കണ്ണൂർ ജില്ലാ പഞ്ചായത്തിൽ വികസന തുടർച്ചയുണ്ടാക്കുമെന്ന് പി പി ദിവ്യ

By Desk

Updated: Thursday, December 31, 2020, 23:00 [IST]

കണ്ണൂർ: കണ്ണൂർ ജില്ലാ പഞ്ചായത്തിൽ വികസന തുടർച്ചയാണ് ലക്ഷ്യമിടുന്നതെന്നും
ടൂറിസം മേഖലയിൽ സമഗ്ര പുരോഗതിക്കായി കർമ്മപദ്ധതികൾ ആവിഷ്കരിക്കുമെന്ന് പുതിയ ഭരണസമിതി. ഇതിനൊപ്പം ട്രാൻസ്ജെൻഡർ വിഭാഗത്തിനായി പ്രത്യേക പദ്ധതികൾ ആവിഷ്കരിക്കുമെന്ന് ജില്ലാ പഞ്ചായത്ത് പ്രസിഡൻ്റ് പി പി ദിവ്യ പറഞ്ഞു. കണ്ണൂർ പ്രസ് ക്ളബ്ബിൻ്റെ മീറ്റ് ദ പ്രസിൽ സംസാരിക്കുകയായിന്നു അവർ.

സംസ്ഥാനത്ത് ആദ്യമായി ട്രാൻസ്ജെൻഡർ വിഭാഗത്തിനായി പദ്ധതികൾ ആവിഷ്കരിച്ച ജില്ലാ പഞ്ചായത്താണ് കണ്ണൂരിലേത്.കഴിഞ്ഞ തവണ അൻപതുലക്ഷം രൂപ ഇതിനായി ചെലവഴിച്ചു' ഇതിനായുള്ള തുടർനടപടികൾ പുതിയ ഭരണസമിതി സ്വീകരിക്കും. സ്വയംതൊഴിൽ സംരഭങ്ങളാണ് ഇവർക്ക് വേണ്ടി നടത്തുക.കലാ രംഗത്തുള്ള പ്രവർത്തനങ്ങളാണ് ഇവർക്ക് താൽപ്പര്യം ബ്യുട്ടീഷൻ കോഴ്സുകൾ ഉൾപ്പെടെയുള്ളവ ഇവർക്ക് വേണ്ടി നടത്തും.സാമ്പത്തിക സ്വയം പര്യാപ്തത കൈവരിക്കുന്നതിനാണ് ജില്ലാ പഞ്ചായത്ത് ഇവർക്കായി നടത്തുന്ന പദ്ധതികളിൽ മുൻഗണന നൽകുകയെന്നും പി.പി.ദിവ്യ പറഞ്ഞു കൊവിഡ് കാലത്ത് കാർഷിക മേഖലയിൽ നല്ല ഉണർവ്വുണ്ടായിട്ടുണ്ട്.

പ്രൊഫഷനൽ ഉൾപ്പെടെ പലരും കൃഷിയിലിറങ്ങിയിട്ടുണ്ട്. ഇടതു സർക്കാരിൻ്റെ പ്രോത്സാഹനം കാരണം വീട്ടമ്മമാരും അടുക്കളകൃഷി തോട്ടങ്ങൾ നിർമ്മിച്ചിട്ടുണ്ട്.ഇതിൻ്റെ ഭാഗമായി ധാരാളം നഴ്സറി മാർ നിർമ്മിച്ചു സ്വയംതൊഴിൽ കണ്ടെത്തിയവരും നമ്മുടെ നാട്ടിലുണ്ട്.ഇവരെയൊക്കെ കൂടുതൽ പ്രോത്സാഹിപ്പിക്കുന്ന പദ്ധതികൾ ജില്ലാ പഞ്ചായത്ത് ആവിഷ്ക്കരിക്കും. വിദ്യാലയങ്ങൾ കാർഷിക മേഖലയിൽ ഇപ്പോൾ കൂടുതൽ ഇടപെടുന്നുണ്ട്.എൽ.പി സ്കൂൾ മുതൽ കോളേജുകൾ വരെ കൃഷിയോട് താൽപര്യം കാണിക്കുന്നത് ഗുണകരമാണ്.

