• search
For kannur Updates
Allow Notification  

    ദുരിതാശ്വാസ നിധിയിലേക്ക് കണ്ണൂരില്‍ 3 ദിവസം കൊണ്ട് ലഭിച്ചത് അരക്കോടിയിലേറെ, സഹായ പ്രവാഹം തുടരുന്നു

    • By desk

    കണ്ണൂര്‍: കേരളം നേരിടുന്ന പ്രളയക്കെടുതിയുടെ ദുരിതാശ്വാസ പ്രവര്‍ത്തനങ്ങള്‍ക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സഹായ പ്രവാഹം. കണ്ണൂര്‍ ജില്ലയില്‍ മൂന്ന് ദിവസങ്ങള്‍ കൊണ്ട് 52,65,586 രൂപയാണ് കലക്ടറേറ്റില്‍ സമാഹരിച്ചത്. 16,65,152 രൂപ പണമായും 36,00,434 രൂപ ചെക്കായും കലക്ടറേറ്റില്‍ സംഭാവന എത്തി. തങ്ങളുടെ കഴിവനുസരിച്ച് ആയിരം രൂപമുതല്‍ ലക്ഷങ്ങള്‍ വരെയുള്ള സംഖ്യയുമായാണ് ജീവിതത്തിന്റെ നാനാതുറകളില്‍ നിന്നുള്ളവര്‍ സംഭാവനകളുമായി എത്തിയത്.

    മഴയിൽ തൃശ്ശൂരിൽ വ്യാപക നാശം: പൂമലയില്‍ വീട് തകര്‍ന്ന് 2 മരണം, ഉരുൾപൊട്ടലിൽ ഒരാൾ മരിച്ചു!

    കഴിഞ്ഞ ദിവസം ദുരിതാശ്വാസ നിധിയിലേക്ക് സഹായമായി 10 ലക്ഷം രൂപ ജില്ലാ പഞ്ചായത്ത് നല്‍കിയിരുന്നു. ജില്ലാ പഞ്ചായത്ത് അംഗങ്ങള്‍, ജീവനക്കാര്‍ എന്നിവരുടെ സംഭാവനയും ജില്ലാ പഞ്ചായത്തിന്റെ തനത് വരുമാനത്തില്‍ നിന്നുള്ള വിഹിതവും ചേര്‍ത്തായിരുന്നു ഈ തുക സമാഹരിച്ചത്. കലക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ റവന്യു വകുപ്പ് മന്ത്രി ഇ ചന്ദ്രശേഖരന് പ്രസിഡണ്ട് കെ വി സുമേഷ്, വൈസ് പ്രസിഡണ്ട് പി പി ദിവ്യ, സെക്രട്ടറി വി ചന്ദ്രന്‍, സ്റ്റാന്റിങ്ങ് കമ്മിറ്റി ചെയര്‍മാന്‍മാര്‍, അംഗങ്ങള്‍ എന്നിവര്‍ ചേര്‍ന്നാണ് തുക കൈമാറിയത്.

    മട്ടന്നൂര്‍ മലബാര്‍ ഇംഗ്ലീഷ് സ്‌കൂള്‍ വിദ്യാര്‍ത്ഥികളും മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു ലക്ഷം രൂപ നല്‍കിയിരുന്നു. സംസ്ഥാനം മഴക്കെടുതിയുടെ ദുരിതം അനുഭവിക്കുന്ന വേളയില്‍ ഈ വര്‍ഷത്തെ ഓണാഘോഷം വേണ്ടെന്നുവെച്ചായിരുന്നു വിദ്യാര്‍ത്ഥികളുടെ സംഭാവന.

    വിദ്യാര്‍ത്ഥികള്‍ സ്വരൂപിച്ച തുകയ്‌ക്കൊപ്പം മാനേജ്‌മെന്റിന്റെ ചാരിറ്റി ഫണ്ടില്‍ നിന്നുള്ള തുക കൂടി ചേര്‍ത്താണ് സഹായധനം നല്‍കിയത്. ജില്ലാ കലക്ടര്‍ മീര്‍ മുഹമ്മദ് അലിക്ക് സ്‌കൂള്‍ മാനേജിങ് ഡയറക്ടര്‍ ഡോ. ടി പി മുഹമ്മദ് തുക കൈമാറി. മറ്റു സ്‌കൂളുകള്‍ക്കും മാതൃകയാക്കാന്‍ കഴിയുന്ന പ്രവര്‍ത്തനമാണ് മലബാര്‍ ഇംഗ്ലീഷ് സ്‌കൂളിന്റെയും വിദ്യാര്‍ത്ഥികളുടെ ഭാഗത്ത് നിന്നുണ്ടായതെന്ന് കലക്ടര്‍ പറഞ്ഞു. കലക്ടറുടെ ചേംബറില്‍ നടന്ന ചടങ്ങില്‍ സ്‌കൂള്‍ പ്രിന്‍സിപ്പല്‍ കെ എസ് മാര്‍ക്കോസ്, അഡ്മിനിസ്‌ട്രേറ്റര്‍ ഗീതാ രമേശ്, അക്കാഡമിക് കോര്‍ഡിനേറ്റര്‍ കെ ഒ പി ഗിരീഷ്, സ്‌കൂള്‍ ലീഡര്‍ മുഹമ്മദ് ഫാദില്‍, ഫാത്തിമത് ഫര്‍ഹാന തുടങ്ങിയവര്‍ പങ്കെടുത്തു.

    ഇതിനു പുറമെ, ദുരിതബാധിതര്‍ക്കായുള്ള സഹായ സാധനങ്ങളുടെ ഒഴുക്ക് കലക്ടറേറ്റിലും താലൂക്ക് കേന്ദ്രങ്ങളിലും തുടരുകയാണ്. അരി, എണ്ണ, പഞ്ചസാര തുടങ്ങിയ ഭക്ഷ്യസധനങ്ങള്‍ക്കു പുറമെ, വസ്ത്രങ്ങള്‍, പാത്രങ്ങള്‍, ചെറിപ്പുകള്‍ തുടങ്ങി ടണ്‍കണക്കിന് സാധനങ്ങളാണ് ദുരിതബാധിതര്‍ക്കായി ജില്ലയുടെ വിവിധ ഭാഗങ്ങളില്‍ നിന്നുള്ള ഉദാരമനസ്‌ക്കര്‍ ഇവിടങ്ങളിലെത്തിക്കുന്നത്. ജില്ലയിലെ അടിയന്തര ആവശ്യങ്ങള്‍ കഴിച്ച് ബാക്കിയുള്ള അയല്‍ ജില്ലയായ വയനാട്ടിലേക്ക് കയറ്റി അയക്കുകയാണ് ചെയ്യുന്നത്.

    കൂടുതൽ കണ്ണൂര്‍ വാർത്തകൾView All

    മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

    Name of Donee: CMDRF
    Account number : 67319948232
    Bank: State Bank of India
    Branch: City branch, Thiruvananthapuram
    IFSC Code: SBIN0070028
    Swift Code: SBININBBT08

    keralacmrdf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

    English summary
    Donations to flood affected people of Kannur is continuing in the district

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more