'വകഭേദങ്ങള് ഇനിയും വരാം; കൊവിഡ് മഹാമാരി അവസാനിച്ചിട്ടില്ല'; മുന്നറിയിപ്പുമായി ലോകാരോഗ്യ സംഘടന
ജനീവ: ലോകം ഇതുവരെ കൊറോണ വൈറസിന്റെ അവസാനത്തിലേക്ക് എത്തിയിട്ടില്ലെന്ന് ലോകാരോഗ്യ സംഘടനയുടെ മുഖ്യ ശാസ്ത്രജ്ഞന് സൗമ്യ സ്വാമിനാഥന് പറഞ്ഞു. കൊറോണ വൈറസിന്റെ കൂടുതല് വകഭേദങ്ങള് ഉണ്ടാകാനുള്ള സാധ്യതകളുണ്ടെന്നും അവര് വ്യക്തമാക്കി. വൈറസ് പരിണമിക്കുന്നതും പരിവര്ത്തനം ചെയ്യുന്നതും നമ്മള് കണ്ടു ... അതിനാല് ആശങ്കയുടെ കൂടുതല് വകഭേദങ്ങളും ഉണ്ടാകുമെന്ന് നമുക്കറിയാം, അതിനാല് നമ്മള് മഹാമാരിയുടെ അവസാനത്തിലല്ലെന്ന് സൗമ്യ സ്വാമിനാഥന് വ്യക്തമാക്കി.
ലോകാരോഗ്യ സംഘടനയുടെ ഡയറക്ടര് ജനറല് ടെഡ്രോസ് അദാനോം ഗെബ്രിയേസസിനൊപ്പം വാക്സിന് നിര്മ്മാണ കേന്ദ്രങ്ങള് സന്ദര്ശിക്കുന്നതിനിടെ ദക്ഷിണാഫ്രിക്കയില് മാധ്യമപ്രവര്ത്തകരോട് സംസാരിക്കുന്നതിനിടെയാണ് സൗമ്യ സ്വാമിനാഥന് ഇക്കാര്യം വ്യക്തമാക്കിയത്. അതേസമയം, കൊവിഡിന്റെ അടുത്ത വകഭേദവുമായി ബന്ധപ്പെട്ട് ലോകാരോഗ്യ സംഘടന നേരത്തെ മുന്നറിയിപ്പുമായി രംഗത്തെത്തിയിരുന്നു.
ഒമൈക്രോണ് തരംഗത്തിന്റെ ശമനത്തോടെ ലോകം സാധാരണ നിലയിലേക്ക് മടങ്ങുമ്പോഴും, അടുത്ത കോവിഡ് -19 വകഭേദം അതിന്റെ മുന്ഗാമികളെ അപേക്ഷിച്ച് കൂടുതല് പകരാന് സാധ്യതയുള്ളതും ഒരുപക്ഷേ മാരകവുമാകുമെന്നാണ് വിദഗ്ദര് നല്കുന്ന മുന്നറിയിപ്പ്. പാന്ഡെമിക് അവസാനിച്ചിട്ടില്ലെന്നും ഭാവിയിലെ വകഭേദങ്ങള് ഒമിക്റോണിനേക്കാള് ഒരു തരത്തില് കൂടുതല് അപകടകരമാകുമെന്നും ലോകാരോഗ്യ സംഘടന ( ഡബ്ല്യു എച്ച് ഒ ) എപ്പിഡെമിയോളജിസ്റ്റും കോവിഡ് സാങ്കേതിക മേധാവിയുമായ ഡോ മരിയ വാന് കെര്ഖോവ് പറഞ്ഞിരുന്നു. അടുത്ത വകഭേദത്തിന്റെ വ്യാപനശേഷി വലുതായിരിക്കും. അത് തടയേണ്ടതുണ്ടെന്നും അവര് വ്യക്തമാക്കി.
അടുത്ത വേരിയന്റിന് പ്രതിരോധശേഷി ഇല്ലാതാക്കാന് കഴിയുമെന്നും വാക്സിനുകളുടെ ഫലപ്രാപ്തി കുറവാണെന്നും അവര് മുന്നറിയിപ്പ് നല്കി. എന്നിരുന്നാലും, ഓമിക്രോണ് തരംഗത്തില് കഠിനമായ രോഗങ്ങളില് നിന്നും മരണത്തില് നിന്നും സംരക്ഷിച്ചതിന്റെ കാരണം വാക്സിനായിരിക്കാം.
അതേസമയം, ഇന്ത്യയില് കഴിഞ്ഞ 24 മണിക്കൂറിനുള്ളില് 58,077 കേസുകള് രേഖപ്പെടുത്തി. കൊവിഡ് കേസുകളില് വലിയ ഇടിവാണ് കഴിഞ്ഞ ദിവസം രേഖപ്പെടുത്തിയത്. 657 രോഗികളാണ് രോഗം ബാധിച്ച് മരിച്ചത്. രാജ്യത്ത് ഇപ്പോള് ആകെ മരിച്ചവരുടെ എണ്ണം 507,177 ആയി ഉയര്ന്നു. കഴിഞ്ഞ 24 മണിക്കൂറിനുള്ളില് 150,407 രോഗികള് രോഗമുക്തി നേടി. ഇതോടെ ആകെ രോഗമുക്തി നേടിയവരുടെ എമ്ണം 41,331,158 ആയി. കഴിഞ്ഞ 24 മണിക്കൂറിനുള്ളില് 1,511,321 സാമ്പിളുകളാണ് പരിശോധിച്ചത്. ആകെ പരിശോധനാ നിരക്ക് 740 ദശലക്ഷത്തിലധികം ആണെന്നും ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐ സി എം ആര് ) അറിയിച്ചു.
Click it and Unblock the Notifications
Sign in with Google