ഈ സാഹചര്യത്തിൽ ഇത്തരം സ്ഥാപനങ്ങളിൽ പോയി കാർഷിക മേഖലയിൽ മുന്നേറ്റമുണ്ടാക്കുന്നതിനുള്ള ചർച്ചകൾ ജില്ലാ പഞ്ചായത്ത് പ്രതിനിധികൾ നടത്തുമെന്നും ദിവ്യ പറഞ്ഞു. അ നുഷ്ഠാതേ ര കലകൾ പ്രോത്സാഹിപ്പിക്കുന്നും നമ്മുടെ നാട്ടിൻ്റെ തനത് കലകളായ സീത കളി, മാപ്പിളപ്പാട്ട് തുടങ്ങിയവയെ പ്രോത്സാഹിപ്പിക്കും. കായിക രംഗത്ത് പ്രത്യേക ശ്രദ്ധ പതിപ്പിച്ചു കൊണ്ട് പുതിയ ഭരണസമിതി പ്രവർത്തിക്കും. ജില്ലാ പഞ്ചായത്ത് പ്രത്യേക മുൻകൈയ്യെടുത്ത് ടർഫ്മൈതാനങ്ങൾ നിർമ്മിക്കും.ഓരോ സ്ഥലത്തും അവർക്ക് അഭിരുചിയുള്ള കായിക ഇനങ്ങളുടെ മൈതാനങ്ങളാണ് സ്ഥാപിക്കുക. നമ്മുടെ നാട്ടിലെ പ്രകൃതി ഭംഗി പുറത്തുള്ളവർക്കും ആസ്വദിക്കുന്നതിനായി പ്രത്യേക ടൂറിസം പദ്ധതികൾ നടപ്പിലാക്കും. പ്ളാസ്റ്റിക് മാലിന്യങ്ങൾ ഇപ്പോഴും നമ്മുടെ നാട്ടിലെ ഏറ്റവും വലിയ പ്രശ്നങ്ങളിലൊന്നാണ് ഇതു നിർമാർജ്ജനം ചെയ്യാൻ ജില്ലാ പഞ്ചായത്ത് പദ്ധതികൾ നടപ്പിലാക്കും.ആരോഗ്യം, ടൂറിസം മേഖല എന്നിവയിലും വിദ്യാഭ്യാസ മേഖലയിൽ മുകുളം പദ്ധതി തുടർന്നു കൊണ്ടുപോകാനും ജില്ലാ പഞ്ചായത്ത് തീരുമാനിച്ചിട്ടുണ്ടെന്ന് ദിവ്യ പറഞ്ഞു.

കൊ വിഡ്നിയന്ത്രണങ്ങളുള്ളതിനാൽ നമ്മുടെ നാട്ടിലെ വിദ്യാലയങ്ങൾ അടഞ്ഞുകിടക്കുകയാണ്. വിദ്യാഭ്യാസ മേഖലയിലെ പ്രശ്നങ്ങൾ പരിഹരിക്കുന്നതിനായി വിദ്യാഭ്യാസ സ്ഥാപന അധികൃതരുടെ യോഗം വിളിച്ചു ചേർക്കും.ഓരോ സ്ഥലത്തും പ്രത്യേക ഗ്രൂപ്പുകളുണ്ടാക്കി വിദ്യാ ര ത്ഥികൾക്ക് പഠന കാര്യത്തിൽ സഹായം നൽകുമെന്നും വിദ്യാഭ്യാസത്തിൽ പിന്നോക്കം നിൽക്കുന്ന വിദ്യാർത്ഥികളെ പ്രത്യേക പരിഗണന നൽകി മുൻ നിരയിലെത്തിക്കുന്നതിനുള്ള നടപടികൾ സ്വീകരിക്കുമെന്നും ദിവ്യ പറഞ്ഞു. വാർത്താ സമ്മേളനത്തിൽ ജില്ലാ പഞ്ചായത്ത് വൈസ് പ്രസിഡൻ്റ് ഇ. വിജയനും പങ്കെടുത്തു. പ്രസ് ക്ളബ്ബ് പ്രസിഡൻ്റ് എ.കെ ഹാരിസ് അധ്യക്ഷനായി. പ്രസ് ക്ളബ്ബ് സെക്രട്ടറി പ്രശാന്ത് പുത്തലത്ത് സ്വാഗതവും സബീന പത്മൻ നന്ദിയും പറഞ്ഞു.