Click it and Unblock the Notifications
Just In
Don't Miss
-
IPL 2024: സിക്സര് 'ഹിറ്റ്മാന്', ഇനി ഒന്നാമന്; പൊള്ളാര്ഡിന്റെ വമ്പന് റെക്കോഡ് തകര്ത്തു -
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
ഭാര്യയില് ഈ അഞ്ച് സ്വഭാവമുണ്ടോ? ദാമ്പത്യം പകുതിയില് അവസാനിക്കും -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഷാര്‍ലി എബ്ദോ ആക്രമണം അല്‍ഖ്വയ്ദ ഏറ്റെടുത്തു; വീഡിയോ പുറത്ത്
പാരീസ്: ഡിസംബര്‍ ഏഴിന് പാരിസിലെ ഷാര്‍ലി എബ്ദോ വാരികയില്‍ നടത്തിയ ഭീകരാക്രമണത്തിന്റെ ഉത്തരവാദിത്വം ഭീകര സംഘടനയായ അല്‍ ഖ്വയ്ദ ഏറ്റെടുത്തു. ആക്രമണം നടത്തിയത് തങ്ങളാണെന്ന് വിശദീകരിച്ച് യെമനിലെ മുതിര്‍ന്ന അല്‍ഖ്വയ്ദ നേതാവിന്റെ വീഡിയോ ട്വിറ്റര്‍ അക്കൗണ്ടിലൂടെ പുറത്തുവന്നതായാണ് വിവരം.
പ്രവാചകന്‍ മുഹമ്മദ് നബിയെ കാര്‍ട്ടൂണിലൂടെ അപമാനിച്ചതിന് പ്രതികാരമായാണ് വാരികയുടെ ഓഫീസില്‍ അക്രമം നടത്തിയതെന്ന് അല്‍ ഖ്വയ്ദ നേതാവ് നാസിര്‍ അല്‍ അന്‍സി പതിനൊന്ന് മിനിറ്റ് ദൈര്‍ഘ്യമുള്ള വീഡിയോയില്‍ വ്യക്തമാക്കുന്നു. ഫ്രഞ്ച് പോലീസ് കമാന്‍ഡോ ഓപ്പറേഷനിലൂടെ വധിച്ച സഹോദന്മാരായ ഭീകരരെ ധീരരെന്നും ഇസ്ലാമിന്റെ മാനം കാത്തവരെന്നും നാസിര്‍ വിശേഷിപ്പിച്ചു.
ഷാര്‍ലി എബ്ദോ ആക്രമിക്കാനുള്ള പരിപാടി ആസൂത്രണം ചെയ്തതും പണം ചിലവഴിച്ചതും ആളുകളെ അയച്ചുതുമെല്ലാം അല്‍ ഖ്വയ്ദയാണെന്നും നാസിര്‍ അവകാശപ്പെട്ടു. രണ്ടു സഹോദരന്മാര്‍ അടക്കം മൂന്നുപേരാണ് തീവ്രവാദ ആക്രമണത്തിന് ഉണ്ടായതെന്നായിരുന്നു റിപ്പോര്‍ട്ട്. ഇതില്‍ സഹോദരന്മാരെ പോലീസ് കൊലപ്പെടുത്തിയപ്പോള്‍ മൂന്നാമന്‍ പോലീസില്‍ കീഴടങ്ങുകയായിരുന്നു.
അതിനിടെ, പാരീസില്‍ ഭീകരാക്രമണ ഭീഷണി നിലനില്‍ക്കുന്നതായി പോലീസ് ഉദ്യോഗസ്ഥര്‍ അറിയിച്ചു. ആയതിനാല്‍ രാജ്യത്തെ തന്ത്രപ്രധാനമായ സ്ഥലങ്ങളില്‍ സുരക്ഷ വര്‍ദ്ധിപ്പിച്ചിട്ടുണ്ട്. ആറോളം തീവ്രവാദികള്‍ ഇപ്പോഴും പോലീസിന്റെ കണ്ണുവെട്ടിച്ചു കഴിയുകയാണെന്നാണ് നിഗമനം. കൊല്ലപ്പെട്ട തീവ്രവാദി അമെഡിയുടെ കാമുകി ഹയാതിനായുള്ള തിരച്ചിലും തുടരുകയാണ്.
