പൊലിസിനെ വെട്ടിച്ച് മുങ്ങി നടന്നിരുന്ന കുപ്രസിദ്ധ മോഷ്ടാവ് തൊരപ്പൻ സന്തോഷ് മട്ടന്നൂരിൽ പിടിയിൽ

മട്ടന്നൂർ: വൻ മോഷണം നടത്താൻ പദ്ധതിയിടുന്നതിനിടെ കുപ്രസിദ്ധ മോഷ്ടാവ് തൊരപ്പൻ സന്തോഷ് പൊലിസിൻ്റെ വലയിലായി. മട്ടന്നൂർ വിമാനതാവളത്തിനടുത്തെ ചാലോട് നിന്നാണ് ഇയാൾ കഴിഞ്ഞ ദിവസം രാത്രിയിൽ പിടിയിലാകുന്നത്. ഏതാനും ദിവസമായി പൊലിസ് രഹസ്യാന്വേഷണ വിഭാഗം തൊരപ്പൻ സന്തോഷിനെ അന്വേഷിച്ചുവരികയായിരുന്നു. കണ്ണൂർ ജില്ലയിലെ മലയോരം കേന്ദ്രീകരിച്ച് കവർച്ച നടത്തിയിരുന്ന സന്തോഷ് അന്തർ സംസ്ഥാന മോഷ്ടാവാണെന്ന് പൊലിസ് പറഞ്ഞു.

കാസർകോട് മുതൽ കോഴിക്കോട് വരെ നടന്നനിരവധി മോ​ഷ​ണ​ക്കേ​സു​ക​ളി​ലെ പ്ര​തി​യാ​ണ് ന​ടു​വി​ല്‍ പു​ലി​ക്കു​രു​മ്പ​യി​ലെ സ​ന്തോ​ഷ് എ​ന്ന തൊ​ര​പ്പ​ന്‍ സ​ന്തോ​ഷ് (40)രഹസ്യവിവരം ലഭിച്ചതനുസരിച്ച് പ​യ്യ​ന്നൂ​ര്‍ ഡി​വൈ​എ​സ്പി എം.​സു​നി​ല്‍​കു​മാ​റി​ന്‍റെ നേ​തൃ​ത്വ​ത്തി​ലു​ള്ള അന്വേഷണ സംഘമാണ് ഇയാളെ പിടികൂടിയത്.വിവിധ മോഷണ കേസുകളിൽ പ്രതിയായ തൊരപ്പൻ സന്തോഷിനെ പിടികൂടാൻ കഴിയാതെ പൊലിസ് വലയുകയായിരുന്നു.

ഇയാളുടെ സഹായികളിൽ പ​ല​രും പോ​ലീ​സി​ന്‍റെ പി​ടി​യി​ലാ​യ​തോ​ടെ സന്തോഷ് ബം​ഗ​ളൂ​രു​വി​ലും ത​മി​ഴ്‌​നാ​ടി​ന്‍റെ പ​ല ഭാ​ഗ​ങ്ങ​ളി​ലു​മായി മുങ്ങി നടക്കുകയായിരുന്നു.
ജില്ലയിലെ പൊലിസ് തെ​ര​ഞ്ഞെ​ടു​പ്പു ചു​മ​ത​ല​ക​ളി​ലേ​ക്ക് തി​രി​ഞ്ഞ​തോ​ടെ​യാ​ണ് ഇ​യാ​ള്‍ സ്വന്തം ജില്ലയായ ക​ണ്ണൂ​രി​ലേക്ക് മടങ്ങിയത് പൊലിസ് രഹസ്യാന്വേഷണ വിഭാഗം തൊരപ്പൻ സന്തോഷ് കണ്ണുരിലെത്തിയിട്ടുണ്ടെന്ന് റിപ്പോർട്ട് ചെയ്തിരുന്നു.ഇതേ തുടർന്നാണ് ഇയാൾക്കായി വ്യാപക തെരച്ചിൽ പൊലിസ് നടത്തിയത്.

