വാഹന പരിശോധനയ്ക്കിടെ നാടൻ തോക്ക് പിടിച്ചു: ഓടി രക്ഷപ്പെട്ട യുവാവിനെ പൊലിസ് തിരയുന്നു
കണ്ണൂർ: അർധരാത്രി പരിയാരംപൊലീസ് നടത്തിയ വാഹന പരിശോധനയ്ക്കിടെ നാടൻ തോക്ക് പിടികൂടി. ഓട്ടോയിൽ തോക്കുമായി സഞ്ചരിച്ച യുവാവ് ഓടി രക്ഷപ്പെട്ടു. ഇയാൾക്കായി പൊലിസ് തെരച്ചിൽ ശക്തമാക്കിയിട്ടുണ്ട്. ഓട്ടോയില് സഞ്ചരിക്കുകയായിരുന്ന നായാട്ടുകാരനില് നിന്നാണ് നാടന് തോക്ക് പിടികൂടിയത്. പരിയാരംപോലീസ് നടത്തിയ വാഹന പരിശോധനയ്ക്കിടെ ഓട്ടോറിക്ഷയില് നിന്നും നാടന് തോക്ക് കണ്ടെത്തുകയായിരുന്നു.
എന്റെ സുരക്ഷയും പിഴയും അപ്രധാനം, പൗരത്വ നിയമം വലിയ നുണ, തിരിച്ചടിച്ച് പ്രിയങ്ക!!
ഇതിനിടെ യാത്രക്കാരനായ തോക്കുടമ ഓടി രക്ഷപ്പെട്ടു. കഴിഞ്ഞദിവസം അര്ധരാത്രി പരിയാരം എസ് ഐ പി ബാബുമോന്റെ നേതൃത്വത്തില് കാരക്കുണ്ടില് നടത്തിയ വാഹന പരിശോധനയിലാണ് തോക്ക് പിടികൂടിയത്. സഞ്ചിയുമായി യാത്ര ചെയ്യുകയായിരുന്ന യാത്രികനോട് സഞ്ചിയിലെന്താണെന്ന് പോലീസ് ചോദിച്ചയുടന് സഞ്ചി ദൂരേക്ക് വലിച്ചെറിഞ്ഞ് ഇയാള് ഓടി രക്ഷപ്പെടുകയായിരുന്നു. സഞ്ചി പരിശോധിച്ചപ്പോഴാണ് നാടന് തോക്കാണെന്ന് വ്യക്തമായത്.
തോക്ക് പൂര്ണമായ നിലയില് ഘടിപ്പിക്കാതെ നാലു ഭാഗങ്ങളാക്കിയ നിലയിലായിരുന്നു. പിന്നീട് പോലീസ് ഇവ പൂര്ണമായ തോതില് ഘടിപ്പിച്ചു. മികച്ച നിലവാരമുള്ള നാടന് തോക്കാണിതാണെന്ന് പോലീസ് പറഞ്ഞു. ഓട്ടോ ഡ്രൈവറെ ചോദ്യം ചെയ്തപ്പോള് പാണപ്പുഴയിലെ ജയന് എന്നയാളാണ് യാത്രക്കാരനെന്നും എടക്കോം ഭാഗത്തേക്ക് പോകണമെന്ന് പറഞ്ഞാണ് ട്രിപ്പ് വിളിച്ചതെന്നും പറഞ്ഞു. പോലീസ് ഇയാളുടെ വീട്ടില് റെയ്ഡ് നടത്തിയെങ്കിലും ആളെ കണ്ടെത്തിയില്ല. ഇയാള്ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്. പ്രതിയെ ഉടൻ പിടികൂടുമെന്ന് പൊലീസ് അറിയിച്ചു.