ജോലി വാഗ്ദാനം ചെയ്തു വീണ്ടും തട്ടിപ്പ്: തലശേരി സ്വദേശിയില് നിന്നും ഒന്നര കോടി തട്ടിയെടുത്തു
തലശേരി: ഓണ്ലൈന് തട്ടിപ്പില് തലശേരി സ്വദേശിക്ക് ഒന്നര കോടി രൂപയില് അധികം നഷ്ടമായി. പാര്ട്ട് ടൈം ജോലിയിലുടെ കൂടുതല് പണം വാഗ്ദാനം ചെയ്താണ് തട്ടിപ്പു നടത്തിയത്. 1, 57.7000 രൂപയാണ് നഷ്ടമായത്.
വാട്സ്ആപ്പ് ടെലിഗ്രാം തുടങ്ങിയ സാമൂഹ്യമാധ്യമങ്ങള് വഴി പാര്ട്ട് ടൈം ജോലി ചെയ്ത് പണം സമ്പാദിക്കാമെന്ന വാഗ്ദാനത്തില് വിശ്വസിച്ച് പണം കൈമാറിയ നാലുപേര്ക്കാണ് വന് തുക നഷ്ടമായത്. 1,57,70,000 രൂപ 9,45,151 രൂപ, 6,04,894 രൂപ, 17,998 രൂപ എന്നിങ്ങനെയാണ് പരാതിക്കാര്ക്ക് നഷ്ടമായത്.
സാമൂഹ്യ മാധ്യമങ്ങള് വഴി ആകര്ഷകമായ പരസ്യങ്ങള് നല്കിയാണ് തട്ടിപ്പ്. പരസ്യം കണ്ട് പണം നിക്ഷേപിക്കുന്നവര്ക്ക് കൂടുതല് ലാഭം നല്കാമെന്ന് പറഞ്ഞ് വിശ്വസിപ്പിക്കും . പണം നല്കി അവര് നല്കുന്ന ഓരോ ടാസ്ക് പൂര്ത്തീകരിച്ചാല് ലാഭത്തോട് കൂടി പണം തിരികെ നല്കുമെന്നാണ് തട്ടിപ്പുകാര് വാഗ്ദാനം ചെയ്യുന്നത്. തുടക്കത്തില് ടാസ്ക് പൂര്ത്തീകരിച്ചാല് നല്കിയ പണം ലാഭത്തോടെ തിരിച്ചു നല്കി വിശ്വാസം നേടിയെടുക്കും. ഇതുപോലെ മൂന്ന് നാല് ടാസ്ക്കുകള് കഴിയുന്നത് വരെ പണം തിരികെ ലഭിക്കും.
പിന്നീട് ടാസ്ക് ചെയ്യുന്നതിനായി കൂടുതല് പണം ആവശ്യപ്പെടുകയും ഒരു അപ്ലിക്കേഷന് ഇന്സ്റ്റാള് ചെയ്യിപ്പിക്കുകയും ആപ്ലിക്കേഷനില് പണം ക്രെഡിറ്റ് ആകും എന്ന് പറഞ്ഞ് വിശ്വസിപ്പിക്കുകയും ചെയ്യും. ആപ്ലിക്കേഷനില് പണം ക്രെഡിറ്റ് ആകുന്നത് കാണിക്കും എന്നല്ലാതെ അത് പിന്വലിക്കുവാന് പറ്റുകയില്ല.
പിന്വലിക്കുന്നതിനായി ടാക്സ് അടക്കണമെന്നും അതിനു വേണ്ടി പണം ആവശ്യമാണെന്നും ഇത്തരത്തില് പല കാരണങ്ങള് പറഞ്ഞ് കൂടുതല് പണം ആവശ്യപ്പെടുന്നതല്ലാതെ പിന്നീട് പണം തിരികെ ലഭിക്കുകയില്ല. ഇതോടെയാണ് പലര്ക്കും ഇതൊരു തട്ടിപ്പാണെന്ന് മനസ്സിലാകുന്നത്. അപ്പോഴേക്കും ഒരു നല്ല തുക തട്ടിപ്പുകാരുടെ കൈകളില് എത്തുകയും ചെയ്യും.
ഇത്തരത്തില് നിരവധി പേര്ക്കാണ് ദിവസേന പണം നഷ്ടമാകുന്നതെന്ന് സൈബര് പൊലിസ് അറിയിച്ചു.വാട്ട്സ്ആപ്പ്, ടെലഗ്രാം,ഇന്സ്റ്റഗ്രാം തുടങ്ങിയ മാധ്യമങ്ങള് ഉപയോഗിക്കുന്നവര് ഇത്തരം സൈബര് കുറ്റകൃത്യങ്ങളെ കുറിച്ച് ജാഗ്രത പുലര്ത്തുക.
സൈബര് കുറ്റകൃത്യങ്ങള് വര്ദ്ധിച്ച് വരുന്ന ഈ കാലത്ത് പരിചയമല്ലാത്ത ഫോണ് നമ്പറുകളില് നിന്ന് വരുന്ന ഇതു പോലുള്ള മെസ്സേജുകളോ, കമ്പനികളുടെ പരസ്യങ്ങളോ,കോളുകളോ, ലിങ്കുകളോ ലഭിച്ചാല് തിരിച്ച് മെസ്സേജ് അയക്കുകയോ അതിനെ പറ്റി ചോദിക്കുകയോ ചെയ്യാതിരിക്കണമെന്ന് സൈബര് പൊലിസ് മുന്നറിയിപ്പ് നല്കി.
ഓണ്ലൈന് തട്ടിപ്പില് നിങ്ങള് ഇരയാവുകയാണെങ്കില് ഉടന് തന്നെ 24 മണിക്കൂറും പ്രവര്ത്തിക്കുന്ന പോലീസ് സൈബര് ക്രൈം ഹെല്പ്പ് ലൈന് നമ്പറായ 1930 തില് വിളിച്ച് കംപ്ലയിന്റ് രജിസ്റ്റര് ചെയ്യാവുന്നതാണ് അല്ലെകില് അടുത്തുള്ള പോലീസ് സ്റ്റേഷനിലോ സൈബര് ക്രൈം റിപ്പോര്ട്ട് ചെയ്യാനുള്ള സംവിധാനമുണ്ട്. ആദ്യത്തെ ഒരു മണിക്കൂറിനുള്ളില് തന്നെ പരാതി നല്കണമെന്നും സൈബര് പൊലിസ് അറിയിച്ചു.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google