കാറിന്റെ സീറ്റിനടിയില് പെട്രോള് കുപ്പി; തീ ആളികത്താന് കാരണമായി, അപകടത്തില് പുതിയ കണ്ടെത്തല്
പ്രസവ വേദനയെ തുടര്ന്ന് റീഷയെ ആശുപത്രിയിലേക്ക് കൊണ്ടു പോകുന്നതിനിടെയാണ് അപകടമുണ്ടായത്.
കണ്ണൂര്: കണ്ണൂരില് ഓടിക്കൊണ്ടിരിക്കുന്ന കാറിന് തീപിടിച്ച് ഗര്ഭിണിയും ഭര്ത്താവും മരിച്ച സംഭവത്തില് കൂടുതല് വിവരങ്ങള് പുറത്ത്. കാറില് പെട്രോള് സൂക്ഷിച്ചിരുന്നതായി കണ്ടെത്തി. ഡ്രൈവര് സീറ്റിന്റെ അടിയിലായി രണ്ട് കുപ്പികളിലാണ് പെട്രോള് സൂക്ഷിച്ചിരുന്നതായി കണ്ടെത്തിയിരിക്കുന്നത്. ഇതാണ് തീ ആളിപ്പടരാന് കാരണമായിരിക്കുന്നത് എന്നാണ് മോട്ടോര് വാഹനവകുപ്പിന്റെ കണ്ടെത്തല്.
തീപിടുത്തത്തിന് കാരണം
തീപിടുത്തത്തിന് കാരണം, ഷോര്ട്ട് സര്ക്യൂട്ടാണെന്നാണ് കണ്ടെത്തല്. പെട്രോള് സൂക്ഷിച്ച കുപ്പികളാണ് തീ ആളിപ്പടരാന് കാരണമായത് എന്നാണ് നിഗമനം. എയര് പ്യൂരിഫയറും അപകടത്തിന്റെ ആഘാതം കൂട്ടിയതായാണ് കണ്ടെത്തല്. ജെസിബി ഡ്രൈവര് ആയിരുന്ന മരിച്ച പ്രജിത്ത് രണ്ട് കുപ്പി പെട്രോള് കാര് ഡ്രൈവിങ്ങ് സീറ്റിന്റെ അടിയില് വച്ചിരുന്നു.
ലോക്കിങ്ങ് സിസ്റ്റവും പ്രവര്ത്തനരഹിതമായി
കാറിന്റെ പെട്രോള് ടാങ്ക് പൊട്ടാതിരുന്നിട്ടും തീ ആളിപ്പടരാന് കാരണമിതാണ്. വാഹനത്തില് എയര് പ്യൂരിഫയര് ഉണ്ടായിരുന്നതും അപകടത്തിന്റെ ആഘാതം കൂട്ടി. തീ ഡോറിലേക്ക് പടര്ന്നതിനാല് ലോക്കിങ്ങ് സിസ്റ്റവും പ്രവര്ത്തനരഹിതമായി എന്നാണ് കണ്ടെത്തല്. അപകടത്തില് കുറ്റിയാട്ടൂര് സ്വദേശിയായ പ്രജിത്ത്, ഭാര്യ റീഷ എന്നിവരാണ് മരിച്ചത്.
ഫയര്ഫോഴ്സ് എത്തി തീയണയ്ക്കുമ്പോഴേക്കും
പ്രസവ വേദനയെ തുടര്ന്ന് റീഷയെ ആശുപത്രിയിലേക്ക് കൊണ്ടു പോകുന്നതിനിടെയാണ് അപകടമുണ്ടായത്. മരിച്ച ഇരവരും വാഹനത്തിന്റെ മുന്വശത്താണ് ഇരുന്നത്. മരണപ്പെട്ട റീഷ പൂര്ണ്ണ ഗര്ഭിണിയായിരുന്നു. അപകടത്തിനിടെ ഓടിക്കൂടിയ നാട്ടുകാര്ക്ക് കാറിന്റെ അടുത്തെത്താന് പോലും സാധിച്ചില്ല. എന്നാല് ഒരു വിളിപ്പാടകലെ നിന്ന് ഫയര്ഫോഴ്സ് എത്തി തീയണയ്ക്കുമ്പോഴേക്കും എല്ലാം അവസാനിച്ചിരുന്നു.
വിദഗ്ദ പരിശോധന
കാറിന്റെ പിന്സീറ്റിലിരുന്ന മകള് ശ്രീപാര്വതിയും റീഷയുടെ അച്ഛന് വിശ്വനാഥന്, അമ്മ ശോഭന, ഇളയമ്മ സജ്ന എന്നിവര് വാഹനത്തില് നിന്ന് ഉടന് പുറത്തിറങ്ങിയത് കൊണ്ട് രക്ഷപ്പെട്ടു. ഇവരെ ഉടന് തന്നെ ജില്ലാ ആശുപത്രിയില് പ്രവേശിപ്പിച്ചിരുന്നു. അപകടകാരണം കണ്ടെത്താന് വിദഗ്ദ പരിശോധന വേണ്ടിവരും ഫോറന്സിക് വിദഗ്ദര്, മോട്ടോര് വാഹനവകുപ്പ് ഉദ്യോഗസ്ഥര് എന്നിവര് സ്ഥലത്തെത്തി പരിശോധന നടത്തിയിരുന്നു.
മനുഷ്യാവകാശ കമ്മിഷനും ഇടപെട്ടിട്ടുണ്ട്
രണ്ട് വര്ഷത്തെ പഴക്കമാണ് കാറിനുള്ളത്. സംഭവത്തില് സമഗ്ര അന്വേഷണം നടത്തുമെന്ന് എസ് പി അറിയിച്ചു. അതേസമയം, വിഷയത്തില് മനുഷ്യാവകാശ കമ്മിഷനും ഇടപെട്ടിട്ടുണ്ട്. സംഭവത്തില് മനുഷ്യാവകാശ കമ്മിഷന് ഇടപെട്ടിട്ടുണ്ട്. കാറുകള് കത്തി അപകടമുണ്ടാകുന്ന സംഭവങ്ങള് ആവര്ത്തിക്കുന്നത് എന്തുകൊണ്ടാണെന്ന് പരിശോധിച്ച് വിശദീകരണം സമര്പ്പിക്കണമെന്ന് മനുഷ്യാവകാശ കമ്മീഷന് ആവശ്യപ്പെട്ടു.
മൂന്നാഴ്ചക്കകം വിശദീകരണം
സംസ്ഥാന ഗതാഗത കമ്മീഷണറും പുതിയ വാഹനങ്ങളുടെ ഫിറ്റ്നസ് പരിശോധിക്കുന്ന കേന്ദ്ര ഏജന്സിയായ പൂനയിലെ ഓട്ടോമോട്ടീവ് റിസര്ച്ച് അസോസിയേഷന് ഓഫ് ഇന്ത്യ ഡയറക്ടറും മൂന്നാഴ്ചക്കകം വിശദീകരണം സമര്പ്പിക്കണമെന്ന് ജുഡീഷ്യല് അംഗം കെ.ബൈജു നാഥ് ആവശ്യപ്പെട്ടു.
Click it and Unblock the Notifications
Sign in with Google