അതിജീവനത്തിൻ്റെ പുതുവഴി തേടി പോസ്റ്റ് ഓഫിസുകൾ ഡിജിറ്റൽ ഇന്ത്യാ സേവനങ്ങളിലൂടെ പുതുമോടി

കണ്ണുർ: പ്രധാനമന്ത്രിയുടെ ഡിജിറ്റൽ ഇന്ത്യ പദ്ധതിയുടെ ഭാഗമായി പുത്തൻ സേവനങ്ങളുമായി തപാൽ സർവീസും അതിജീവനത്തിൻ്റെ പാതയിൽ. ക​ത്തു​ക​ൾ മാ​ത്ര​മ​ല്ല പൊ​തു​ജ​ന സേ​വ​ന​ങ്ങ​ളും ഇ​നി പോ​സ്റ്റ് ഓ​ഫീ​സി​ൽ​നി​ന്ന് ഇപ്പോൾ ലഭ്യമാണ്. പോ​സ്റ്റ് ഓ​ഫീ​സു​ക​ളി​ലേ​ക്ക് കൂ​ടു​ത​ൽ ആ​ളു​ക​ളെ ആ​ക​ർ​ഷി​ക്കാ​നാ​ണ് പൊ​തു​ജ​ന സേ​വ​ന​കേ​ന്ദ്ര​ങ്ങ​ള്‍ തുടങ്ങിയത്. ക​ണ്ണൂ​ര്‍ പോ​സ്റ്റ​ല്‍ ഡി​വി​ഷ​നി​ലെ മു​ഴു​വ​ന്‍ പോ​സ്റ്റ് ഓ​ഫീ​സു​ക​ളി​ലും തെ​ര​ഞ്ഞെ​ടു​ത്ത ബ്രാ​ഞ്ച് പോ​സ്റ്റ് ഓ​ഫീ​സു​ക​ളി​ലും പൊ​തു​ജ​ന സേ​വ​ന കേ​ന്ദ്ര​ങ്ങ​ള്‍ പ്ര​വ​ര്‍​ത്ത​നം തു​ട​ങ്ങിയിട്ടുണ്ട്. ഗ​വ​ൺ​മെ​ന്‍റ് ഓ​ഫീ​സു​ക​ള്‍ ക​യ​റി​യി​റ​ങ്ങാ​തെ ജ​ന​ങ്ങ​ള്‍​ക്ക് ഡി​ജി​റ്റ​ല്‍ സേ​വ​ന​ങ്ങ​ള്‍ ഇ​നി പോ​സ്റ്റ് ഓ​ഫീ​സു​ക​ളി​ല്‍​നി​ന്ന് ല​ഭ്യ​മാ​കും.

കേ​ന്ദ്ര-​സം​സ്ഥാ​ന സ​ര്‍​ക്കാ​ര്‍ നി​കു​തി​ക​ള്‍, ഇ​ന്‍​ഷ്വ​റ​ന്‍​സ് പ്രീ​മി​യം, പാ​ച​ക വാ​ത​ക സി​ലി​ണ്ട​ര്‍ ബു​ക്കിം​ഗ്, പാ​സ്‌​പോ​ര്‍​ട്ട് പു​തു​ക്ക​ല്‍, ഫാ​സ്ടാ​ഗ്, വൈ​ദ്യു​ത ബി​ല്‍, വെ​ള്ള​ക്ക​രം, ടെ​ലി​ഫോ​ണ്‍ ബി​ല്‍ തു​ട​ങ്ങി 73 സേ​വ​ന​ങ്ങ​ള്‍ സെ​ന്‍റ​റി​ലൂ​ടെ ല​ഭി​ക്കും. ആ​ധാ​ർ സേ​വ​ന​ങ്ങ​ള്‍ നേ​ര​ത്തെ​ത​ന്നെ പോ​സ്റ്റ് ഓ​ഫീ​സു​ക​ളി​ല്‍ ആ​രം​ഭി​ച്ചി​ട്ടു​ണ്ട്. ഏ​തു ബാ​ങ്കി​ൽ നി​ക്ഷേ​പി​ച്ച തു​ക​യും പോ​സ്റ്റ് ഓ​ഫീ​സി​ലെ ആ​ധാ​ർ എ​നേ​ബി​ൾ​ഡ് പേ​മെ​ന്‍റ് സി​സ്റ്റം വ​ഴി പി​ൻ​വ​ലി​ക്കാം. ഒ​രു ദി​വ​സം 10,000 രൂ​പ​വ​രെ പി​ൻ​വ​ലി​ക്കാ​നു​ള്ള സൗ​ക​ര്യം നി​ല​വി​ലു​ണ്ട്. ല​ഘു നി​ക്ഷേ​പ​പ​ദ്ധ​തി​ക​ൾ, മ​ഹി​ളാ പ്ര​ധാ​ൻ, വി​വി​ധ ഇ​ൻ​ഷ്വ​റ​ൻ​സ് പ​ദ്ധ​തി​ക​ൾ എ​ന്നി​വ മു​ഖേ​ന പോ​സ്റ്റ് ഓ​ഫീ​സു​ക​ൾ ബാ​ങ്കിം​ഗ്- സാ​മ്പ​ത്തി​ക സേ​വ​ന​ങ്ങ​ളും ന​ൽ​കു​ന്നു​ണ്ട്.