ഒരാഴ്ച്ച മുൻപ് പോ​ലീ​സി​ന്‍റെ പി​ടി​യി​ല്‍ നി​ന്നും തലനാരിഴ്ക്ക് രക്ഷപ്പെട്ട ഇയാളെ പിന്നീട്പ​യ്യ​ന്നൂ​ര്‍ സി​ഐ എം.​സി.​പ്ര​മോ​ദ്, പ്രി​ന്‍​സി​പ്പ​ല്‍ എ​സ്‌​ഐ കെ.​ടി.​ബി​ജി​ത്ത്, അ​ഡീ​ഷ​ണ​ല്‍ എ​സ്ഐ മ​നോ​ഹ​ര​ന്‍ എ​ന്നി​വ​ര​ട​ങ്ങി​യ സം​ഘ​മാ​ണ് പി​ടി​കൂ​ടി അ​റ​സ്റ്റ് ചെ​യ്ത​ത്.വ്യാപാര സ്ഥാപനങ്ങളുടെ ചുമർ തുരന്ന് മോഷണം നടത്തുന്നതിലാണ് സന്തോഷിന് തൊരപ്പൻ എന്ന പേര് വീണത്. മോഷണ പരമ്പരകൾ തന്നെ
ന​ട​ത്തി​യി​ട്ട് ഒ​റ്റ മു​ങ്ങ​ലാ​ണ്. പി​ന്നെ പൊ​ങ്ങു​ന്ന​ത് വീ​ണ്ടും മോ​ഷ​ണം ന​ട​ത്താ​നാ​ണ്.

ഇ​താ​ണ് തൊ​ര​പ്പ​ൻ സ​ന്തോ​ഷി​ന്‍റെ പ​തി​വു​ രീതി. ചിലപ്പോൾ. ഒ​രു ദി​വ​സം ഒ​രു മോ​ഷ​ണ​ത്തി​ൽ ഒ​തു​ങ്ങി​ല്ല, ര​ണ്ടും മൂ​ന്നും മോ​ഷ​ണ​മെ​ങ്കി​ലും ഇ​യാ​ൾ ന​ട​ത്താറുണ്ടെന്ന് പൊലിസ് പറയുന്നു.എന്നാൽ സന്തോഷ് സ്വ​ന്ത​മാ​യി മൊ​ബൈ​ൽ ഫോ​ൺ ഉ​പ​യോ​ഗി​ക്കാറില്ലാത്തതിനാൽ ഇയാളെ കണ്ടെത്താൻ പൊലിസിന് ഏറെ പ്രയാസപ്പെടേണ്ടി വന്നു.ലാൻ​ഡ് ഫോ​ൺ മാത്രംഉ​പ​യോ​ഗി​ക്കു​ന്ന​തി​നാ​ൽ പോ​ലീ​സി​ന് പി​ടി​ക്കാ​നും സാ​ധി​ച്ചി​രു​ന്നി​ല്ല. ഇ​യാ​ളു​ടെ സു​ഹൃ​ത്ത് അ​ടു​ത്തി​ടെ പോ​ലീ​സി​ന്‍റെ പി​ടി​യി​ലാ​യി​രു​ന്നു. അവരിൽ നിന്നു ലഭിച്ച

വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് തൊ​ര​പ്പ​നെ കു​ടു​ക്കി​യ​ത്. ക​ണ്ണൂ​ർ റൂ​റ​ൽ എ​സ്പി​യു​ടെ​യും കാ​സ​ർ​ഗോ​ഡ് എ​സ്പി​യു​ടെ​യും നേ​തൃ​ത്വ​ത്തി​ൽ തൊ​ര​പ്പ​ൻ സ​ന്തോ​ഷി​നെ പി​ടി​ക്കാ​ൻ ഒ​രു പ്ര​ത്യേ​ക സ്ക്വാ​ഡും രൂ​പീ​ക​രി​ച്ചി​രു​ന്നു. കണ്ണുർ ജില്ലയിലെവി​വി​ധ സ്ഥ​ല​ങ്ങ​ളി​ലാ​യി നൂ​റോ​ളം ക​വ​ര്‍​ച്ച കേ​സു​ക​ളി​ല്‍ ഇ​യാ​ള്‍ പ്ര​തി​യാ​ണെ​ന്ന് പോ​ലീ​സ് പ​റ​ഞ്ഞു. ത​ളി​പ്പ​റ​മ്പി​ലെ അ​ഭി​ഭാ​ഷ​ക​ന്‍റെ വീ​ട്ടി​ലും സൂ​പ്പ​ര്‍ മാ​ര്‍​ക്ക​റ്റി​ലും ന​ട​ത്തി​യ ക​വ​ര്‍​ച്ച​ക​ളി​ലും മ​ട്ട​ന്നൂ​ര്‍, ഇ​രി​ട്ടി, കാ​സ​ര്‍​ഗോ​ഡ്, മേ​ല്‍​പ്പ​റ​മ്പ്, ബേ​ക്ക​ല്‍, വെ​ള്ള​രി​ക്കു​ണ്ട്, ച​ന്തേ​ര, നീ​ലേ​ശ്വ​രം എ​ന്നി​വി​ട​ങ്ങ​ളി​ല്‍ ന​ട​ന്ന നി​ര​വ​ധി ക​വ​ര്‍​ച്ച കേ​സു​ക​ളി​ലും തൊരപ്പൻ പ്ര​തി​യാ​ണ്.

പെ​രി​ങ്ങോ​ത്തെ മ​ല​ഞ്ച​ര​ക്ക് സ്ഥാ​പ​ന​ത്തി​ല്‍​നി​ന്ന് കു​രു​മു​ള​ക് മോ​ഷ്ടി​ച്ച സം​ഭ​വ​ത്തി​ലും മാ​ത്തി​ല്‍ വൈ​പ്പി​രി​യ​ത്തെ ആ​ഗ്ര ടൈ​ല്‍​സി​ല്‍​നി​ന്ന് നി​രീ​ക്ഷ​ണ കാ​മ​റ​ക​ള്‍ കേ​ടു​വ​രു​ത്തി ഒ​രു​ല​ക്ഷ​ത്തോ​ളം രൂ​പ അ​പ​ഹ​രി​ച്ച സം​ഭ​വ​വു​മു​ള്‍​പ്പെ​ടെ​യു​ള്ള നി​ര​വ​ധി കേ​സു​ക​ളി​ല്‍ സന്തോഷ് മുഖ്യ പ്രതിയാണെന്ന് പോ​ലീ​സ് പ​റ​ഞ്ഞു. ചു​മ​രി​ല്‍ വ​ള​രെ ചെ​റി​യ ദ്വാ​ര​മു​ണ്ടാ​ക്കി അ​തി​ലൂ​ടെ സ്ഥാ​പ​ന​ങ്ങ​ളി​ല്‍ നു​ഴ​ഞ്ഞു​ക​യ​റി​യു​ള്ള ക​വ​ര്‍​ച്ച​ക​ളാ​ണ് തൊരപ്പൻ്റെ പ​തി​വു​രീ​തി. ഇ​തി​ലൂ​ടെ​യാ​ണ് ഇ​യാ​ള്‍​ക്ക് തൊ​ര​പ്പ​ന്‍ സ​ന്തോ​ഷ് എ​ന്ന പേ​ര് വീ​ണ​ത്.

