ബ്രണ്ണന് പ്രിന്സിപ്പലിന്റെ വീട്ടിലേക്ക മാര്ച്ച്; പികെ കൃഷ്ണദാസ് ഉള്പ്പെടെ അന്പതു പേര്ക്കെതിരെ കേസെടുത്തു
തലശ്ശേരി: ധര്മടം ബ്രണ്ണന് കോളേജില് എ.ബി.വി.പി സ്ഥാപിച്ച കൊടിമരം പ്രിന്സിപ്പല് പിഴുതു മാറ്റിയതിനു പിന്നാലെയുണ്ടായ സംഘര്ഷത്തിലും പ്രിന്സിപ്പല് കെ. ഫല്ഗുനന്റെ വീട്ടിലേക്കു നടത്തിയ മാര്ച്ചിലും പങ്കെടുത്ത 50 പേര്ക്കെതിരേ ധര്മ്മടം പൊലിസ് കേസെടുത്തു. ബി.ജെ.പി ദേശീയ നിര്വാഹക സമിതി അംഗം പി.കെ കൃഷ്ണദാസ്, ബി.ജെ.പി ജില്ലാ പ്രസിഡന്റ് പി.സത്യപ്രകാശ് മണ്ഡലം പ്രസിഡന്റ് എം.പി സുമേഷ് തുടങ്ങിയ നേതാക്കള്ക്കെതിരായാണ് കേസെടുത്തത്.
അതേസമയം ബുധനാഴ്ച രാവിലെ പ്രിന്സിപ്പലിന്റെ വീടിനു മുന്പില് എ.ബി.വി.പി പ്രവര്ത്തകര് കൊടി നാട്ടി പ്രതിഷേധിച്ചു.കോളേജിലും പരിസരത്തും ശക്തമായ പൊലിസ് സന്നാഹം ഏര്പ്പെടുത്തി. പ്രശ്നം പരിഹരിക്കുന്നതിനായി ബുധനാഴ്ച രാവിലെ കോളജില് വിദ്യാര്ഥി പ്രതിനിധികളുമായി പ്രിന്സിപ്പല് ചര്ച്ച നടത്തി. ജനപ്രതിനിധികളുമായി വൈകീട്ട് ധര്മ്മടം എസ്.ഐ മഹേഷ് കണ്ടമ്പേത്തിന്റെ നേതൃത്വത്തില് സമാധാനയോഗം നടത്തി.
കോളജില് സാധാരണ നിലയില് ബുധനാഴ്ചയും ക്ലാസുകള് നടന്നു. ചൊവ്വാഴ്ച ഉച്ചയ്ക്ക് ബലിദാനി വിശാല് അനുസ്മരണവുമായി ബന്ധപ്പെട്ട് എ.ബി.വി.പി കോളേജില് ചടങ്ങ് സംഘടിപ്പിച്ചിരുന്നു. എ.ബി.വി.പി സംസ്ഥാന സമിതി അംഗം വിശാഖ് പ്രേമന്, യൂണിറ്റ് അംഗങ്ങളായ വൈഷ്ണവ്, ജിഷ്ണു തുടങ്ങിയവരുടെ നേതൃത്വത്തിലാണ് പരിപാടി നടന്നത്. ചടങ്ങിനു വേണ്ടി സ്ഥാപിച്ച കൊടിമരം മാറ്റാന് പോലീസും പ്രിന്സിപ്പലും ആവശ്യപ്പെട്ടെങ്കിലും നേതാക്കള് തയ്യാറായില്ല. തുടര്ന്ന് പ്രിന്സിപ്പലിന്റെ ചുമതലയുള്ള പ്രൊഫ. ഫല്ഗുനന് നേരിട്ടെത്തി കൊടിമരം പിഴുതുമാറ്റുകയായിരുന്നു.
മാറ്റിയ കൊടിമരം അദ്ദേഹം കോളേജിനു പുറത്തുണ്ടായിരുന്ന പോലീസിന് കൈമാറി. പരിപാടിക്കു ശേഷം കൊടിമരം മാറ്റണമെന്ന ഉറപ്പില് പോലീസുമായി ആലോചിച്ചാണ് പരിപാടിക്കുള്ള അനുവാദം നല്കിയതെന്ന് കോളജ് അധികൃതര് അറിയിച്ചു. അനുവാദം വാങ്ങിയാണ് കൊടിമരം സ്ഥാപിച്ചതെന്ന് എ.ബി.വി.പി പ്രവര്ത്തകര് പറഞ്ഞു. എസ്.എഫ്.ഐയുടെ കൊടിമരത്തിനു സമീപമാണ് എ.ബി.വി.പി കൊടിമരം സ്ഥാപിച്ചത്. എ.ബി.വി.പിയുടെ കൊടിമരം പ്രിന്സിപ്പല് പിഴുതുമാറ്റിയതില് പ്രതിഷേധിച്ച് സംഘപരിവാര് സംഘടനകള് ധര്മടം വെള്ളൊഴുക്കില് പ്രിന്സിപ്പല് താമസിക്കുന്ന വീട്ടിലേക്ക് മാര്ച്ച് നടത്തുകയായിരുന്നു.
-
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട്
Click it and Unblock the Notifications
Sign in with Google