ഗണപതി ക്ഷേത്രക്കുളം നവീകരിക്കാന് 64 ലക്ഷം രൂപ അനുവദിച്ച് ഷംസീര്; അനുമതി മിത്ത് വിവാദത്തിനിടെ
കണ്ണൂര്: മിത്ത് വിവാദത്തിനിടെ സ്വന്തം മണ്ഡലത്തിലെ ഗണപതി ക്ഷേത്രത്തിലെ കുളം നവീകരിക്കാന് 64 ലക്ഷം രൂപ അനുവദിച്ച് സ്പീക്കര് എ എന് ഷംസീര്. ഫേസ്ബുക്ക് പോസ്റ്റിലൂടെ ഷംസീര് തന്നെയാണ് ഇക്കാര്യം അറിയിച്ചത് തലശ്ശേരി മണ്ഡലത്തിലെ ഗണപതി ക്ഷേത്രക്കുളത്തിന്റെ നവീകരണത്തിന് 64 ലക്ഷം രൂപയുടെ ഭരണാനുമതിയാണ് നല്കിയിരിക്കുന്നത്. തലശ്ശേരി കോടിയേരിയിലാണ് ക്ഷേത്രം സ്ഥിതി ചെയ്യുന്നത്.
ജില്ലയിലെ തന്നെ പുരാതനമായ ക്ഷേത്രങ്ങളിലൊന്നായ കാരാല്തെരുവില് സ്ഥിതി ചെയ്യുന്ന ഗണപതി ക്ഷേത്രത്തിനാണ് തുക അനുവദിച്ചിരിക്കുന്നത്. പഴമയുടെ പ്രൗഢി നിലനിര്ത്തികൊണ്ട് കുളം ഏറെ മനോഹരമായി നവീകരിക്കുവാനാണ് ലക്ഷ്യമിടുന്നത് എന്നും നടപടിക്രമങ്ങള് പൂര്ത്തിയാക്കി അടുത്ത മാസം ആകുമ്പോഴേക്കും ക്ഷേത്രകുളം നവീകരണ പ്രവൃത്തികള് ആരംഭിക്കുവാന് സാധിക്കുമെന്നും അദ്ദേഹം പറഞ്ഞു.
ഷംസീര് ഗണപതിയേയും ഹൈന്ദവ വിശ്വാസത്തേയും അവഹേളിച്ചു എന്ന തരത്തില് സംഘപരിവാറും എന് എസ് എസും പ്രചരണം നടത്തുന്നതിനിടെയാണ് നടപടി എന്നത് ശ്രദ്ധേയമാണ്. എറണാകുളത്തെ കുന്നത്തുനാട് മണ്ഡലത്തില് നടപ്പാക്കുന്ന വിദ്യാജോതി പദ്ധതിയുടെ ഉദ്ഘാടന ചടങ്ങിലായിരുന്നു സ്പീക്കറുടെ വിവാദ പ്രസംഗം. മിത്തുകളെയും വ്യക്തികളെയും ഉയര്ത്തിപ്പിടിക്കുന്നതിനു പകരം ശാസ്ത്രത്തെ പ്രോത്സാഹിപ്പിക്കണമെന്നായിരുന്നു ഷംസീര് പറഞ്ഞത്.
ഇതാണ് വിവാദത്തിനാധാരമായത്. വിദ്യാഭ്യാസ മേഖലയില് ശാസ്ത്രത്തെ പ്രോത്സാഹിപ്പിക്കണം എന്നും ഇന്നത്തെ എല്ലാ പ്രശ്നങ്ങള്ക്കും പരിഹാരം ശാസ്ത്രത്തെ പ്രോത്സാഹിപ്പിക്കല് മാത്രമാണ് എന്നുമാണ് ഷംസീര് പറഞ്ഞിരുന്നത്. തന്റെ കാലത്തൊക്കെ വിമാനം കണ്ടുപിടിച്ചത് ആരെന്ന ചോദ്യത്തിന് ഉത്തരം റൈറ്റ് സഹോദരങ്ങളാണെന്നായിരുന്നെന്നും എന്നാല് ഇന്ന് പറയുന്നത് ലോകത്തെ ആദ്യത്തെ വിമാനം പുഷ്പക വിമാനമാണെന്നാണ് എന്നായിരുന്നു ഷംസീര് പറഞ്ഞത്.
പാഠപുസ്തകങ്ങള്ക്ക് അകത്ത് ശാസ്ത്രത്തെ പ്രോത്സാഹിപ്പിക്കുന്നതിന് പകരം വ്യക്തികളെ പ്രോത്സാഹിപ്പിക്കുകയാണ് എന്നും അദ്ദേഹം പറഞ്ഞു. കൗരവപ്പടയുണ്ടായത് ഇന്ഫെര്ട്ടിലിറ്റി ട്രീറ്റ്മെന്റിലൂടെയാണെന്ന് പഠിപ്പിക്കാന് ശ്രമിക്കുകയാണ്. പ്ലാസ്റ്റിക് സര്ജറി വൈദ്യശാസ്ത്രത്തിലെ പുതിയ കണ്ടുപിടിത്തമാണ്. എന്നാല്, പ്ലാസ്റ്റിക് സര്ജറി ഹിന്ദുത്വ കാലത്തേ ഉള്ളതാണെന്നാണ് ഇവിടെ പഠിപ്പിക്കാന് ശ്രമിക്കുന്നത് എന്നും അദ്ദേഹം ആരോപിച്ചിരുന്നു.
ആദ്യത്തെ പ്ലാസ്റ്റിക് സര്ജറി നടത്തിയത് മനുഷ്യന്റെ ശരീരവും ആനയുടെ മുഖവുമുള്ള ഗണപതിയാണെന്നാണ് പറയുന്നതെന്നും ഇങ്ങനെ ശാസ്ത്രത്തിന്റെ സ്ഥാനത്ത് മിത്തുകളെ പ്രോത്സാഹിപ്പിക്കുകയാണ് എന്നുമായിരുന്നു ഷംസീര് പറഞ്ഞത്. അതേസമയം ഷംസീറിന്റെ പരാമര്ശത്തിന് എതിരെ വിശ്വഹിന്ദു പരിഷത്തും ബി ജെ പിയുമെല്ലാം പരാതി നല്കിയിട്ടുണ്ട്. ഷംസീര് സ്പീക്കര് സ്ഥാനത്ത് നിന്ന് നീക്കണമെന്നാണ് എന് എസ് എസിന്റേ ആവശ്യം.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google