ജലടൂറിസത്തിന് വികസന കുതിപ്പേകി കവ്വായി ബോട്ട് ടെര്മിനല് നാടിന് സമര്പ്പിച്ചു
പയ്യന്നൂര്: കണ്ണൂര് ജില്ലയിലെ വിനോദസഞ്ചാരത്തിന്് കരുത്താകുന്ന മലബാര് റിവര് ക്രൂയിസ് ടൂറിസം പദ്ധതി അവസാനഘട്ടത്തിലേക്ക്. മലബാര് റിവര് ക്രൂയിസ്പദ്ധതിയുടെ ഭാഗമായി നിര്മിച്ച കവ്വായി ബോട്ട് ടെര്മിനലിന്റെയും കവ്വായി പാലം അപ്രോച്ച് റോഡ് നവീകരണ പ്രവൃത്തിയുടെയും ഉദ്ഘാടനം ടിഐ മധുസൂദനന് എംഎല്എ നിര്വഹിച്ചു. പയ്യന്നൂര് നഗരസഭാധ്യക്ഷ കെ വി ലളിത അധ്യക്ഷയായി. രാജ്മോഹന് ഉണ്ണിത്താന് എം പി മുഖ്യാതിഥിതിയായി.
മലനാട് മലബാര് റിവര്ക്രൂസ് ടൂറിസം പദ്ധതിയില് ഉള്പ്പെടുത്തി 5.2 കോടി രൂപ ചെലവിലാണ് ഹൗസ്ബോട്ട് ടെര്മിനല് നിര്മിച്ചത്. ഒരേ സമയം രണ്ട് വലിയ ഹൗസ് ബോട്ടുകള്ക്ക് ഉപയോഗപ്പെടുത്താവുന്ന രണ്ട് ബോട്ട് ജെട്ടികളും 90 മീറ്റര് നീളത്തിലുള്ള നടപ്പാതയും ഉണ്ട്. വേലിയേറ്റ - വേലിയിറക്ക സമയങ്ങളില് ബോട്ടുകള് അടുപ്പിക്കാവുന്ന രീതിയില് നാല് തട്ടുകളായാണ് ജെട്ടികള് നിര്മിച്ചത്. ഓടുമേഞ്ഞ മേല്ക്കൂര, കരിങ്കല് പാകിയ നടപ്പാത, കരിങ്കല്ലില് നിര്മിച്ച ഇരിപ്പിടങ്ങള്, സോളാര് ലൈറ്റുകള് എന്നിവയും കായല് സൗന്ദര്യം ആസ്വദിക്കുന്നതിന് വ്യൂ പോയിന്റുകളും ഉണ്ട്.
കായല്ക്കരയിലെ നടപ്പാത ഇന്റര്ലോക്ക് ചെയ്തു. കോണ്ക്രീറ്റ് പൈലുകള് കൊണ്ടാണ് ടെര്മിനലിന്റെ അടിത്തറ നിര്മിച്ചത്. റെയില്വേ ഓവര് ബ്രിഡ്ജില് നിന്നും ബോട്ട് ടെര്മിനലിലേക്കുള്ള കവ്വായി പാലം അപ്രോച്ച് റോഡ് നവീകരണ പ്രവൃത്തിക്കായി 5.2 കോടി രൂപയുടെ ഭരണാനുമതി ലഭിച്ചിരുന്നു. ഉദ്ഘാടന പരിപാടിയില് നഗരസഭ വൈസ് ചെയര്മാന് പി വി കുഞ്ഞപ്പന്, സ്ഥിരം സമിതി അധ്യക്ഷരായ ടി വിശ്വനാഥന്,സമീറ ടീച്ചര്, കൗണ്സിലര്മാരായ കെ കെ ഫല്ഗുനന്, നസീമ ടീച്ചര്, ടൂറിസം ഡയറക്ടര് പി ബി നൂഹ് , ഡെപ്യൂട്ടി ഡയറക്ടര് ടി സി മനോജ്, ഡിടിപിസി സെക്രട്ടറി ജിജേഷ് കുമാര് ജെ കെ തുടങ്ങിയവര് സംസാരിച്ചു.
ഉള്നാടന് ജലഗതാഗത വകുപ്പ് എക്സ്ക്യുട്ടിവ് എഞ്ചിനീയര് ഷീല അലോകന് റിപ്പോര്ട്ട് അവതരിപ്പിച്ചു. ജനപ്രതിനികള്, രാഷ്ട്രീയ പാര്ട്ടി പ്രതിനിധികള് തുടങ്ങിയവര് പങ്കെടുത്തു. കണ്ണൂര് ജില്ലയുടെ വിവിധ പുഴയോരങ്ങളില് മലബാര് റിവര് ക്രൂയിസ് പദ്ധതിയുടെ ബോട്ടുജെട്ടികള്പൂര്ത്തിയായി വരികയാണ്.വിനോദസഞ്ചാര മേഖലയില് കുതിപ്പാകുമെന്ന പ്രതീക്ഷയാണ് സര്ക്കാരിന്. മലബാര് റിവര് ക്രൂയിസ് പദ്ധതിയിലൂടെ വിനോദസഞ്ചാരികള്ക്ക് വടക്കെമലബാറിന്റെ പ്രകൃതിസൗന്ദര്യം ആസ്വദിക്കാനും തനതു കലകളും നാട്ടുരുചികളും അനുഭവിച്ചറിയാനുമാകും. നേരത്തെ വളപട്ടണം,ന്യൂമാഹി,മമ്പറം, മേലൂര് പുഴയോരങ്ങളില് ബോട്ടുജെട്ടികള് നിര്മിച്ചിട്ടുണ്ട്. കേരളീയ വാസ്തുശൈലിയിലാണ് ബോട്ടുജെട്ടിയുടെ നിര്മാണം.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google