Click it and Unblock the Notifications
Just In
Don't Miss
-
ഇതൊക്കെ ഒരു ഗെയ്മല്ലേ; ശ്രീതുവിനെ കാണാന് നല്ല ഭംഗിയല്ലേ...; അര്ജുന്റെ അമ്മ പറയുന്നു -
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കണ്ണൂര്‍ ഗവ. മെഡിക്കല്‍ കോളജില്‍ അപൂര്‍വശസ്ത്രക്രിയ: ക്യാന്‍സര്‍ ബാധിച്ച ഇടുപ്പെല്ല് മാറ്റിവെച്ചു
കണ്ണൂര്‍ : കണ്ണൂര്‍ ഗവ. മെഡിക്കല്‍ കോളജ് ആശുപത്രിയില്‍ കാന്‍സര്‍ രോഗിക്ക് ലിംപ് സാല്‍വേജ് ശസ്ത്രക്രിയ വിജയകരമായി നടത്തി. 65-കാരനായ ചെറുവത്തൂര്‍ സ്വദേശി കോരനാണ് ഈ അത്യാധുനിക ചികിത്സവഴി, ക്യാന്‍സര്‍ ബാധിച്ച ഇടുപ്പെല്ലിന് പകരം പുതിയ ഇടുപ്പെല്ല് സ്ഥാപിച്ചത്. രണ്ട് മണിക്കൂര്‍ 10 മിനുട്ട് നേരത്തെ ശസ്ത്രക്രിയവഴിയാണ് ക്യാന്‍സര്‍ ബാധിത മേഖല മുറിച്ചുമാറ്റി അത്രയും ഭാഗത്തേക്ക് ലോഹനിര്‍മ്മിത ഇടുപ്പ് വച്ചുപിടിപ്പിച്ചത്.
മലബാര്‍ മേഖലയില്‍ ഇതാദ്യമായാണ് ഇത്തരത്തിലൊരു സര്‍ജറി ചെയ്യുന്നത്. ഓര്‍ത്തോവിഭാഗം മേധാവി ഡോ. വി സുനിലിന്റെ നേതൃത്വത്തില്‍ ഡോ. എ ജെ ഷെരീഫ്, ഡോ. എന്‍ എന്‍. റിയാസ്, ഡോ. അനൂപ് മറ്റം ഓര്‍ത്തോവിഭാഗത്തിലെ മറ്റ് ഡോക്ടര്‍മാര്‍ എന്നിവര്‍ ചേര്‍ന്നാണ് ശസ്ത്രക്രിയ വിജയകരമായി പൂര്‍ത്തിയാക്കിയത്. ഡോ ചാള്‍സ്, ഡോ ഹരിദാസ്, ഡോ മോളി എന്നിവര്‍ അനസ്‌തേഷ്യയ്ക്ക് നേതൃത്വം നല്‍കി. അസഹ്യമായ ഇടുപ്പുവേദന മാറാത്തതിനെത്തുടര്‍ന്ന് വിദഗ്ദ ചികിത്സയ്ക്കായാണ് രോഗിയെ കണ്ണൂര്‍ ഗവ. മെഡിക്കല്‍ കോളേജ് അസ്ഥിരോഗ വിഭാഗത്തില്‍ പ്രവേശിപ്പിച്ചത്.
വിദഗ്ദ പരിശോധനയില്‍ ക്യാന്‍സര്‍ ബാധിച്ച് ഇടുപ്പെല്ല് പൊട്ടിയതാണെന്ന് കണ്ടെത്തുകയായിരുന്നു. ഇതോടെ നവീനമായ ലിമ്പ് സാല്‍വേജ് ശസ്ത്രക്രിയയ്ക്ക് ഡോക്ടര്‍മാര്‍ നിര്‍ദ്ദേശിക്കുകയായിരുന്നു. നേരത്തേ, ഇത്തരം ഘട്ടങ്ങളില്‍ ക്യാന്‍സര്‍ ബാധിച്ച കാല്‍ മുഴുവനായി മുറിച്ചുമാറ്റുക മാത്രമായിരുന്നു പ്രതിവിധി. ഇത് രോഗിയെ കൂടുതല്‍ ദുരിതത്തിലേക്ക് മാറ്റുന്നതാണ് പൊതുവില്‍ കണ്ടിരുന്നത്. പുതിയ ചികിത്സവഴി രോഗിക്ക് ക്രമേണ നടക്കാന്‍ ഉള്‍പ്പടെ സാധിക്കുമെന്നതാണ് പ്രത്യേകത.
ആര്‍സിസിയെ ഒഴിച്ചുനിര്‍ത്തിയാല്‍ വന്‍കിട ആശുപത്രികളില്‍ അഞ്ചുലക്ഷത്തിലധികം രൂപ ചെലവുവരുന്ന ചികിത്സയാണ് സര്‍ക്കാരിന്റെ കാരുണ്യാ ആരോഗ്യ സുരക്ഷാ പദ്ധതി വഴി സൗജന്യമായി കണ്ണൂര്‍ ഗവ. മെഡിക്കല്‍ കോളജില്‍ വിജയകരമായി ചെയ്തത്. പ്രിന്‍സിപ്പാള്‍ ഡോ. എന്‍ റോയ്, മെഡിക്കല്‍ സൂപ്രണ്ട് ഡോ. കെ. സുദീപ്, ലേ സെക്രട്ടറി വി എസ്. ബിന്ദു എന്നിവരുടെ ശ്രമഫലമായാണ് ചികിത്സ സൗജന്യമായി നല്‍കാന്‍ സാധിച്ചത്.
വര്‍ഷങ്ങളായി പരിയാരത്ത് ചെയ്തുവരുന്ന റിവിഷന്‍ സര്‍ജറികള്‍ ഉള്‍പ്പടെയുള്ള അതിസങ്കീര്‍ണ്ണമായ സന്ധി മാറ്റിവെയ്ക്കല്‍ ശസ്ത്രക്രിയകള്‍, താക്കോല്‍ദ്വാര ശസ്ത്രക്രിയകള്‍ മുതലായവയും ഇപ്പോള്‍ കാരുണ്യ ആരോഗ്യ സുരക്ഷാ പദ്ധതിയില്‍ ഉള്‍പ്പെടുത്തി കണ്ണൂര്‍ ഗവ. മെഡിക്കല്‍ കോളജ് ആശുപത്രിയില്‍ നിന്നും പൂര്‍ണമായും സൗജന്യമായി ചെയ്യുന്നതിന് സാധിക്കും.
