ഏഴിമല നാവിക അക്കാദമിയില്‍ നിന്നും പുറത്തുചാടിയ കുതിരയെ മണിക്കൂറുകള്‍ക്കുള്ളില്‍ തളച്ചു

കണ്ണൂര്‍: ഏഴിമല നാവല്‍ അക്കാദമിയില്‍ നിന്നു പുറത്തുചാടിയ കുതിരയെ മണിക്കൂറുകള്‍ക്കുള്ളില്‍ കണ്ടെത്തി. കഴിഞ്ഞ ദിവസം രാവിലെ പതിനൊന്നുമണിയോടെയാണ് കുതിര അക്കാദമിയില്‍ നിന്നും പുറത്തുചാടിയത്. പുറത്തു ചാടിയ കുതിരയെ ആദ്യം നാട്ടുകാര്‍ കൗതകത്തോടെയാണ് നോക്കി കണ്ടത്. വിറളി പൂണ്ട് കുതിരയുടെ ഓട്ടത്തില്‍ ഭയന്ന് നാട്ടുകാര്‍ പിന്നീട് കുതറിയോടി. പിന്നെ ഒരു മണിക്കൂര്‍ നേരം കുതിര ദിക്കും ദിശയുമറിയാതെ ഓടുകയായിരുന്നു. തലങ്ങും വിലങ്ങും ഓടിയ കുതിര നാടിനെ ശരിക്കും വിറപ്പിച്ചു.

നേവല്‍ അക്കാദമിയുടെ കണ്ണൂര്‍ ഗേറ്റ് വഴി ഇറങ്ങി ഓടിയ കുതിര എത്തിയത് എട്ടിക്കുളം പുഞ്ചിരി മുക്കില്‍. കുതിര തലങ്ങും വിലങ്ങും ഓടിയതോടെ ആളുകളുടെ പുഞ്ചിരി മാഞ്ഞു. ഇതിനിടയില്‍ കുതിരയുടെ പരാക്രമം കï് ഭയന്നോടിയ നാലു പേര്‍ക്ക് വീഴ്ചയില്‍ പരുക്കുമേറ്റു. ഒരു മണിക്കൂറിനു ശേഷം നാവിക അക്കാദമി അധികൃതര്‍ എത്തിയത്. സൈന്യത്തെ കണ്ട ഭയമൊന്നും കുതിരക്കുണ്ടായില്ല. ഒടുവില്‍ നാട്ടുകാരുടെ സഹായവും അവര്‍ തേടി. നാട്ടുകാരുടെ സഹായത്തോടെ കുതിരയെ അധികൃതര്‍ പിടികൂടി. അതോടെയാണു നാട്ടുകാര്‍ക്ക് ശ്വാസം നേരെ വീണത്.

English summary

Horse goes out from Ezhimala Naval academy, recovers laters