Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മോഷ്ടിച്ച ബൈക്കിലെത്തി മാലമോഷണം; കുപ്രസിദ്ധ മോഷ്ടാക്കള്‍ പിടിയില്‍
കൂത്തുപറമ്പ്: ജയിലില്‍ കഴിയവേ മോഷണം ആസൂത്രണം ചെയ്ത കോട്ടയം സ്വദേശികളായ കുപ്രസിദ്ധ മോഷ്ടാക്കള്‍ കണ്ണൂര്‍, കാസര്‍കോട് ജില്ലയില്‍ വന്‍കവര്‍ച്ചകള്‍ നടത്താനുള്ള ശ്രമത്തിനിടെ പൊലിസ് പിടിയിലായി. സംസ്ഥാനമാകെ വിവിധ കേസുകളില്‍ പ്രതിയായ കോട്ടയം സ്വദേശികളായ അഭിലാഷും സുനിലുമാണ് അറസ്റ്റിലായത്.
കൂത്തുപറമ്പ് നഗരത്തില്‍ പൊലിസ് കഴിഞ്ഞ ദിവസം നടത്തിയ വാഹനപരിശോധനയ്ക്കിടെയാണ് മോഷ്ടക്കാള്‍ പിടിയിലായത്. കൂത്തുപറമ്പ് പൊലിസ് സ്റ്റേഷന്‍ പരിധിയില്‍ മോഷണം നടത്താനെത്തിയപ്പോള്‍ സംശയാസ്പദമായ സാഹചര്യത്തില്‍ ഇവരെ കണ്ടതിനാല്‍ പൊലിസ് കസ്റ്റഡിയിലെടുക്കുകയായിരുന്നു.
എന്നാല്‍ ഇവര്‍ കേരളത്തിലെ വിവിധ പൊലിസ് സ്റ്റേഷനുകളില്‍ മുപ്പത്തിരണ്ടു കേസുകളിലെ പ്രതികളാണെന്നു മണിക്കൂറുകള്‍ കഴിഞ്ഞാണ് പൊലിസിന് തിരിച്ചറിയാന്‍ സാധിച്ചത്. മോഷ്ടിച്ച ബൈക്കുകളിലെത്തി സ്ത്രീകളുടെ മാല കവരുന്നതാണ് ഇവരുടെ രീതി. തലശേരിയിലെ ബൈക്ക് മോഷണമടക്കം കണ്ണൂര്‍ ജില്ലയില്‍ ഇവര്‍ക്കെതിരെ അഞ്ച് കേസുകളുണ്ട്.
മോഷണം, മാലകവര്‍ച്ച എന്നീ കേസുകളാണ് കോട്ടയം സ്വദേശികള്‍ക്കെതിരെ എടുത്തിട്ടുളളത്. കഴിഞ്ഞ മാസം ഇരിട്ടിമേഖലയില്‍ നടന്ന വ്യാപകമായ കവര്‍ച്ചയ്ക്കു പിന്നില്‍ ഇവരാണെന്നു പൊലിസ് സംശയിക്കുന്നുണ്ട്. പ്രതികള്‍ക്കെതിരെ പത്തനംതിട്ട, ആലപ്പുഴ, കോട്ടയം ജില്ലകളിലാണ് കൂടുതല്‍ കേസുകളുള്ളത്. കൂത്തുപറമ്പ് എ.സി.പി പ്രദീപന്‍ കണ്ണിപൊയിലിന്റെ നേതൃത്വത്തില്‍ പിടിയിലായവരെ ചോദ്യം ചെയ്തതിനു ശേഷം കൂത്തുപറമ്പ് മജിസ്ട്രേറ്റിനു മുന്‍പില്‍ ഹാജരാക്കി റിമാന്‍ഡ് ചെയ്തു.
കൂടുതല്‍ ചോദ്യം ചെയ്യുന്നതിനായി ഇവരെ വീണ്ടും കസ്റ്റഡിയില്‍ വാങ്ങുമെന്ന് പൊലിസ് അറിയിച്ചു. ഇരുവരും മോഷണ മുതല്‍ വിറ്റ് വിനോദസഞ്ചാരകേന്ദ്രങ്ങളില്‍ പോയി ആഡംബര ജീവിതം നയിച്ചിരുന്നുവെന്നും മോഷണകുറ്റങ്ങളില്‍ ജയിലില്‍ കഴിയുന്ന സമയത്താണ് പുറത്തിറങ്ങുമ്പോള്‍ നടത്താനുളള മോഷണങ്ങള്‍ പ്ളാന്‍ ചെയ്തിരുന്നതെന്നും പൊലിസിന് മൊഴി നല്‍കിയിട്ടുണ്ട്. തലശേരി ഇരട്ടക്കൊലപാതകത്തിനു ശേഷം കണ്ണൂര്‍ ജില്ലയിലെ വിവിധയിടങ്ങളില്‍ പൊലിസ് രാത്രികാല പരിശോധന ശക്തമാക്കിയിരിക്കുകയാണ്. ഇതിനിടെയാണ് വന്‍കവര്‍ച്ചാസംഘം പിടിയിലായത്.
