മുഹബ്ബത്ത് കീ ദുഖാന് ദേശാരക്ഷാ യാത്രയുടെ പ്രചരാണര്ത്ഥം ചായക്കട ഒരുക്കി മുസ്ലിം ലീഗ്
ഇരിക്കൂര്: ഇന്ത്യയെ വീണ്ടെടുക്കാല് ഇന്ത്യയോടൊപ്പം എന്ന പ്രമേയവുമായി കണ്ണൂര് ജില്ലാ മുസ്ലീം ലീഗ് പ്രസിഡന്റ് അഡ്വ.അബ്ദുള് കരീം ചേലേരി നയിക്കുന്ന ദേശ രക്ഷായാത്രയുടെ പ്രചരണാര്ത്ഥം ഇരിക്കൂറില് മുഹബ്ബത്ത് കീ ദുഖാനെന്ന പേരില് പ്രതീകാത്മകമായി നാടന് ചായക്കട സംഘടിപ്പിച്ചു. നാട്ടിന് പുറങ്ങളിലെ പഴയകാല അന്തിച്ചര്ച്ചകളെ പുനരാവിഷ്ക്കരിച്ചു കൊണ്ടാണ് ഇരിക്കൂര് പഞ്ചായത്ത് മുസ്ലീം ലീഗ് കമ്മിറ്റിയുടെ നേതൃത്വത്തില് പരിപാടി സംഘടിപ്പിച്ചത്.
രാജ്യം അഭിസക്തമായ ഒരു കാലഘട്ടത്തിലൂടെ കടന്നുപോകുന്ന പ്രത്യേക സാഹചര്യത്തില് ഫാസിസ്റ്റ് വര്ഗ്ഗീയ ശക്തികള്ക്കെതിരായ ദേശാഭിമാനികളുടെ പോരാട്ടത്തിന് കരുത്ത് പകരുക എന്ന ലക്ഷ്യത്തോടെയാണ് യാത്ര സംഘടിപ്പിക്കുന്നതെന്ന് ഇരിക്കൂര് മണ്ഡലം മുസ്ലിം ലീഗ് ജനറല് സെക്രട്ടറി ടി എന് എ ഖാദര് പറഞ്ഞു.
ബഹുസ്വര ചിന്തകളും സംസ്ക്കാരവും വിശ്വാസവും ജീവിതവും നിലനില്ക്കുന്ന രാജ്യം എന്നത് ലോക രാജ്യങ്ങള്ക്കിടയിലെ ഇന്ത്യയുടെ എക്കാലത്തേയും പ്രശോഭിതമായ മുഖമായിരുന്നു. ലോകത്തിന്റെ മുന്നിലെ ജനാധിപത്യത്തിന്റെ മടിത്തട്ടിലാണ് ഇന്ത്യ. എന്നാല് വര്ത്തമാനകാല ഇന്ത്യ ലോകത്തിന് നല്കുന്ന ചിത്രം മറ്റൊന്നാണ്. ജനാധിപത്യത്തിന്റെ ശ്രീകോവിലായ പാര്ലമെന്റിന്റെ അകത്തളങ്ങളില് പോലും ജനാധിപത്യത്തെ ചവിട്ടിയരക്കപ്പെടുകയും എതിര്ശബ്ദം ഉയര്ത്തിയ ജനപ്രതിനിധികളെപ്പോലും അയോഗ്യരാക്കുന്ന ഇന്ത്യയെക്കുറിച്ച് ഓര്ക്കുമ്പോള് തന്നെ ദേശസ്നേഹികള്ക്ക് അങ്കലാപ്പ് സൃഷ്ടിച്ചിരിക്കുകയാണ്. .
വര്ത്തമാനകാല ഇന്ത്യയുടെ ഇത്തരം അവസ്ഥകളെ തുറന്നു കാട്ടുന്നതിനാണ് ദേശ രക്ഷായാത്ര നടത്തി വരുന്നതെന്നും അദ്ദേഹം പറഞ്ഞു. ജില്ലയിലെ 11 മണ്ഡലങ്ങളിലൂടെ സഞ്ചരിച്ച് ജനുവരി 31ന് വൈകുന്നേരം ഇരിക്കൂറില് ദേശ രക്ഷായാത്രയ്ക്ക് സ്വീകരണം നല്കും.
ഇരിക്കൂറില് സംഘടിപ്പിച്ച മുഹബ്ബത്ത് കീ ദുഖാന് ഇരിക്കൂര് മണ്ഡലം മുസ്ലിം ലീഗ് ജനറല് സെക്രട്ടറി ടി എന് എ ഖാദര് ഉദ്ഘാടനം ചെയ്തു. പ്രസിഡന്റ് എം ഉമ്മര് ഹാജി അധ്യക്ഷത വഹിച്ചു. യു.പി അബ്ദുറഹ്മാന് സ്വാഗതം പറഞ്ഞു. ഗ്രാമപഞ്ചായത്ത് പ്രസിഡന്റ് ടി പി ഫാത്തിമ, കെ പി അസീസ് മാസ്റ്റര്, കെ മുഹമ്മദ് അഷറഫ് ഹാജി, കെ പി മൊയ്തീന് കുഞ്ഞി മാസ്റ്റര്, സിസി ഹിദായത്ത് , എന് വി ഹാരിസ്, സി എച്ച് അബ്ദുല് സലാം ഹാജി, കെ ടി നസീര്, കെ കെ സത്താര് ഹാജി, കെ കെ കുഞ്ഞി മായന് മാസ്റ്റര്, കെ ടി അനസ്, കെ ഗഫൂര് ഹാജി, വി ഹാഷിം, ടി പി മുജീബ്, ടി പി സലാം, കെ പി നവാസ്, കിണാക്കൂല് മൊയ്തീന് കുഞ്ഞി,വി മുനീര്,സിസി മര്സൂഖ്, മുനീര് കുന്നത്ത് എന്നിവര് പങ്കെടുത്തു.
Click it and Unblock the Notifications
Sign in with Google