കണ്ണൂരിൽ ട്രാൻസ് ജെൻഡർ മാർക്കായി മാരിവിൽ ക്ളബ്ബ് ഒരുങ്ങി
കണ്ണൂർ: സമൂഹത്തിൽ പാർശ്വവൽക്കരിക്കപ്പെടുന്ന ട്രാൻസ് ജെൻഡർമാരുടെ അതിജീവനത്തിനായി മാരിവിൽ കൂട്ടായ്മ ഒരുങ്ങി. ട്രാൻസ് ജെൻഡർ അംഗങ്ങളുടെ ജീവിത - മാനസികാരോഗ്യം മെച്ചപ്പെടുത്തുന്നതിനും അരികുവൽക്കരിക്കപ്പെടുന്ന ജീവിതങ്ങളെ ലിംഗ സമത്വത്തിലേക്ക് കൈപിടിച്ചുയർത്തുന്നതിനുമാണ് സംസ്ഥാന യുവജനക്ഷേമ ബോർഡ്. കണ്ണൂർ സ്നേഹതീരം എന്നിവയുടെ സംയുക്താഭിമുഖ്യത്തിൽ മാരിവില്ലെന്ന പേരിൽ ട്രാൻസ് ജെൻഡർ ക്ളബ്ബ് രൂപീകരിച്ചത്.
മഴവിൽ കൂട്ടായ്മയിലൂടെ ട്രാൻസ് ജെൻഡർമാരുടെ സാമൂഹിക- മാനസിക ഒറ്റപ്പെടലുകളെ ഇല്ലാതാക്കുകയാണ് ലക്ഷ്യമിടുന്നത്. പൊതു സമൂഹത്തിന്റെ അവഗണന പേടിച്ചു താൻ ട്രാൻസ് ജെൻ .ഡറാണെന്ന് പറയാൻ മടിക്കുന്നവരെ കൂടി മാരിവിൽ കൂട്ടായ്മയിൽ ഉൾക്കൊള്ളും. കണ്ണൂർ ഭാരത് ഹോട്ടലിൽ ചേർന്ന കൂട്ടായ്മയുടെ ഉദ്ഘാടനം യുവജനക്ഷേമ ബോർഡ് അംഗം വി.കെ സനോജ് ഉദ്ഘാടനം ചെയ്തു.
തൊട്ടുകൂടാത്തവരും തീണ്ടികൂടാത്തവരുമായ സമുഹങ്ങളെ മുഖ്യധാരയിലേക്ക് കൊണ്ടുവരുന്നതിനായി കേരളത്തിൽ എണ്ണമറ്റ പോരാട്ടങ്ങൾ നടന്നിട്ടുണ്ടെന്ന് സനോജ് പറഞ്ഞു. ഇന്നല്ലെങ്കിൽ നാളെ ട്രാൻസ് ജെൻഡർമാരെ പൊതു സമുഹത്തിന് അംഗീകരിക്കേണ്ടിവരും. കൊച്ചിൻ മെട്രോയിലുൾപെടെ ജോലി നൽകി സർക്കാർ ട്രാൻസ് ജെൻഡർമാരെ ചേർത്തു നിർത്തിയിട്ടുണ്ടെങ്കിലും ലോകം മാറ്റി നിർത്തിയ സമൂഹത്തെ ചേർത്തുപിടിച്ചു ഇനിയും മുൻപോട്ടു പോകേണ്ടതുണ്ടെന്ന് സനോജ് പറഞ്ഞു. ട്രാൻസ് ജെൻഡർ സമുഹത്തിന്റെ മുഖ്യധാരയിലേക്ക് പൂർണമായി വന്നുവെന്ന് ഇനിയും പറയാൻ കഴിയില്ല. യുവജനക്ഷേമ ബോർഡ് രൂപീകരിക്കുന്ന ഇത്തരം ക്ളബ്ബുകളിലൂടെ തളർന്നു പോയവരെ ചേർത്തുപിടിക്കാൻ കഴിയണമെന്നും സനോജ് പറഞ്ഞു. ജില്ലാ യൂത്ത് പോഗ്രാം ഓഫിസർ കെ. പ്രസീത അധ്യക്ഷയായി. പി.എം സാജിദ് . കാവ്യ, തുടങ്ങിയവർ പങ്കെടുത്തു. യുവജനക്ഷേമ ബോർഡ് ജില്ലാ യൂത്ത് കോർഡിനേറ്റർ അഡ്വ. സരിൻ ശശി സ്വാഗതം പറഞ്ഞു.
Click it and Unblock the Notifications
Sign in with Google