കണ്ണൂരില് മയക്കുമരുന്നുമായി കൊയിലാണ്ടി സ്വദേശിയായ യുവാവ് അറസ്റ്റില്
കണ്ണൂര്: അതീവ മാരകമയക്കുമരുന്നുമായി കണ്ണൂര് നഗരത്തില് യുവാവ് പിടിയിലായി. കൊയിലാണ്ടിസ്വദേശിയായ യുവാവാണ് എക്സൈസിന്റെ പിടിയിലായത്.. ഇയാളില് നിന്നും .0335 ഗ്രാം എല്. എസ്ഡി , 15.37 ഗ്രാം മെ ത്താംഫറമിന് എന്നിവ പിടിച്ചെടുത്തു. കൊയിലാണ്ടി തുറയൂരിലെ നടക്കല് വീട്ടില് സുഹൈലാണ് (25) രഹസ്യവിവരം ലഭിച്ചതിനെ തുടര്ന്ന് എക്സൈസ് നടത്തിയ റെയ്ഡില് പിടികൂടിയത്.
കണ്ണൂര് നഗരത്തിലെ ബല്ലാര്ഡ് മൂന്നാംപീടിക റോഡില് വെച്ചു എക്സൈസ് എന്ഫോഴ്സ്മെന്റ് ആന്ഡ് ആന്റി നര് കോട്ടിക്ക് സ്പെഷ്യല് സക്വാഡ് എക്സൈസ് ഇന്സ്പെക്ടര് ജിജില് കുമാറിന്റെ നേതൃത്വത്തിലാണ് പ്രതിയെ കഴിഞ്ഞ ദിവസം പിടികൂടിയത്.ടയോട്ട എറ്റിയോസ് കാറില് കടത്തികൊണ്ടുവന്ന മയക്കുമരുന്നാണ് പിടികൂടിയത്. ഇയാളുടെ കൈയ്യില് നിന്നും ഇടപാടുകാരെ ബന്ധപ്പെടുന്നതിനും അവരുടെ പേര്വിവരങ്ങളും ശബ്ദ സന്ദേശങ്ങളുമുള്ള സ്മാര്ട്ട്ഫോണ് , എ.ടി.എം കാര്ഡ്, ആയിരം രൂപ എന്നിവ കണ്ടെടുത്തു. മയക്കുമരുന്ന് വില്പനയ്ക്കായാണ് സുഹൈല് കണ്ണൂരിലെത്തിയതെന്നാണ് എക്സൈസ് നല്കുന്ന വിവരം.
ബംഗ്ളൂരില് നിന്നും കൊണ്ടുവരുന്ന മയക്കുമരുന്ന് കണ്ണൂര് ജില്ലയിലെ വിവിധ ഭാഗങ്ങളില് ഇയാള് വില്പന നടത്തുന്നുവെന്ന രഹസ്യ വിവരം നേരത്തെ എക്സൈസ് ഇന്റലിജന്സ് ബ്യുറോയിലെ പ്രിവന്റീവ് ഓഫീസര് സി.വി ദിലീപിന് ലഭിച്ചിരുന്നു. ഈ രഹസ്യ വിവരം കണ്ണൂര് റെയ്ഞ്ച് എക്സെസിന് കൈമാറുകയായിരുന്നു. പ്രതിയെ ചോദ്യം ചെയ്തതിനു ശേഷം കേസെടുത്ത് കോടതിയില് ഹാജരാക്കി.
അന്വേഷണ സംഘത്തില് പ്രിവന്റീവ് ഓഫിസര്മാരായ കെ.പി വിജയന് , കെ.സി ഷിബു , സി. പുരുഷോത്തമന് , സിവില് എക്സൈസ് ഓഫീസര്മാരായ പങ്കജാക്ഷന്, ഇ സുജിത്ത് പ്രവീണ്, ഒ.വി ഷിബു എന്നിവരും പങ്കെടുത്തു.
Click it and Unblock the Notifications
Sign in with Google