കനിവ് 108 ആംബുലന്സില് ബീഹാറി യുവതിക്ക് സുഖപ്രസവം: സംഭവം ആശുപത്രിയിലേക്കുള്ള യാത്രാ മധ്യേ!!
കണ്ണൂര്: സര്ക്കാര് ആംബുലന്സില് യുവതിക്ക് സുഖപ്രസവം. ആരോഗ്യവകുപ്പ് ഏര്പ്പെടുത്തിയ 108 ആംബുലന്സിലാണ് ആദ്യമായി ഒരു യുവതി പ്രസവിച്ചത്. പയ്യന്നൂര് താലൂക്ക് ആശുപത്രിയില് സജ്ജീകരിച്ച കനിവ് 108 ആംബുലന്സില് ബിഹാറി സ്വദേശിനിയായ പുഷ്പയാണ് ഒരു പെണ്കുഞ്ഞിന് ജന്മം നല്കിയത്. ഞായറാഴ്ച ഉച്ചയോടെയാണ് പയ്യന്നൂര് താലൂക്ക് ആശുപത്രിയില് പുഷ്പയെ പ്രസവത്തിനായി പ്രവേശിപ്പിച്ചത്.
എന്നാല് ഇവര്ക്ക് രക്തസമ്മര്ദ്ദം കൂടുകയും ആരോഗ്യനിലയില് ആശങ്കയുണ്ടാവുകയും ചെയ്ത സാഹചര്യത്തില് പുഷ്പയെ ഡോക്ടര്മാര് പരിയാരത്തെ കണ്ണൂര് ഗവ. മെഡിക്കല് കോളജില് പ്രവേശിപ്പിക്കാന് നിര്ദ്ദേശിക്കുകയായിരുന്നു. പയ്യന്നൂര് താലൂക്ക് ആശുപത്രിക്ക് സമഗ്ര ട്രോമാകെയര്പദ്ധതിയുടെ ഭാഗമായി ലഭിച്ച കനിവ് 108 ആംബുലന്സിലായിരുന്നു ഇവരെ കൊണ്ടുപോയത്. എന്നാല് ഇതിനടിയില് പിലാത്തറയിലെത്തിയപ്പോള് പുഷ്പ ആംബുലന്സില് തന്നെ പ്രസവിക്കുകയായിരുന്നു.
ആംബുലന്സിലെ എമര്ജന്സി മെഡിക്കല് ടെക്നിഷ്യന് കെ.ജെ സന്തോഷിന്റെയും ഡ്രൈവര് ജിതിന്റെയും ഇടപെടാലാണ് പുഷ്പക്ക് തുണയായത്. നഴ്സിങ് രംഗത്ത് പത്തുവര്ഷത്തെ അനുഭവപരിചയമുള്ള സന്തോഷ് തളിപ്പറമ്പ് പെരുമ്പടവ് സ്വദേശിയാണ്. അമ്മയുടെയും കുഞ്ഞിന്റെയും ആരോഗ്യനില തൃപ്തികരമാണെന്ന് കണ്ണൂര് ഗവ. മെഡിക്കല് കോളജ് അധികൃതര് അറിയിച്ചു. ആലക്കോട് സ്വദേശിയായ ജിതിനാണ് ആംബുലന്സ് ഓടിച്ചിരുന്നത്. ഏഴിമല നാവിക അക്കാദമിയിലെ ഓഫിസറായ പ്രീതിയുടെ വീട്ടുവേലക്കാരിയാണ് ബിഹാറി സ്വദേശിനിയായ പുഷ്പ. ആംബുലന്സില് പ്രീതിയുമുണ്ടായിരുന്നത് സഹായകരമായി. ആംബുലന്സിന്റെ നടത്തിപ്പു ചുമതലയുള്ള ഹൈദരബാദിലെ ജി.വി.കെ എമര്ജന്സി മാനേജ്മെന്റ് ആന്ഡ് റിസര്ച്ച് ഇന്സ്റ്റിറ്റ്യൂട്ടിലെ ജീവനക്കാരാണ് സന്തോഷും ജിതിനും.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google