കുണ്ടും കുഴിയുമായി പൊട്ടിപൊളിഞ്ഞ് ശ്രീകണ്ഠാപുരം ബസ് സ്റ്റാന്ഡ്; പ്രതിഷേധവുമായി യാത്രക്കാര്
ശ്രീകണ്ഠാപുരം: കണ്ണൂര് ജില്ലയിലെ മലയോര ടൗണുകളിലൊന്നായ ശ്രീകണ്ഠാപുരം ബസ്റ്റാന്റിലേക്കുള്ള പ്രവേശന കവാടത്തിലെ ടാറിങ് തകര്ന്നിട്ട് കാലമേറെയായിട്ടും നഗരസഭാ അധികൃതര് കണ്ട ഭാവം നടിക്കുന്നില്ല. ഇതോടെ നഗരസഭയ്ക്കെതിരെ കടുത്ത പ്രതിഷേധവുമായി ഓട്ടോ, ടാക്സി ഡ്രൈവര്മാരും ബസ് ജീവനക്കാരും രംഗത്തിറങ്ങി.
മുന്നൂറിലേറെ ബസ്സുകളും അതിലേറെ ടാക്സി-പ്രൈവറ്റ് വാഹനങ്ങളും ബസ്റ്റാന്ററിലേക്ക് പ്രവേശിക്കുന്ന റോഡാണ് തകര്ന്ന് വലിയ കുഴികള് രൂപപ്പെട്ട് അപകടത്തിന് സാഹചര്യം ഒരുക്കുന്നത്. ബസ്സുകള് കുഴിയില് വീഴാതിരിക്കാന് വെട്ടിച്ചുമാറ്റുന്ന സംഭവങ്ങളും ഇവിടെ പതിവാണ്. കുഴികളില് ചാടിക്കയറുമ്പോള് വാഹന യാത്രക്കാര്ക്ക് ശാരീരിക ബുദ്ധിമുട്ടുകളും ഉണ്ടാകാറുണ്ട്.
കുഴികള്ക്ക് മുമ്പിലെത്തുമ്പോള് പെട്ടെന്നുള്ള േ്രബക്ക് പിടിത്തം പിന്നാലെ വരുന്ന വാഹനങ്ങള് മുന്നിലെ വാഹനങ്ങളെ ഇടിക്കാനുള്ള സാഹചര്യവും ഒരുക്കുന്നുണ്ട്. ദിനംപ്രതി ഇതുവഴി യാത്ര ചെയ്യുന്ന യാത്രക്കാരും ടാക്സി ഡ്രൈവര്മാരും കുഴികള് മൂലം നിത്യേന ദുരിതമനുഭവിക്കുന്നവരാണ്.
ശ്രീകണ്ഠാപുരം നഗരസഭാ കാര്യാലയത്തിനു തൊട്ടുമുന്പിലാണ് ബസ് സ്റ്റാന്ഡ്. സംസ്ഥാനത്തു തന്നെ ഇത്രയും അശാസ്ത്രീയുമായി നിര്മിക്കപ്പെട്ട ഒരു ബസ് സ്റ്റാന്ഡ് വേറെയുണ്ടാവില്ലെന്നാണ് പ്രദേശവാസികള് പറയുന്നത്. പുഴയോരത്തു സ്ഥിതി ചെയ്യുന്ന ഇവിടേക്ക് മഴക്കാലമായാല് വെള്ളം കയറും. കഴിഞ്ഞ രണ്ടു വെള്ളപ്പൊക്കങ്ങളില് കോടികളുടെ നഷ്ടമാണ് കച്ചവടക്കാര്ക്കുണ്ടായത്. പലരും വ്യാപാരം മതിയാക്കി സ്ഥലം വിട്ടു.
സര്ക്കാര് ധനസഹായം നല്കുമെന്ന് വാഗ്ദ്ധാനം ചെയ്തിരുന്നുവെങ്കിലും വളരെ ചുരുക്കം വ്യാപാരികള്ക്കു മാത്രമേ അതുലഭിച്ചിട്ടുള്ളൂ. കണ്ണൂര് ജില്ലയിലെ മലയോരത്തെ പ്രധാന ടൗണുകളിലൊന്നാണ് ശ്രീകണ്ഠാപുരം. പയ്യാവൂരില് സ്ഥിതി ചെയ്യുന്ന കുന്നത്തൂര്പാടി ദേവസ്ഥാനവും നിരവധി ടൂറിസ്റ്റു കേന്ദ്രങ്ങളും ശ്രീകണ്ഠാപുരം നഗരത്തിനടുത്താണ്് സ്ഥിതി ചെയ്യുന്നത്. യു.ഡി. എഫ് ഭരണസമിതിയാണ് ഇവിടെ ഭരണം നടത്തുന്നത്.
ശ്രീകണ്ഠാപുരത്ത് പുതിയൊരു ബസ് സ്റ്റാന്ഡ് നിര്മിക്കുകയെന്നത് മലയോര മേഖലയിലെ ജനങ്ങളുടെ ഏറ്റവും വലിയ സ്വപ്നങ്ങളിലൊന്നാണ്. എന്നാല്ദശകം കഴിഞ്ഞിട്ടും പൊട്ടി പൊളിഞ്ഞും കുണ്ടുകുഴിയുമായ ബസ് സ്റ്റാന്ഡ് അനാസ്ഥയുടെ തെളിവായി നോക്കുകുത്തിയായി നില്ക്കുകയാണ്.
വിവിധ രാഷ്ട്രീയ പാര്ട്ടി നേതാക്കളുടെ പൊതുയോഗങ്ങളും പരിപാടികളും സമാപിക്കുന്നത് ഈ ബസ് സ്റ്റാന്ഡിലാണ് സമാപിക്കാറുള്ളത്.ബസ് സ്റ്റാന്ഡില് തന്നെയാണ് ഇതിനായി സ്റ്റേജുകെട്ടാറുള്ളത്.ഈ സമയങ്ങളില് ബസ് സ്റ്റാന്ഡിലേക്ക് കയറാനാവാതെ സ്വകാര്യബസുകളും കെ. എസ്. ആര്.ടി.സു ബസുകളും ആളുകളെയെടുത്ത് പോകാറാണ് പതിവ്.
Click it and Unblock the Notifications
Sign in with Google