ഇപ്പോൾ കോ​വി​ഡ്കാ​ല​ത്ത് ബാ​ങ്കു​ക​ളി​ൽ പോ​കാ​തെ പെ​ൻ​ഷ​ന​ട​ക്ക​മു​ള്ള സേ​വ​ന​ങ്ങ​ൾ വീ​ട്ടു​പ​ടി​ക്ക​ലെ​ത്തി​ക്കു​ക​യാ​ണ് പോ​സ്റ്റ് ഓ​ഫീ​സു​ക​ളി​ലെ ആ​ധാ​ർ എ​നേ​ബി​ൾ​ഡ് പേ​മെ​ന്‍റ് സി​സ്റ്റം വ​ഴി.

പേ​ര്, ആ​ധാ​ർ ലി​ങ്ക് ചെ​യ്ത മൊ​ബൈ​ൽ ന​മ്പ​ർ, മേ​ൽ​വി​ലാ​സം, ബാ​ങ്ക് എ​ന്നി​വ മാ​ത്രം പ​റ​ഞ്ഞു​കൊ​ടു​ത്താ​ൽ മ​തി പ​ണം വീ​ട്ടി​ലെ​ത്തും. അ​ടു​ത്തു​ള്ള പോ​സ്റ്റ്മാ​നോ​ട് ആ​വ​ശ്യ​പ്പെ​ട്ടാ​ലും സേ​വ​നം ല​ഭി​ക്കും. വി​വ​ര​ങ്ങ​ൾ കൈ​മാ​റു​ന്ന​വ​ർ​ക്ക് പോ​സ്റ്റ്മാ​ൻ പ​ണം കൃ​ത്യ​മാ​യി വീ​ട്ടി​ലെ​ത്തി​ക്കു​ക​യും ചെ​യ്യും.

പെ​ൻ​ഷ​ൻ തു​ക ബാ​ങ്കി​ലെ​ത്തി വാ​ങ്ങാ​ൻ ക​ഴി​യാ​ത്ത പ്രാ​യ​മു​ള്ള​വ​ർ​ക്കും പോ​സ്റ്റ് ഓ​ഫീ​സി​ന്‍റെ ഈ ​സേ​വ​നം ഉ​പ​യോ​ഗ​പ്പെ​ടു​ത്താ​ൻ ക​ഴി​യു​മെ​ന്ന് അ​ധി​കൃ​ത​ർ പ​റ​യു​ന്നു. ബ​യോ​മെ​ട്രി​ക് പ​ഞ്ചിം​ഗ് മെ​ഷീ​നു​മാ​യാ​ണ് പോ​സ്റ്റ്മാ​ൻ വീ​ട്ടി​ലെ​ത്തു​ക. സാ​നി​റ്റൈ​സ​റു​മാ​യി എ​ത്തു​ന്ന പോ​സ്റ്റ്മാ​ൻ പ​ഞ്ചിം​ഗ് മെ​ഷീ​ൻ ക്ലീ​നാ​ക്കി​യ​ശേ​ഷം മാ​ത്ര​മാ​കും ഓ​രോ ഉ​പ​ഭോ​ക്താ​വി​നെ​യും കൊ​ണ്ട് മെ​ഷീ​നി​ലേ​ക്ക് കൈ​വി​ര​ൽ പ​തി​പ്പി​ച്ച് പ​ണം പി​ൻ​വ​ലി​ക്കാ​ൻ അ​നു​വ​ദി​ക്കു​ക. പ​ണം പി​ൻ​വ​ലി​ക്കു​മ്പോ​ൾ ഏ​തെ​ങ്കി​ലും ത​ര​ത്തി​ലു​ള്ള പ്ര​ത്യേ​ക ചാ​ർ​ജോ മ​റ്റോ ഈ​ടാ​ക്കാ​ൻ പാ​ടി​ല്ലെന്നുമുണ്ട്. ഇൻ്റർനെറ്റിൻ്റെ കടന്നു വരവോടെ കത്തുകൾ അയക്കുന്ന ശീലം ആളുകൾക്ക് കുറഞ്ഞതോടെയാണ് മറ്റു സേവനങ്ങൾ നൽകി അതിജീവനത്തിൻ്റെ പാത തേടാൻ തപാൽ മേഖല നിർബന്ധിതമായത്. ഓൺലൈൻ പെയ്മെൻ്റ് സിസ്റ്റം വന്നതോടുകൂടി മണിയോർഡർ അയക്കുന്നവരുടേ എണ്ണവും തീരെയില്ലാതായിരിക്കുകയാണ്.

English summary

India post changes its face by digital services