അവര് സ്വന്തം നേതാക്കളെ പാര്ട്ടിയില് പിടിച്ചുനിര്ത്തട്ടെ; രാഹുല് ഗാന്ധിക്ക് മറുപടിയുമായി യെച്ചൂരി
കണ്ണൂര്: മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിയെ വിമര്ശിക്കാതെ തന്നെയാണ് വിമര്ശിക്കുന്നതെന്ന രാഹുല് ഗാന്ധിയുടെ പ്രസ്താവനയ്ക്കെതിരെ സിപിഎം അഖിലേന്ത്യാ ജനറല് സെക്രട്ടറി സീതാറാം യെച്ചൂരി. അവര് അവരുടെ നേതാക്കളെ പാര്ട്ടിയില് പിടിച്ചു നിര്ത്തട്ടെയെന്നാണ് ഈ വിഷയത്തില് സീതാറാം യെച്ചൂരി കണ്ണൂരില് നടന്ന വാര്ത്താസമ്മേളനത്തിനിടെ പ്രതികരിച്ചത്.
നരേന്ദ്ര മോദി സര്ക്കാര് രാജ്യത്തെ മതേതരത്വത്തെയും ജനാധിപത്യത്തെയും തകര്ക്കുകയാണെന്നും സീതാറാം യെച്ചൂരി പറഞ്ഞു. പാര്ലമെന്റിനെയും ജുഡീഷ്യറിയെയും ഇലക്ഷന് കമ്മീഷനെയും എല്ലാം കേന്ദ്ര സര്ക്കാര് രാഷ്ട്രീയ ഉപകരണങ്ങളാക്കി മാറ്റിയെന്ന് അദ്ദേഹം പറഞ്ഞു. രാജ്യത്ത് ജനാധിപത്യവും മതേതരത്വവും നിലനില്ക്കണമെങ്കില് മറ്റൊരു ഗവണ്മെന്റ് കേന്ദ്രത്തില് അധികാരത്തില് വരണം.
മോദിയെയും ബിജെപിയെയും അധികാരത്തില് നിന്ന് തൂത്തെറിയാന് എല്ലാ മതേതരത്വ ശക്തികളും ഒരുമിച്ചു നില്ക്കണമെന്നാണ് സിപിഎം ആഗ്രഹിക്കുന്നതെന്നും യെച്ചൂരി പറഞ്ഞു. നരേന്ദ്ര മോദിയുടെ ഗ്യാരണ്ടി വട്ടപ്പൂജ്യമാണ്. കഴിഞ്ഞ 10 വര്ഷത്തിനിടയില് ജനങ്ങള്ക്ക് നല്കിയ വാഗ്ദാനങ്ങള് ഒന്നും നടപ്പിലാക്കാന് കഴിഞ്ഞിട്ടില്ല. കള്ളപ്പണം, ഇലക്ടറല് ബോണ്ട് തുടങ്ങിയ വിഷയങ്ങളില് സുപ്രീംകോടതിയുടെ മേല് നോട്ടത്തില് അന്വേഷണം വേണമെന്ന് യെച്ചൂരി ആവശ്യപ്പെട്ടു.
കോണ്ഗ്രസ് നേതാക്കള് ഒന്നൊന്നായി ബിജെപിയിലേക്ക് ചേക്കേറുന്നു. ഇതിന് പിന്നില് പല പ്രലോഭനങ്ങളുണ്ട്. ഇലക്ടറല് ബോണ്ട് സ്വീകരിക്കാത്ത പാര്ട്ടിയാണ് സിപിഎം. കേന്ദ്രത്തില് കോണ്ഗ്രസ് പ്രധാനമന്ത്രി വരണമെന്നാണോ സിപിഎം ഉദ്ദേശിക്കുന്നതെന്ന് ചോദിച്ചപ്പോള് തെരഞ്ഞെടുപ്പിന് ശേഷം ഏറ്റവും കൂടുതല് സീറ്റ് ലഭിച്ച പാര്ട്ടി നേതൃത്വം നല്കണമെന്ന് യെച്ചൂരി പറഞ്ഞു..
മമതാ ബാനര്ജിയെ പോലെയുളളവര് ഉള്ക്കൊളളുന്ന കേന്ദ്രമന്ത്രിസഭയെ സിപിഎം പിന്തുണയ്ക്കുമോയെന്ന ചോദ്യത്തിന് മമത ഈ നിലപാടിനൊപ്പം അല്ല ഉള്ളതെന്നായിരുന്നു യെച്ചൂരിയുടെ പ്രതികരണം. പാറക്കണ്ടിയിലുളള സിപിഎം കണ്ണൂര് ജില്ലാ കമ്മിറ്റി ഓഫീസില് നടന്ന വാര്ത്താസമ്മേളനത്തില് ആക്ടിങ് ജില്ലാ സെക്രട്ടറി ടിവി രാജേഷും പങ്കെടുത്തു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google