Click it and Unblock the Notifications
Just In
Don't Miss
-
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ... -
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്‍, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ബൈഡനും കമലയ്ക്കും ആശംസാ പ്രവാഹം, ഒബാമയും നരേന്ദ്ര മോദിയും മുതൽ രാഹുൽ ഗാന്ധി വരെ
വാഷിംഗ്ടണ്‍: അമേരിക്കയുടെ പുതിയ പ്രസിഡണ്ടായി തിരഞ്ഞെടുക്കപ്പെട്ട ജോ ബൈഡന് ലോകമെമ്പാട് നിന്നും ആശംസാ പ്രവാഹം. അമേരിക്കയുടെ മുന്‍ പ്രസിഡണ്ട് കൂടിയായ ബരാക്ക് ഒബാമ മുതല്‍ ഇന്ത്യയുടെ പ്രധാനമന്ത്രി നരേന്ദ്ര മോദിയും കോണ്‍ഗ്രസ് മുന്‍ അധ്യക്ഷന്‍ രാഹുല്‍ ഗാന്ധിയും അടക്കമുളളവര്‍ ജോ ബൈഡന് ആശംസകളും അഭിനന്ദനങ്ങളും അര്‍പ്പിച്ച് രംഗത്ത് വന്നിട്ടുണ്ട്.
അമേരിക്കയുടെ അടുത്ത പ്രസിഡണ്ടും വൈസ് പ്രസിഡണ്ടുമായി തിരഞ്ഞെടുക്കപ്പെട്ട സുഹൃത്തുക്കളായ ജോ ബൈഡനും കമല ഹാരിസിനും അഭിനന്ദനങ്ങള്‍ എന്നാണ് ബരാക്ക് ഒബാമ ട്വീറ്റ് ചെയ്തിരിക്കുന്നത്. അതിഗംഭീരമായ വിജയം സ്വന്തമാക്കിയതിന് ജോ ബൈഡന് അഭിനന്ദനങ്ങള്‍ എന്ന് പ്രധാനമന്ത്രി നരേന്ദ്ര മോദി ട്വീറ്റ് ചെയ്തു. വൈസ് പ്രസിഡണ്ടായി ജയിച്ച ഇന്ത്യന്‍ വംശജ കമല ഹാരിസിനേയും മോദി അഭിനന്ദിച്ചു.
അമേരിക്കയുടെ വൈസ് പ്രസിഡണ്ട് എന്ന നിലയില്‍ ഇന്ത്യയും അമേരിക്കയും തമ്മിലുളള ബന്ധം ശക്തിപ്പെടുത്തുന്നതില്‍ കമല ഹാരിസിന് നിര്‍ണായകമായ പങ്കുളളതായും മോദി വ്യക്തമാക്കി. ഇന്ത്യ-അമേരിക്ക ബന്ധത്തെ പുതിയ തലങ്ങളിലേക്ക് എത്തിക്കാനുളള പ്രവര്‍ത്തനങ്ങളിലേക്ക് ഉറ്റ് നോക്കുകയാണ് എന്നും മോദി ട്വീറ്റ് ചെയ്തു.
പ്രസിഡണ്ടായി തിരഞ്ഞെടുക്കപ്പെട്ട ജോ ബൈഡന് അഭിനന്ദനങ്ങളെന്ന് രാഹുല്‍ ഗാന്ധി കുറിച്ചു. അമേരിക്കയെ അദ്ദേഹം ഒരുമിപ്പിക്കുമെന്ന് തനിക്ക് ഉറപ്പുണ്ടെന്നും നേരായ ദിശ നല്‍കുമെന്നും രാഹുല്‍ ഗാന്ധി ട്വീറ്റ് ചെയ്തു. കമല ഹാരിസിനേയും ജോ ബൈഡനേയും അഭിനന്ദിച്ച് രംഗത്ത് എത്തിയ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ അമേരിക്കയും കാനഡയും അടുത്ത സുഹൃത്തുക്കളും പങ്കാളികളുമാണെന്ന് ട്വീറ്റ് ചെയ്തു.
അമേരിക്ക തങ്ങളുടെ ഏറ്റവും പ്രധാനപ്പെട്ട സുഹൃത്ത് ആണെന്നാണ് ബ്രിട്ടീഷ് പ്രധാനമന്ത്രി ബോറിസ് ജോണ്‍സണിന്റെ ട്വീറ്റ്. കമല ഹാരിസിന്റെ വിജയത്തെ ചരിത്രപരമെന്നും ജോണ്‍സണ്‍ വിശേഷിപ്പിച്ചു. കാലാവസ്ഥാ വ്യതിയാനം മുതല്‍ സുരക്ഷ അടക്കമുളള വിഷയങ്ങളില്‍ മുന്നോട്ടുളള പ്രവര്‍ത്തനങ്ങളെ കുറിച്ചുളള പ്രതീക്ഷയും ജോണ്‍സണ്‍ പങ്കുവെച്ചു. ഗ്രീസ്, സ്‌കോട്ട്‌ലന്‍ഡ്, ജര്‍മ്മനി, സിംബാബ്വേ, കൊളംബിയ അടക്കമുളള ലോകരാജ്യങ്ങളുടെ ഭരണാധികാരികളും ജോ ബൈഡനും കമല ഹാരിസിനും അഭിനന്ദനങ്ങള്‍ അറിയിച്ച് രംഗത്ത് വന്നിട്ടുണ്ട്.
