ക്വാറന്റൈനിൽ കഴിയുന്നതിനിടെ യുവാവ് കത്രിക കൊണ്ട് കഴുത്തറുത്ത് മരിച്ച നിലയിൽ: ആത്മഹത്യയെന്ന് സൂചന!!

Updated: Saturday, September 12, 2020, 21:21 [IST]

കണ്ണൂർ: വിദേശത്ത് നിന്നെത്തി കൊവിഡ് നിരീക്ഷണത്തിൽ കഴിഞ്ഞിരുന്ന യുവാവിനെ മരിച്ച നിലയിൽ കണ്ടെത്തി. കുഞ്ഞിമംഗലം സ്വദേശിയായ ശരത്ത് എന്ന യുവാവാണ് മരിച്ചിട്ടുള്ളത്. വിദേശത്തായിരുന്ന ശരത് നാട്ടിലെത്തിയതോടെ വീടിന് സമീപത്ത് തന്നെയുള്ള സ്വകാര്യ വ്യക്തിയുടെ ഔട്ട് ഹൌസിലാണ് കൊവിഡ് നിരീക്ഷണത്തിൽ കഴിഞ്ഞുവന്നിരുന്നത്. കുവൈത്തിൽ നിന്ന് ആഗസ്റ്റ് 28നാണ് കേരളത്തിൽ തിരിച്ചെത്തുന്നത്.

ഭക്ഷണം നൽകാനെത്തിയ ബന്ധുവാണ് മരിച്ച നിലയിൽ യുവാവിനെ കണ്ടെത്തിയത്. കത്രിക കൊണ്ട് കഴുത്തറുത്ത നിലയിലായിരുന്നു മൃതദേഹം കിടന്നിരുന്നത്. സംഭവം ആത്മഹത്യയാണെന്ന പ്രാഥമിക നിഗമനത്തിലാണ് പോലീസ്. മാനസിക സമ്മർദ്ദത്തെ തുടർന്നാണ് യുവാവ് ആത്മഹത്യ ചെയ്തതെന്നാണ് സൂചന. പോലീസെത്തി പരിശോധന നടത്തിയതിന് പിന്നാലെ മൃതദേഹം പോസ്റ്റ്മോർട്ടത്തിന് വേണ്ടി പരിയാരം മെഡിക്കൽ കോളേജിലേക്ക് മാറ്റിയിട്ടുണ്ട്.