Click it and Unblock the Notifications
Just In
Don't Miss
-
കൊതിപ്പിക്കുന്ന വിലയ്ക്ക് പുതിയ 9 സീറ്റർ എസ്യുവി പുറത്തിറക്കി മഹീന്ദ്ര; വില കേട്ടാൽ വാങ്ങിപ്പോവും -
T20 World Cup: ഹാര്ദിക്കിന്റെ ചീട്ടുകീറുമോ? ദ്രാവിഡും അഗാര്ക്കറും രോഹിത്തിനെ കണ്ടു! പണി ഉറപ്പ് -
ഭര്ത്താവിന്റെ വീട്ടില് മനസമാധാനം; അമ്മായിയമ്മയെ പാട്ടിലാക്കാന് മരുമകള് ചെയ്യേണ്ട 6 കാര്യം -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
എല്‍.ഡി. എഫിന് വന്‍തിരിച്ചടി: ഇരിക്കൂര്‍ സഹകരണബാങ്ക് ഭരണം യുഡിഎഫ് നിലനിര്‍ത്തി
കണ്ണൂര്‍: സഹകരണ ബാങ്ക് ഭരണസമിതി തെരഞ്ഞെടുപ്പില്‍ യുഡിഎഫ് ഭരണം നിലനിര്‍ത്തി. ചേടിച്ചേരി ദേശമിത്രം യുപി സ്‌കൂളില്‍ നടന്ന വാശിയേറിയ തെരഞ്ഞെടുപ്പില്‍ എല്‍ഡിഎഫ് സഹകരണ മുന്നണി സ്ഥാനാര്‍ഥികളേയാണ് യുഡിഎഫ് പരാജയപ്പെടുത്തിയത്. 35 വര്‍ഷമായി യുഡിഎഫ് ഭരണം നടത്തുന്ന ബാങ്ക് ഭരണസമിതി തെരഞ്ഞെടുപ്പില്‍ എല്‍ഡിഎഫ് മത്സരത്തിനിറങ്ങിയതോടെയാണു തെരഞ്ഞെടുപ്പ് ശ്രദ്ധയാകര്‍ഷിച്ചത്. സംഘര്‍ഷ സാധ്യത കണക്കിലെടുത്ത് വന്‍ സുരക്ഷയാണു പോലീസ് ഒരുക്കിയത്.
യു.ഡി.എഫ് പാനലില്‍ മത്സരിച്ച 11 സ്ഥാനാര്‍ഥികളും വന്‍ ഭൂരിപക്ഷത്തോടെയാണ് വിജയിച്ചത്. കോണ്‍ഗ്രസ് ആറു സീറ്റിലും മുസ്‌ലിംലീഗ് അഞ്ചു സ്ഥാനങ്ങളിലുമാണ് മത്സരിച്ചിരുന്നത്. കെ.പി അബ്ദുല്ല, എ.പി ജാഫര്‍ സാദിഖ്, വി.ടി പത്മാസനന്‍, പോക്കര്‍ തായലെപുരയില്‍, ഇ. പ്രസാദ് കുമാര്‍, എം. സൈനുല്‍ ആബിദ്, കെ. അസൈനാര്‍, അക്കാമ്മ ജോസഫ്, കെ.പി ജമീല, സി.ജി ബിന്ദു, യു.കെ ഷാജി എന്നിവരാണ് തെരഞ്ഞെടുക്കപ്പെട്ടവര്‍. വോട്ടുചെയ്യാനായി രാവിലെ തന്നെ വോട്ടര്‍മാര്‍ വരിയിലെത്തിയിരുന്നു. രാവിലെ ഒന്‍പതിനു തുടങ്ങി മൂന്നിനു പോളിങ് സമയം കഴിഞ്ഞപ്പോഴും നിരവധി പേര്‍ വോട്ടുചെയ്യാന്‍ ബാക്കിയുണ്ടായിരുന്നു. ടോക്കണ്‍ നല്‍കി ഇവര്‍ക്കു വോട്ട് ചെയ്യാന്‍ അവസരം നല്‍കുകയായിരുന്നു.
തെരഞ്ഞെടുപ്പിനു വന്‍ പോലീസ് സന്നാഹം ഏര്‍പ്പെട്ടുത്തിയിരുന്നതിനാല്‍ അനിഷ്ട സംഭവങ്ങളൊന്നും ഉïായില്ല. ഇരിട്ടി എ.എസ്.പി ആര്‍. ആനന്ദ്, സി.ഐ എ.പി കുട്ടികൃഷ്ണന്‍, എസ്.ഐമാരായ സജീവന്‍, കെ.പി ശ്രീഹരി എന്നിവരുടെ നേതൃത്വത്തില്‍ നൂറോളം പൊലിസുകാരെയാണു സ്ഥലത്ത് നിയോഗിച്ചത്.
യു.ഡി.എഫിനായി കെ.സുധാകരന്‍ എം.പി. കെ.സി ജോസഫ് എം.എല്‍.എ, ഡി.സി.സി പ്രസിഡന്റ് സതീശന്‍ പാച്ചേനി, മുസ്‌ലിംലീഗ് ജില്ലാ സെക്രട്ടറി അബ്ദുല്‍കരീം ചേലേരി, മുഹമ്മദ് ബ്ലാത്തൂര്‍, ബേബി തോലാനി, അഡ്വ. ജസ്റ്റിന്‍, ഡോ. കെ.വി ഫിലോമിന, എം.ഒ മാധവന്‍, കെ.എന്‍.എ ഖാദര്‍, എല്‍.ഡി.എഫിനായി സി.പി.എം ജില്ലാസെക്രടറി എം.വി ജയരാജന്‍, ജയിംസ് മാത്യു എം.എല്‍.എ, ഐ.എന്‍.എല്‍ ജില്ലാസെക്രട്ടറി ഡി. മുനീര്‍, ടി.കെ ഗോവിന്ദന്‍, എം. വേലായുധന്‍, ബി. ഷംസുദീന്‍, മടവൂര്‍ അബ്ദുല്‍ഖാദര്‍ എന്നിവരും തെരഞ്ഞെടുപ്പ് കേന്ദ്രത്തിലുïായിരുന്നു. വിജയികളെ ആനയിച്ച് യു.ഡി.എഫ് പ്രവര്‍ത്തകര്‍ ഇരിക്കൂറില്‍ ആഹ്ലാദ പ്രകടനം നടത്തി.
