ആഫ്രിക്കന് പന്നിപ്പനി: ഉദയഗിരിയില് പന്നികളെ ദയാവധത്തിനിരയാക്കി, ധന സഹായം വിതരണം ചെയ്തു
ആലക്കോട് :ആഫ്രിക്കന് പന്നിപ്പനി നിയന്ത്രണ ധന സഹായ വിതരണവും സെമിനാറും ഉദയഗിരി ഗ്രാമപഞ്ചായത്ത് കമ്മ്യൂണിറ്റി ഹാളില് മൃഗസംരക്ഷണ ക്ഷീരവികസന വകുപ്പ് മന്ത്രി ജെ ചിഞ്ചുറാണി ഉദ്ഘാടനം ചെയ്തു. സജീവ് ജോസഫ് എംഎല്എ അധ്യക്ഷത വഹിച്ചു. ദയാവധം നടത്തിയ 701 പന്നികള്ക്കും നശിപ്പിച്ച തീറ്റക്കും നഷ്ടപരിഹാരമായി ആകെ 36,04,810 രൂപയാണ് വിതരണം ചെയ്തത്. പായം,അയ്യന്കുന്ന് , ഉദയഗിരി, മാലൂര്, കണിച്ചാര് പഞ്ചായത്തുകളിലെ കര്ഷകര്ക്കാണ് ഉദയഗിരി ഗ്രാമപഞ്ചായത്തില് നടന്ന ചടങ്ങില് മന്ത്രി ധനസഹായം വിതരണം ചെയ്തത്.
ജില്ലാ പഞ്ചായത്ത് പ്രസിഡണ്ട് പി പി ദിവ്യ , ഉദയഗിരി ഗ്രാമ പഞ്ചായത്ത് പ്രസിഡണ്ട് കെ എസ് ചന്ദ്രശേഖരന് , മാലൂര് ഗ്രാമപഞ്ചായത്ത് പ്രസിഡണ്ട് വി ഹൈമാവതി, ജില്ലാ പഞ്ചായത്ത് മെമ്പര് ടി സി പ്രിയ, ഉദയഗിരി ഗ്രാമപഞ്ചായത്ത് വൈസ് പ്രസിഡണ്ട് ബിന്ദു ഷാജു, ഉദയഗിരി ഗ്രാമപഞ്ചായത്ത് സ്ഥിരം സമിതി ചെയര്പേഴ്സണ്മാരായ കെ എസ് അഭിഷ, കെ ടി സുരേഷ് കുമാര്, ഷീജ വിനോദ്, തളിപ്പറമ്പ് ബ്ലോക്ക് പഞ്ചായത്ത് മെമ്പര്മാരായ സരിത ജോസ്, ഗിരിജാമണി ടീച്ചര്, ഉദയഗിരി ഗ്രാമ പഞ്ചായത്ത് മെമ്പര് എം സി ജനാര്ദ്ദനന്, ജില്ലാ മൃഗ സംരക്ഷണ ഓഫീസര് ഡോ. വി പ്രശാന്ത്, ഡോ. എ നസീമ, ഡോ. കെ എസ് ജയശ്രീ, ഡോ ബിജോയ് വര്ഗ്ഗീസ്, എന് എം രാജു, ജോയിച്ചന് പള്ളിയാലില്, ജയ്സണ് പല്ലാട്ട്, കെ ആര് രതീഷ്, പിഡി ജയലാല്, ഇ എം നാസര് എന്നിവര് സംസാരിച്ചു.
തുടര്ന്ന് നടന്ന സെമിനാറില് പന്നി വളര്ത്തല് - അറിയേണ്ടതെല്ലാം എന്ന വിഷയത്തില് ഡോ പിന്നെ എന് ഷിബു ക്ലാസെടുത്തു. ഉദയഗിരി പഞ്ചായത്തിലെ ഫാമുകളിലാണ് ആഫ്രിക്കന് പന്നിപ്പനി സ്ഥിരീകരിച്ചത്. പ്രഭവകേന്ദ്രത്തിന്റെ ഒരു കിലോ മീറ്റര് ചുറ്റളവിലുള്ള മുഴുവന് പന്നികളെയും അടിയന്തിരമായി കൊന്നൊടുക്കാന് ജില്ല കലക്ടര് ഉത്തരവിറക്കിയിരുന്നു പത്ത് ഫാമുകളിലെ പന്നികളെ കൊലപ്പെടുത്തി മറവു ചെയ്യാനാണ് ഉത്തരവിട്ടത്.മണ്ണാത്തികുണ്ട് ബാബു കൊടകനാലിന്റെ ഉടമസ്ഥതയിലുള്ള പന്നി ഫാമിലാണ് ആഫ്രിക്കന് പന്നിപ്പനി സ്ഥിരീകരിച്ചത്.
മാനദണ്ഡങ്ങള് പ്രകാരം സംസ്കരിക്കാനാണ് തീരുമാനം. ഉദയഗിരി പഞ്ചായത്തില് രോഗം സ്ഥീരീകരിച്ച പന്നിഫാമിനു ചുറ്റുമുള്ള ഒരു കിലോമീറ്റര് പ്രദേശം രോഗ ബാധിത പ്രദേശം ആയും 10 കീലോമീറ്റര് ചുറ്റളവ് രോഗ നിരീക്ഷണ മേഖലയായും പ്രഖ്യാപിച്ചിട്ടുണ്ട്. ഈ പ്രദേശങ്ങളില് പന്നി മാംസം വിതരണം ചെയ്യുന്നതും വിതരണം ചെയ്യുന്ന കടകളുടെ പ്രവര്ത്തനവും പന്നികളെ ജില്ലയിലെ മറ്റു പ്രദേശങ്ങളില് കൊണ്ടുപോകുന്നതും മറ്റ് പ്രദേശങ്ങളില് നിന്ന് നിരീക്ഷണ മേഖലയിലേയ്ക്ക് കൊണ്ട് വരുന്നതിനും മൂന്ന് മാസത്തേക്ക് നിരോധനം ഏര്പ്പെടുത്തിയിട്ടുണ്ട്.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google