Click it and Unblock the Notifications
Just In
Don't Miss
-
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
നോറയ്ക്ക് കൃത്യമായ ടാര്ജറ്റുകളുണ്ട്, ഇവരാണവര്; നോറ സ്ട്രോങ് ആകാന് കാരണം ഇതാണ്! -
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കൂട്ടുപുഴ-മാക്കൂട്ടം ചുരം റോഡ് അടഞ്ഞു തന്നെ: ബെംഗളുരു-കുടക് യാത്രാ ദുരിതത്തിന് പരിഹാരമായില്ല
ഇരിട്ടി: പ്രളയത്തില്‍ റോഡു തകര്‍ന്നതിനെ തുടര്‍ന്ന് ഗതാഗതം നിരോധിച്ച കൂട്ടുപുഴ-മാക്കൂട്ടം ചുരം റോഡില്‍ ഗതാഗതതടസം തുടരുന്നു. ഈ മേഖലയില്‍ കനത്തമഴ തുടരുന്നതിനാല്‍ മരം വീണും മണ്ണിടിഞ്ഞും അപകടമുണ്ടാകാനുള്ള സാധ്യത കണക്കിലെടുത്തും കര്‍ണാടക സര്‍ക്കാര്‍ ഇതുവഴി ഇരുചക്രവാഹനങ്ങളടക്കമുള്ള വാഹനങ്ങള്‍ക്ക് വിലക്ക് ഏര്‍പ്പെടുത്തിയിരിക്കുകയാണ്. മാക്കൂട്ടം ചുരം പാതയില്‍ പെരുമ്പാടി ചെക്ക്‌പോസ്റ്റിന് നാലു കിലോമീറ്റര്‍ ഇപ്പുറം 30 മീറ്ററിലധികം റോഡ് തകര്‍ന്ന് താഴ്ചയിലേക്ക് പതിച്ചതാണ് ഇതുവഴിയുള്ള ഗതാഗതം മുടങ്ങിയത്.
രണ്ട് ദിവസത്തിനുള്ളില്‍ താല്‍ക്കാലിക അറ്റകുറ്റുപണികള്‍ നടത്തി ചെറിയ വാഹനങ്ങള്‍ കടത്തിവിടാനുള്ള സംവിധാനം ഒരുക്കുമെന്ന്‌കൊടക് ജില്ലാകലക്ടര്‍ഉറപ്പു നല്‍കിയിരുന്നു. എന്നാല്‍ പത്ത് ദിവസംകഴിഞ്ഞിട്ടും നിരോധനം നീക്കിയില്ല. ഇടിഞ്ഞ റോഡിന്റെ ബാക്കി ഭാഗവും ഓവുചാലായി ഉപയോഗിക്കുന്ന സ്ഥലവും വനംവകുപ്പിന്റെ അധീനതയിലുള്ള സ്ഥലവും പ്രയോജനപ്പെടുത്തി താല്‍ക്കാലിക സംവിധാനമാണ് നിലവില്‍ പൂര്‍ത്തിയാക്കിയത്. ഇതിന്റെ സുരക്ഷാ പരിശോധന പൂര്‍ത്തിയാക്കിയിട്ടില്ല.
എന്നാല്‍ കൂട്ടുപുഴ പാലത്തിന് സമീപമുള്ള കര്‍ണ്ണാടക ചെക്ക്‌പോസ്റ്റ് മുതല്‍ ഇരുചക്രവാഹനങ്ങള്‍ക്കുള്‍പ്പെടെ നിരോധനം ഏര്‍പ്പെടുത്തിയത് നാലു കിലോമീറ്ററോളം ദൂരെ മാക്കൂട്ടംപ്രദേശത്ത് താമസിക്കുന്നവരെയും എസ്‌റ്റേറ്റ് തൊഴിലാളികളേയും പ്രതിസന്ധിയിലാക്കിയിരിക്കയാണ്. കണ്ണൂര്‍ വിമാനത്താവളത്തെ ആശ്രയിക്കുന്ന കുടക് മേഖലയിലുള്ളവര്‍ക്കും മാക്കൂട്ടം ചുരം പാത അടച്ചിട്ടത് ഏറെ ദുരിതമാകുകയാണ്.
