈ റോഡിനാകുമെന്നാണ് ഗവേഷകര് പറയുന്നത്. വൈകാതെ ബസുകള്ക്ക് സഞ്ചരിക്കാന് കഴിയുന്ന സോളാറോഡുകളും നിര്മ്മിക്കും.
സ്മാര്ട്ട് മീറ്ററുകളുമായി ബന്ധിപ്പിച്ചാണ് സോളാര് പാനലില് നിന്നും വൈദ്യുതി ശേഖരിക്കുന്നത്. ഏതെങ്കിലും ഒരു പാനലിന് തകരാറ് സംഭവിച്ചാല് അവ മാത്രം സ്വിച്ച് ഓഫ് ചെയ്യാനും ആകും. സോളാറോഡ് പദ്ധതി ലോകത്തെ ഊര്ജ്ജ പ്രതിസന്ധിക്ക് പരിഹാരമാകുമെന്നാണ് വിലയിരുത്തല്. ഇതിനോടകം സോളാറോഡിന്റെ വീഡിയോകള് സോഷ്യല് മീഡിയയില് വൈറലായി കഴിഞ്ഞു.