കണ്ണൂരിൽ കൊവിഡ് ഭേദദമായയാൾ മരിച്ചു: രോഗം സ്ഥിരീകരിച്ചത് ചക്ക പറിക്കുന്നതിനിടെ വീണ് പരിക്കേറ്റതോടെ
കണ്ണൂർ: മരത്തിൽ കയറുന്നതിനിടെയിൽ ദേഹത്ത് ചക്ക വീണ് പരിക്കേറ്റതിന് പിന്നാലെ കൊറോണ സ്ഥിരീകരിച്ച് ചികിത്സയിൽ കഴിഞ്ഞിരുന്ന ഓട്ടോ ഡ്രൈവര് മരിച്ചു. പരിക്കേറ്റ് കണ്ണൂർ ഗവ. മെഡിക്കല് കോളജില് പ്രവേശിപ്പിച്ചതോടെയാണ് ഇദ്ദേഹത്തെ കൊറോണ വൈറസ് പരിശോധനയ്ക്ക് വിധേയനാക്കുന്നത്. ഇതോടെ രോഗം സ്ഥിരികരിക്കുകയും ചെയ്തിരുന്നു. ഏഴാംമൈല് അയ്യങ്കാവ് കരിയത്ത് സ്വദേശി റോബിന് തോമസ് ( 44) ആണ് മരിച്ചത്. വെള്ളിയാഴ്ച വൈകുന്നേരം ആറു മണിക്കാണ് അതീവ ഗുരുതരാവസ്ഥയിലായ ഇദ്ദേഹം മരിക്കുന്നത്.
ആലപ്പുഴയിൽ 21 പേർക്ക് കൊറോണ വൈറസ് ബാധ: 14 പേർ വിദേശത്ത് നിന്നെത്തിയത്
ഇദ്ദേഹത്തിന് ആദ്യപരിശോധനയില് കൊറോണ വൈറസ് പോസിറ്റീവ് ആയിരുന്നെങ്കിലും തുടര്ന്ന് നടത്തിയ പരിശോധനയില് നെഗറ്റീവ് ഫലം ലഭിച്ചിരുന്നു. വീഴ്ചയില് ഗുരുതരമായ പരിക്കുകള് സംഭവിച്ചിരുന്നെങ്കിലും കൊറോണ വൈറസ് പോസിറ്റീവ് ആയതിനെ തുടര്ന്ന് അടിയന്തിര ശസ്ത്രക്രിയകള് നടത്താനായില്ല. പിന്നീട് രോഗമുക്തി നേടിയതായി അറിയിച്ചതിനെ തുടര്ന്ന് തുടര്ചികിത്സകള് നടത്തിയെങ്കിലും ശസ്ത്രക്രിയക്ക് വിധേയനാക്കാന് സാധിച്ചിരുന്നില്ല.
മേയ് 19 ന് രാവിലെ വീട്ടുപറമ്പിലെ പ്ലാവില് കയറി ചക്ക പറിക്കുന്നതിനിടയിലായിരുന്നു അപകടം. ചക്ക ദേഹത്തുവീണതിനെ തുടര്ന്ന് റോബിൻ പ്ലാവില്നിന്നു താഴെ വീഴുകയായിരുന്നു. ഗുരുതരമായി പരിക്കേറ്റനിലയില് പരിയാരം മെഡിക്കല് കോളജില് എത്തിച്ചപ്പോള് ശസ്ത്രക്രിയക്ക് മുന്നോടിയായി നടത്തിയ പരിശോധനയിലാണ് കോവിഡ് പോസിറ്റീവ് ഫലം ലഭിച്ചത്.
ജില്ലയില് കൊറോണ വൈറസ് ബാധയുണ്ടായിരുന്ന പ്രദേശങ്ങളുമായോ വ്യക്തികളുമായോ റോബിന് യാതൊരുവിധ സമ്പര്ക്കവും കണ്ടെത്താനായിരുന്നില്ല. ഇതോടെ ഇദ്ദേഹത്തിന് രോഗബാധ സ്ഥിരീകരിക്കാനിടയായ സാഹചര്യം വിശദീകരിക്കാനുമായിരുന്നില്ല. ഇദ്ദേഹവുമായി സമ്പര്ക്കം പുലര്ത്തിയ കുടുംബാംഗങ്ങളും ആശുപത്രിയിലേക്ക് കൊണ്ടുപോയവരുമുള്പ്പെടെ മറ്റാര്ക്കും രോഗബാധ കണ്ടെത്താനും ആയിരുന്നില്ല.
കഴിഞ്ഞ ദിവസം ജില്ലയിൽ ഡെങ്കിപ്പനി ബാധിച്ച് ചികിത്സയിലിരിക്കേ ന്യൂമോണിയ ബാധിച്ച വയോധികനും. മരണമടഞ്ഞിരുന്നു. പള്ളത്തടുക്ക അന്നടുക്കയിലെ ശങ്കര നാരായണ ഭട്ട് (76)ആണ് മരിച്ചത്. ഡെങ്കിപ്പനിയെത്തുടര്ന്ന് ഒരാഴ്ച മുന്പ് കാസര്ഗോട്ടെ സ്വകാര്യ ആശുപത്രിയില് പ്രവേശിപ്പിച്ചതായിരുന്നു. മൂന്നു ദിവസം മുമ്പ് അസുഖം ഭേദമായതായി അറിയിച്ചിരുന്നെങ്കിലും അതിനിടയില് ന്യൂമോണിയ ബാധിക്കുകയായിരുന്നു. ഭാര്യ: പ്രസന്നകുമാരി. മക്കള്: ഗോവിന്ദ ശര്മ, കൃഷ്ണപ്രസാദ്, ഈശ്വരി, ജയന്തി, മീനാക്ഷി, നളിനി. മരുമക്കള്: ദുര്ഗാ കിരണ്, സവിത, രാംഭട്ട്, ഗോപാലകൃഷ്ണ, തിരുമലേശ്വര, വേദമൂര്ത്തി കുമാരസ്വാമി.