കണ്ണൂരിൽ സ്ഥിതി ഗുരുതരം: പത്ത് ഡിഎസ്സി ഉദ്യോഗസ്ഥർക്ക് കൂടി കൊറോണ വൈറസ്!!
കണ്ണൂര്: കണ്ണൂർ ജില്ലയിൽ കൊവിഡ് രോഗബാധിതരുടെ എണ്ണം ക്രമാതീതമായി കൂടുന്നു. സിഐഎസ്എഫ്, ഡിഎസ്സി ഉദ്യോഗസ്ഥരുടെ കൂത്തുപറമ്പ് വലിയ വെളിച്ചത്തെ താമസക്യാംപ് പൂർണമായി കൊവിഡിന്റെ പിടിയിലമർന്നു കഴിഞ്ഞു. രോഗം പടർന്നത് കാരണം ഇവിടെ എഴുപതോളം പേരാണ് ചികിത്സ തേടിയത്. ഇതിനിടെ കണ്ണൂർ ജില്ലയില് 35 പേര്ക്ക് കൂടി പുതുതായി കൊവിഡ് ബാധ സ്ഥിരീകരിച്ചിട്ടുണ്ട്. ഇതില് എട്ടുപേര് വിദേശത്ത് നിന്നും 15 പേര് ഇതര സംസ്ഥാനങ്ങളില് നിന്നും എത്തിയവരാണ്. ഡിഎസ്സി ഉദ്യോഗസ്ഥരാണ് ഒന്പതു പേര്. മൂന്നു പേര്ക്ക് സമ്പര്ക്കം മൂലമാണ് രോഗബാധ. കൊവിഡ് ബാധിച്ച് വിവിധ ആശുപത്രികളില് ചികിത്സയിലായിരുന്ന അഞ്ച് കണ്ണൂര് സ്വദേശികള് ഇന്ന് രോഗമുക്തരായി.
കർണാടകത്തിൽ കൊവിഡ് ഭീതി തുടരുന്നു: 24 മണിക്കൂറിൽ 3000ലധികം രോഗികൾ, ബെംഗളൂരുവിൽ 1985 കേസുകൾ!!
കണ്ണൂര് വിമാനത്താവളം വഴി ജൂണ് 19-ന് കുവൈറ്റില് നിന്ന് ജെ9 1415 വിമാനത്തിലെത്തിയ അഴീക്കോട് സ്വദേശി 27കാരന്, 25-ന് ഷാര്ജയില് നിന്ന് ജി9 0637 വിമാനത്തിലെത്തിയ കണ്ണവം സ്വദേശി 35കാരന്, 26ന് ഖത്തറില് നിന്ന് 6ഇ 9381 വിമാനത്തിലെത്തിയ വേങ്ങാട് സ്വദേശി 35കാരന്, 30ന് ഒമാനില് നിന്ന് ഐഎക്സ് 1714 വിമാനത്തിലെത്തിയ പയ്യന്നൂര് സ്വദേശി 26കാരന്, ജൂലൈ മൂന്നിന് സൗദി അറേബ്യയില് നിന്നെത്തിയ പേരാവൂര് സ്വദേശി 54കാരന്, ഏഴിന് സൗദി അറേബ്യയില് നിന്ന് എഐ 1934 വിമാനത്തിലെത്തിയ മയ്യില് സ്വദേശി 60കാരി, കരിപ്പൂര് വിമാനത്താവളം വഴി ജൂലൈ 12-ന് ജിദ്ദയില് നിന്നെത്തിയ കോട്ടയം മലബാര് സ്വദേശി 60കാരന് എന്നിവർക്ക് ഇന്ന് രോഗം സ്ഥിരീകരിച്ചിട്ടുണ്ട്.
നെടുമ്പാശ്ശേരി വിമാനത്താവളം വഴി ജൂണ് 23-ന് കുവൈറ്റില് നിന്ന് ജി8 7148 വിമാനത്തിലെത്തിയ കൊളച്ചേരി സ്വദേശി 32കാരന് എന്നിവരാണ് വിദേശത്ത് നിന്നെത്തിയവര്. ബെംഗളൂരുവില് നിന്ന് ജൂണ് 27-ന്് എത്തിയ കൂത്തുപറമ്പ് സ്വദേശി 50കാരന്, 29-ന് എത്തിയ മാങ്ങാട്ടിടം സ്വദേശി 21കാരന്, ജൂലൈ അഞ്ചിന് എത്തിയ കൂത്തുപറമ്പ് സ്വദേശി 48കാരന്, ചിറ്റാരിപ്പറമ്പ് സ്വദേശി 38കാരന്, ജൂലൈ എട്ടിന് എത്തിയ കൂത്തുപറമ്പ് സ്വദേശി 37കാരി, എട്ടുവയസ്സുകാരി പെണ്കുട്ടിയും ഇന്ന് രോഗം സ്ഥിരീകരിച്ചവരിൽ ഉൾപ്പെടുന്നു.
ജൂലൈ 10-ന് എത്തിയ മട്ടന്നൂര് സ്വദേശി 39കാരന്, തളിപ്പറമ്പ് സ്വദേശി 55കാരന്, കണ്ണൂര് വിമാനത്താവളം വഴി ജൂണ് 28-ന് നാഗാലാന്റില് നിന്ന് ബെംഗളൂരു വഴി 6ഇ 7974 വിമാനത്തിലെത്തിയ ചിറ്റാരിപ്പറമ്പ് സ്വദേശി 39കാരന്, 30-ന് ഗോവയില് നിന്ന് എത്തിയ പിണറായി സ്വദേശി 36കാരന് (ക്വാറന്റൈനില് കഴിഞ്ഞത് കോട്ടയം മലബാറില്), കോയമ്പത്തൂരില് നിന്ന് ജൂലൈ രണ്ടിന് എത്തിയ കൂത്തുപറമ്പ് സ്വദേശി 54കാരന് എന്നിവർക്കും രോഗം സ്ഥിരീകരിച്ചിട്ടുണ്ട്.
ജൂലൈ ഏഴിന് എത്തിയ കൂത്തുപറമ്പ് സ്വദേശി 35കാരന്, മുംബൈയില് നിന്ന് ജൂലൈ ഏഴിന് നേത്രാവതി എക്സ്പ്രസ്സിലെത്തിയ അഴീക്കോട് സ്വദേശി 62കാരി, ഒന്പതിന് എത്തിയ ഉളിക്കല് സ്വദേശി 29കാരന്, ജൂലൈ രണ്ടിന് ചെന്നൈയില് നിന്നെത്തിയ കൂത്തുപറമ്പ് സ്വദേശി 34കാരന് എന്നിവരാണ് ഇതര സംസ്ഥാനത്ത് നിന്നെത്തിയവര്. ഡിഎസ്സി ഉദ്യോഗസ്ഥരില് ആലപ്പുഴ സ്വദേശികളായ മൂന്നുപേരും ഉത്തര്പ്രദേശ്, ജമ്മുകാശ്മീര്, നേപ്പാള്, ആസ്സാം, ആന്ധ്രാപ്രദേശ്, കരുനാഗപ്പള്ളി സ്വദേശികളായ ഒരാള് വീതവുമാണ് പുതുതായി രോഗബാധിതരായത്. പാനൂര് സ്വദേശി 54കാരന്, മാങ്ങാട്ടിടം സ്വദേശി 50കാരന്, കൂത്തുപറമ്പ് സ്വദേശി 45കാരി എന്നിവര്ക്കാണ് സമ്പര്ക്കം വഴി രോഗബാധയുണ്ടായത്