പ​യ്യ​ന്നൂ​ര്‍ പെ​രു​മ്പ​യി​ലെ ഫൈ​സ​ൽ ട്രേ​ഡിം​ഗ് ക​ന്പി​നി​യി​ലെ ചു​മ​ര്‍ തു​ര​ന്ന് മു​ക്കാ​ല്‍​ല​ക്ഷ​ത്തോ​ളം രൂ​പ​യു​ടെ സി​ഗ​ര​റ്റ് മോ​ഷ്ടി​ച്ച സം​ഭ​വ​ത്തി​ലാ​ണ് പ​യ്യ​ന്നൂ​ര്‍ പോ​ലീ​സ് ഇ​യാ​ളെ അ​റ​സ്റ്റ് ചെ​യ്ത​ത്. ഈ ​ക​വ​ര്‍​ച്ച​യി​ലെ ഇ​യാ​ളു​ടെ കൂ​ട്ടാ​ളി​യാ​യ മ​ട്ട​ന്നൂ​ര്‍ മ​ണ്ണൂ​രി​ലെ ന​ഞ്ച​ട​ത്ത് ഹൗ​സി​ല്‍ കെ.​വി​ജേ​ഷ് (27), പാ​ലാ​വ​യ​ലി​ലെ വാ​ഴ​പ്പ​ള്ളി ഹൗ​സി​ല്‍ ജ​സ്റ്റി​ന്‍ (22) എ​ന്നി​വ​രെ പ​യ്യ​ന്നൂ​ര്‍ പോ​ലീ​സ് ക​ഴി​ഞ്ഞ ജ​നു​വ​രി 30ന് ​പി​ടി​കൂ​ടി അ​റ​സ്റ്റ് ചെ​യ്തി​രു​ന്നു.

ഇ​വ​രെ ചോ​ദ്യം ചെ​യ്ത​പ്പോ​ഴാ​ണ് തൊ​ര​പ്പ​ന്‍ സ​ന്തോ​ഷു​ള്‍​പ്പെ​ട്ട ക​വ​ര്‍​ച്ച​ക​ളു​ടെ കൂ​ടു​ത​ല്‍ വി​വ​ര​ങ്ങ​ള്‍ പോ​ലീ​സി​ന് ല​ഭി​ച്ച​ത്. ക​ണ്ണൂ​ര്‍ സ്‌​പെ​ഷ​ല്‍ സ​ബ് ജ​യി​ലി​ലേ​ക്ക് തൊ​ര​പ്പ​ന്‍ സ​ന്തോ​ഷ് കൊ​ണ്ടു​പോ​യ പൂ​ച്ചെ​ടി​ക​ള്‍ വൈ​പ്പി​രി​യ​ത്തെ ന​ഴ്‌​സ​റി​യി​ല്‍ നി​ന്നും മോ​ഷ്ടി​ക്കാ​ന്‍ ഒ​പ്പ​മു​ണ്ടാ​യി​രു​ന്ന​ത് ഇ​വ​രാ​ണെ​ന്നും പോ​ലീ​സി​നോ​ട് സ​മ്മ​തി​ച്ചി​രു​ന്നു.

വ​ലി​യ ഒ​രു ക​വ​ര്‍​ച്ച​യ്ക്കാ​യു​ള്ള നീ​ക്ക​ത്തി​നി​ട​യി​ലാ​ണ് ഇ​യാ​ള്‍ പി​ടി​യി​ലാ​യ​തെ​ന്ന് പോ​ലീ​സ് പ​റ​ഞ്ഞു. കണ്ണൂർ ജില്ലയിലെ മലയോരത്ത് തുടർച്ചയായക​വ​ര്‍​ച്ച​ക​ളി​ലൂ​ടെ ത​ല​വേ​ദ​ന​യാ​യി മാ​റി​യ ഇ​യാ​ളു​ടെ അ​റ​സ്‌​റ്റോ​ടെ ക​ണ്ണൂ​ർ-​കാ​സ​ർ​ഗോ​ഡ് ജി​ല്ല​ക​ളി​ലെ വ്യാ​പാ​രി​ക​ള്‍​ക്കാ​ണ് കൂ​ടു​ത​ല്‍ ആ​ശ്വാ​സ​മാ​യ​ത്. പ്രതിയെ പയ്യന്നൂർ കോടതി രണ്ടാഴ്ച്ചത്തേക്ക് റിമാൻഡ് ചെയ്തു.

English summary

Accused in robbery case arrested from Mattannur