നിലപാട് മാറ്റി ലോകാരോഗ്യ സംഘടന; ബൂസ്റ്റർ ഡോസുകൾ അനിവാര്യം

By Akhil Prakash

Published: Wednesday, March 9, 2022, 11:39 [IST]

ജനീവ: കോവിഡ് വാക്സിനുകളുടെ ബൂസ്റ്റർ ഡോസുകളെ പിൻതുണച്ച് ലോകാരോഗ്യ സംഘടന. ചൊവ്വാഴ്ച വിദഗ്ധ സംഘം വിളിച്ചു ചേർന്ന യോ ഗത്തിന്റെതാണ് ഈ തീരുമാനം. ബൂസ്റ്റർ ഡോസുകളുടെ അടിയന്തിരവും വിശാലവുമായ പ്രവേശനത്തെ ശക്തമായി പിന്തുണയ്ക്കുന്നു എന്നായിരുന്നു യോ ഗത്തിൽ എടുത്ത തീരുമാനം. നേരത്തെ ബൂസ്റ്റർ ഡോസുകളുടെ ആവിശ്യം ഇല്ലാ എന്നും വാക്സിൻ അസമത്വത്തിന് കാരണമാക്കി എന്നും ആയിരുന്നു ഡബ്ല്യൂഎച്ച് ഒ അഭിപ്രായപ്പെട്ടിരുന്നത്.

കോവിഡ് വാക്സിനുകൾ ഉപയോഗിച്ചുള്ള പ്രതിരോധ കുത്തിവയ്പ്പ്. ഒമിക്രോൺ പടർന്ന് പിടിച്ചപ്പോഴും ഗുരുതരമായ രോഗങ്ങളിൽ നിന്നും മരണത്തിൽ നിന്നും ഉയർന്ന തോതിലുള്ള സംരക്ഷണം നൽകിയെന്ന് ലോകാരോഗ്യ സംഘടന ഇറക്കിയ പുതിയ പ്രസ്താവനയിൽ പറയുന്നു. രാജ്യങ്ങൾ വാക്സിന്റെ മതിയായ വിതരണം നടത്തിക്കഴിഞ്ഞാൽ. ബൂസ്റ്ററുകൾ ശുപാർശ ചെയ്യുമെന്നും മറ്റ് രോഗങ്ങൾ ഉള്ളവർക്ക് ബൂസ്റ്റർ ഡോസിന്റെ ഉപയോഗം വളരെയേറെ ഗുണം ചെയ്യുമെന്നും പ്രസ്താവനയിൽ പറയുന്നു. 18 അംഗ ഉപദേശക ഗ്രൂപ്പാണ് പ്രസ്താവന ഇറക്കിയത്.

അംഗീകൃത വാക്സിനുകളുടെ ബൂസ്റ്റർ ഡോസുകൾ പ്രതിരോധശേഷി പുനഃസ്ഥാപിക്കുന്നതിനും കോവിഡിൽ നിന്ന് സംരക്ഷിക്കുന്നതിനും സഹായിക്കുമെന്ന് നിരവധി ശാസ്ത്രീയ പഠനങ്ങൾ ഇതിനോടകം തെളിയിച്ചിട്ടുണ്ട്. ബ്രിട്ടൻ, കാനഡ, യുഎസ് എന്നിവയുൾപ്പെടെയുള്ള സമ്പന്ന രാജ്യങ്ങളിലെ ബൂസ്റ്റർ ഡോസിന്റെ വിതരണം നിരവധി മരണങ്ങൾ തടയാൻ കാരണമായെന്നും ചില പഠനങ്ങൾ സൂചിപ്പിക്കുന്നുണ്ട്.

ഒമിക്രോണിനെ ഇപ്പോഴും നിരീക്ഷിച്ചുകൊണ്ടിരിക്കുകയാണെന്ന് ലോകാരോ ഗ്യ സംഘടന പറഞ്ഞു. ബിഎ2 എന്നറിയപ്പെടുന്ന സ്റ്റെൽത്ത് പതിപ്പ് ഉൾപ്പെടെ, ഒമൈക്രോണിന്റെ പ്രാരംഭ കേസിന് ശേഷം ചില ആളുകൾക്ക് വീണ്ടും രോഗം ബാധിച്ചതായി രേഖപ്പെടുത്തിയിട്ടുണ്ട്. ഇത് കൂടുതൽ ഗുരുതരമായ രോഗത്തിന് കാരണമാകുമോ എന്നതിനെക്കുറിച്ച് സമ്മിശ്ര ഗവേഷണങ്ങളുണ്ട്, പക്ഷേ വാക്സിനുകൾ അതിനെതിരെ ഫലപ്രദമാണ്. സംഘടന കൂട്ടിച്ചേർത്തു.

നിലവിലെ അംഗീകൃത കോവിഡ് വാക്സിനുകളെല്ലാം മൂന്ന് വർഷം മുമ്പ് ചൈനയിലെ വുഹാനിൽ ആദ്യമായി കണ്ടെത്തിയ വൈറസിനെ അടിസ്ഥാനമാക്കിയാണ് നിർമ്മിച്ചിട്ടുള്ളത്. അതിനുശേഷം, തുടർച്ചയായതും ഗണ്യമായതുമായ വൈറസ് പരിണാമം ഉണ്ടായിട്ടുണ്ട്, ഈ പരിണാമം തുടരാൻ സാധ്യതയുണ്ട്, അതിന്റെ ഫലമായി പുതിയ വേരിയന്റുകളും ഉണ്ടാകും ഇതിനനുസരിച്ച്. കൊറോണ വൈറസ് വാക്‌സിനുകളും അപ്‌ഡേറ്റ് ചെയ്യേണ്ടതുണ്ടെന്ന് സംഘടന കൂട്ടിച്ചേർത്തു.

കഴിഞ്ഞ വർഷം, ലോകാരോഗ്യ സംഘടനയുടെ ഡയറക്ടർ ജനറൽ ടെഡ്രോസ് അദാനോം ഗെബ്രിയേസസ് ബൂസ്റ്റർ ഡോസുകൾക്ക് മൊറട്ടോറിയം ആവശ്യപ്പെട്ടിരുന്നു, സമ്പന്ന രാജ്യങ്ങൾ വാക്സിൻ ലഭിക്കാത്ത ദരിദ്ര രാജ്യങ്ങൾക്ക് സംഭാവന ചെയ്യണമെന്നും അദ്ദേഹം പറഞ്ഞിരുന്നു. ഇതനുസരിച്ച് ലോകാരോഗ്യ സംഘടന ഇൻകമിംഗ് ഡാറ്റ വിലയിരുത്തിയിരുന്നു.

Published On March 9, 2022