കണ്ണൂരില്‍ ഒരു കുടുംബത്തിലെ അഞ്ചു കുട്ടികള്‍ മുങ്ങി മരിച്ചു

കണ്ണൂര്‍; കണ്ണൂരിലെ പയ്യാവൂരില്‍ ചമതച്ചാലില്‍ പുഴയില്‍ കുളിക്കാനിറങ്ങിയ ഒരു കുടുംബത്തിലെ അഞ്ച് കുട്ടികള്‍ മുങ്ങി മരിച്ചു. രണ്ടു പേരെ കാണാതായി. മരിച്ചവരില്‍ ഒരു പെണ്‍കുട്ടിയും ഉള്‍പ്പെടുന്നു. രക്ഷപ്പെട്ട ഒരു കുട്ടിയുടെ നില ഗുരുതരമായി തുടരുകയാണ്. സെബാല്‍ സെല്‍ജന്‍, ഒരിജ സെല്‍ജന്‍, മാണിക് ബിനോയ്, അഖില്‍, ആയല്‍ എന്നിവരാണ് മരിച്ചത്. സഹോദരന്മാരായ കുറ്റിക്കാട്ടില്‍ ജോസ് ,അക്കാം പറമ്പില്‍ സജി എന്നിവരുടെ കുട്ടികളാണ് മരിച്ചവര്‍.

കളിക്കുന്നതിനിടെ കുട്ടികള്‍ ഒഴുക്കില്‍പ്പെടുകയായിരുന്നെന്നാണ് കരുതുന്നത്. കുട്ടികളുടെ നിലവിളികേട്ട് സമീപത്തുളളവര്‍ ഓടിക്കൂടുകയായിരുന്നു. നാട്ടുകാര്‍ കുട്ടികളെ രക്ഷപ്പെടുത്താന്‍ ശ്രമിച്ചെങ്കിലും നടന്നില്ല. മൃതദേഹങ്ങള്‍ പോസ്റ്റ്‌മോര്‍ട്ടത്തിനായി കണ്ണൂര്‍ പരിയാരം മെഡിക്കല്‍ കോളേജിലേയ്ക്കു മാറ്റി. പയ്യാവൂര്‍ സേക്രട്ട് ഹാര്‍ട്ടിലേയും സെന്റ് ആന്‍സിലേയും വിദ്യാര്‍ത്ഥികളാണ് മരിച്ചവര്‍.

English summary

Five children, including a girl, drowned in a river in Payyavur ,kannur