കണ്ണൂര്‍ വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

കോസ്റ്റ് ഗാർഡ് അക്കാദമി: എൽ.ഡി.എഫ് ഹെഡ് പോസ്റ്റ് ഓഫീസ് മാർച്ച് നടത്തും

കോസ്റ്റ് ഗാർഡ് അക്കാദമി: എൽഡിഎഫ് ഹെഡ് പോസ്റ്റ് ഓഫീസ് മാർച്ച് നടത്തും!!

  • By Desk
Google Oneindia Malayalam News

കണ്ണൂര്‍: ഇരിണാവ് അഴീക്കലില്‍ അനുവദിച്ച കോസ്റ്റ്ഗാര്‍ഡ് അക്കാദമി മാറ്റാനുള്ള കേന്ദ്രസര്‍ക്കാര്‍ നീക്കത്തില്‍ പ്രതിഷേധിച്ച് എല്‍.ഡി.എഫ് ജില്ലാ കമ്മിറ്റിയുടെ നേതൃത്വത്തില്‍ 16-ന് കണ്ണൂര്‍ ഹെഡ് പോസ്റ്റ് ഓഫീസിലേക്ക് മാര്‍ച്ച് നടത്തും. 2009-ലാണ് കോസ്റ്റ് ഗാര്‍ഡ് അക്കാദമി സ്ഥാപിക്കാനായി സംസ്ഥാന സര്‍ക്കാര്‍ 164 ഏക്കര്‍ ഭൂമി കേന്ദ്ര പ്രതിരോധ മന്ത്രാലയത്തിന് കൈമാറിയത്. 2011-ല്‍ പ്രതിരോധ മന്ത്രിയായിരുന്ന എ.കെ ആന്റണി ശിലാസ്ഥാപനവും നിര്‍വഹിച്ചിരുന്നു.

 പൌരത്വ ഭേദഗതി നിയമം: ദില്ലിയിൽ സംഘർഷം, ഏറ്റുമുട്ടിയത് പോലീസും വിദ്യാർത്ഥികളും തമ്മിൽ!! പൌരത്വ ഭേദഗതി നിയമം: ദില്ലിയിൽ സംഘർഷം, ഏറ്റുമുട്ടിയത് പോലീസും വിദ്യാർത്ഥികളും തമ്മിൽ!!

അക്കാദമി കര്‍ണാടകത്തിലേക്ക് മാറ്റാനുള്ള നീക്കമാണ് ഇപ്പോള്‍ നടക്കുന്നത്. കേന്ദ്ര വിദഗ്ധ സംഘത്തിന്റെ പരിശോധനയ്ക്കു ശേഷം സ്ഥലം അനുയോജ്യമെന്ന് കണ്ടെത്തിയതിനെ തുടര്‍ന്നാണ് പദ്ധതിയ്ക്ക് അനുമതി ലഭിച്ചതും തുക മുടക്കിയതും. 65.56 കോടി രൂപയാണ് ഇതിനായി മുതല്‍മുടക്കിയത്. പരിസ്ഥിതി പ്രശ്‌നമായിരുന്നു നേരത്തേ അനുമതിക്ക് തടസ്സം. 2018-ല്‍ തീരദേശ നിയന്ത്രണ ചട്ടത്തില്‍ കൊണ്ടുവന്ന ഭേദഗതിയിലൂടെ രാജ്യ രക്ഷയുമായി ബന്ധപ്പെട്ട പദ്ധതിക്ക് അനുമതി നല്‍കാമെന്ന് വ്യവസ്ഥയുണ്ട്.

kannur-map-18-1474

കേരള കോസ്റ്റല്‍ സോണ്‍ മാനേജ്മെന്റ് അതോറിറ്റി കേന്ദ്ര പരിസ്ഥിതി മന്ത്രാലയത്തിലേക്ക് പദ്ധതിക്ക് അനുകൂലമായി ശുപാര്‍ശ ചെയ്തിട്ടുമുണ്ട്. എന്നിട്ടും കേന്ദ്രസര്‍ക്കാര്‍ പദ്ധതി കര്‍ണാടകത്തിലേക്ക് മാറ്റാന്‍ ശ്രമിക്കുന്നത് കേരളത്തോടുള്ള അവഗണനയുടെ ഭാഗമായാണ്. ഇതില്‍ പ്രതിഷേധിച്ച് നടത്തുന്ന സമരത്തില്‍ വികസന തത്പരരായ മുഴുവന്‍ ജനാധിപത്യ വിശ്വാസികളും പങ്കെടുക്കണമെന്ന് ഭാരവാഹികള്‍ പറഞ്ഞു. തിങ്കളാഴ്ച രാവിലെ 9.30-ന് കാള്‍ടെക്‌സിന് സമീപത്തു നിന്ന് പ്രകടനം തുടങ്ങും.

എല്‍.ഡി.എഫ് ജില്ലാ കണ്‍വീനര്‍ കെ.പി സഹദേവന്‍, സി.പി.ഐ ജില്ലാ സെക്രട്ടറി അഡ്വ. പി. സന്തോഷ്‌കുമാര്‍, എല്‍.ജെ.ഡി ജില്ലാ പ്രസിഡന്റ് കെ.പി മോഹനന്‍, മറ്റ് എല്‍.ഡി.എഫ് നേതാക്കളായ എം. ഉണ്ണിക്കൃഷ്ണന്‍, സിറാജ് തയ്യില്‍, കെ.കെ രാജന്‍, അഡ്വ. എ.ജെ ജോസഫ്, ജോസ് ചെമ്പേരി, പി.പി ദിവാകരന്‍, മഹമ്മൂദ് പാറക്കാട്ട് എന്നിവര്‍ വാർത്താ സമ്മേളനത്തില്‍ പങ്കെടുത്തു....

English summary
Coast gurad academy LDF to lead Head post office march
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X