ഹാക്കര്‍മ്മാരുടെ പണി സുക്കര്‍ബര്‍ഗിനും കിട്ടി... സോഷ്യല്‍ മീഡിയ അക്കൗണ്ടുകള്‍ ഹാക്ക് ചെയ്യപ്പെട്ടു

ന്യൂയോര്‍ക്ക്: ലോകത്തിലെ ഏറ്റവും വലിയ സോഷ്യല്‍ മീഡിയ നെറ്റ് വര്‍ക്കിങ് സൈറ്റിന്റെ സ്ഥാപകനായ സുക്കര്‍ബര്‍ഗിന്റെ സോഷ്യല്‍ മീഡിയ അക്കൗണ്ട് ഹാക്ക് ചെയ്യപ്പെട്ടു എന്നു പറഞ്ഞാല്‍ വിശ്വസിക്കാന്‍ കഴിയില്ല. എന്നാല്‍ പണി സുക്കര്‍ബര്‍ഗിനും കിട്ടി.

ഇന്‍സ്റ്റാഗ്രാം, ട്വിറ്റര്‍, ലിങ്ക്ഡ് ഇന്‍ എന്നിവയിലെ സോഷ്യല്‍ മീഡിയ അക്കൗണ്ടുകളാണ് ഹാക്ക് ചെയ്യപ്പെട്ടത്. ഔര്‍മൈന്‍ എന്ന ഹാക്കിങ് ഗ്രൂപ്പാണ് അക്കൗണ്ടുകള്‍ ഹാക്ക് ചെയ്തത്. ഔര്‍മൈന്റെ ട്വിറ്റര്‍ അക്കൗണ്ട് സസ്‌പെന്‍ഡ് ചെയ്തിരിക്കുകയാണ്.

സുക്കര്‍ബര്‍ഗിന്റെ അക്കൗണ്ട് ഹാക്ക് ചെയ്ത ഗ്രൂപ്പ് തങ്ങളുമായി ബന്ധപ്പെടാന്‍ ആവശ്യപ്പെട്ടുക്കൊണ്ട് സന്ദേശം അയക്കുകയായിരുന്നു. 'നിങ്ങളുടെ ട്വിറ്റര്‍, ഇന്‍സ്റ്റാഗ്രാം, പിന്റര്‍റെസ്റ്റ് എന്നിവയിലേക്കുള്ള ആക്‌സസ് ലഭിച്ചു. ഞങ്ങള്‍ നിങ്ങളുടെ സെക്യൂരിറ്റി ചെക്ക് ചെയ്തതാണ്. ഉടന്‍ ബന്ധപ്പെടുക' എന്നായിരുന്നു സന്ദേശത്തില്‍.

English summary

The Facebook founder's accounts on sites including Instagram, Twitter, LinkedIn and Pinterest appear to have been briefly compromised on Sunday.