'സ്വപ്ന അത്ര തരംതാണ സ്ത്രീയല്ല, നല്ല കഴിവുള്ളയാള്... ആരോപണങ്ങള് അന്വേഷിക്കണം'; കെ സുധാകരന്
കണ്ണൂര്: സ്വപ്ന സുരേഷിനെ പിന്തുണച്ച് കെ പി സി സി അധ്യക്ഷന് കെ സുധാകരന്. സ്വപ്ന സുരേഷ് ഉന്നയിച്ച ആരോപണങ്ങള് ഗൗരവതരമാണ് എന്നും കേസെടുത്ത് അന്വേഷണം നടത്തണം എന്നും കെ സുധാകരന് സംസ്ഥാന സര്ക്കാരിനോട് ആവശ്യപ്പെട്ടു. ഇന്നലെ കണ്ണൂര് ഡി സി സി ഓഫിസില് മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.
സ്വപ്ന സുരേഷ് മുന് സ്പീക്കര്ക്കും മന്ത്രിമാര്ക്കുമെതിരെ ഉന്നയിച്ചിരിക്കുന്ന ലൈംഗിക ആക്രമണ ആരോപണങ്ങള് അങ്ങേയറ്റം ഗുരുതരമാണ് എന്ന് കെ സുധാകരന് ചൂണ്ടിക്കാട്ടി. ആരോപണങ്ങള് തെറ്റാണെങ്കില് നേതാക്കള് എന്തുകൊണ്ടാണ് മാനനഷ്ടക്കേസ് കൊടുക്കാത്തത് എന്നും കെ സുധാകരന് ചോദിച്ചു. സുധാകരന്റെ വാക്കുകള് ഇങ്ങനെയാണ്....
സ്വര്ണക്കടത്ത് കേസിലെ കുറ്റാരോപിത മുന് സ്പീക്കര്ക്കും മന്ത്രിമാര്ക്കുമെതിരെ ഉന്നയിച്ചിരിക്കുന്ന ലൈംഗിക ആക്രമണ ആരോപണങ്ങള് അങ്ങേയറ്റം ഗുരുതരമാണ്. ഇത് നിസാരവല്ക്കരിച്ച് സ്വന്തം നേതാക്കളെ സംരക്ഷിക്കാനുള്ള സി പി ഐ എമ്മിന്റേയും സംസ്ഥാന സര്ക്കാരിന്റേയും നീക്കം സ്ത്രീ സമൂഹത്തോട് ഉള്ള വെല്ലുവിളിയാണ്.
ഉമ്മന്ചാണ്ടിയെ ഒഴിവാക്കിയേക്കും, എഐസിസി ജനറല് സെക്രട്ടറി സ്ഥാനത്തേക്ക് ചെന്നിത്തല?
ആരോപണ വിധേയര്ക്കെതിരെ കേസെടുക്കാന് സര്ക്കാര് തയ്യാറാകണം. ഞാന് ചോദിക്കുന്നു എന്തുകൊണ്ടാണ് അവര്ക്കെതിരെ ഇത്രയേറെ ആരോപണങ്ങള് വന്നിട്ടും മന്ത്രിമാര്ക്കെതിരെ നടപടിയെടുക്കാത്തത്. ഇതിനേക്കാള് ചെറിയ പരാമര്ശങ്ങള് നടത്തിയ ആളുകള്ക്കെതിരെ കേസെടുത്തിട്ടില്ലേ. ഇനി മന്ത്രിമാര്ക്ക് കേസെടുക്കാന് പറ്റില്ലെങ്കില് എന്താണ് ഉണ്ടായത് എന്ന് അവര് ജനങ്ങളോട് പറയണം.
3000 പ്രവാസി ഡ്രൈവിംഗ് ലൈസന്സ് റദ്ദാക്കി, നാടുകടത്തലിനും സാധ്യത..!!; നടപടിയുമായി കുവൈത്ത്
അതിന് നിസാരമായ മട്ടിലാണ് സംസ്ഥാന സര്ക്കാര് മറുപടി പറഞ്ഞത്, വിശ്വസിക്കാനാകില്ല എന്ന്. എന്തേ വിശ്വസിക്കാന്. സോളാറിലെ സരിതയെ വിശ്വസിച്ച കേരളത്തില് അതിനേക്കാള് എത്രയോ ബെറ്ററായിട്ടുള്ളതാണ് സ്വപ്ന സുരേഷ്. അത്രയൊന്നും തരംതാണ സ്ത്രീയാണ് എന്ന് ആര്ക്കും തോന്നില്ല. വിദ്യാഭ്യാസ രംഗത്ത് നല്ല കഴിവുള്ള പ്രാപ്തിയുള്ള ഒരു വനിതയായിട്ടാണ് ഞാന് അവരുടെ അവതരണത്തിലൊക്കെ കാണുമ്പോള് നമുക്ക് തോന്നുന്നത്.
ബീഫിനോട് നോ, സത്യപ്രതിജ്ഞ ചെയ്തത് ഭഗവദ് ഗീത തൊട്ട്..; 'ഇന്ത്യന് പാരമ്പര്യം' മറക്കാത്ത ഋഷി സുനക്
അവര് പ്രതികരിച്ചിരിക്കുന്നതില് തെളിവുണ്ടെന്ന് അവര് പറയുന്നു. അവരത് കോടതിയില് പറഞ്ഞിരിക്കുന്നു. എന്ത് തെളിവ് വേണമെങ്കിലും കൊടുക്കാന് തയ്യാറുണ്ട് എന്ന് പറയുന്നു. വെല്ലുവിളിച്ച് സംസാരിക്കുന്നു. എന്നാല് മന്ത്രിമാര്ക്കെതിരെ കേസെടുക്കുന്നില്ല. മന്ത്രിമാരുടെ മാനം രക്ഷിക്കാന് മന്ത്രിമാര്ക്ക് അവര്ക്കെതിരെ കേസ് കൊടുക്കാന് താല്പര്യമുണ്ടോ.
എന്തുകൊണ്ടാണ് മാനനഷ്ടക്കേസ് കൊടുക്കാത്തത്. മാനനഷ്ടക്കേസ് കൊടുത്താല് മജിസ്ട്രേറ്റിന് കൊടുക്കുന്ന സ്റ്റേറ്റ്മെന്റില് കേസെടുക്കാന് കോടതി പറയും എന്നുള്ളത് കൊണ്ടാണ് അവര് കോടതിയിലേക്ക് പോകാത്തത്. കോടതിയുടെ മുന്പിലേക്ക് ഈ കേസ് എത്തിക്കാന് സര്ക്കാര് ശ്രമിക്കുന്നില്ല.
2 മുന് മന്ത്രിമാര്ക്കും മുന് സ്പീക്കര്ക്കും നേരെ ഇത്ര ഗുരുതരമായ നാണംകെട്ട ആരോപണങ്ങള് ഉന്നയിച്ചിട്ട് അതിനെതിരെ പ്രതികരിക്കാന് പാര്ട്ടിക്ക് സാധിക്കുന്നില്ല എന്ന് വന്നാല് അതൊരു കുറ്റസമ്മതമല്ലേ എന്ന് സമൂഹം വിലയിരുത്തേണ്ടതായിട്ടുണ്ട്.