നടുവില് പഞ്ചായത്ത് ഭരണം വീണ്ടും യുഡിഎഫിന്: തിരിച്ചടിയായി കോണ്ഗ്രസിലെ കൂട്ടരാജി
കണ്ണൂര്: ബേബി ഓടംപള്ളിലിനെ പഞ്ചായത്ത് പ്രസിഡന്റാക്കിയതില് പ്രതിഷേധിച്ച് ആലക്കോട്ടെ അഞ്ച് കോണ്ഗ്രസ് നേതാക്കള് രാജിവെച്ചു. കോണ്ഗ്രസിലെ ഭാരവാഹിത്വങ്ങള് ഒഴിഞ്ഞ് സാധാരണ അംഗങ്ങളായി തുടരുമെന്ന് ഇവര് അറിയിച്ചു. ആലക്കോട് കോണ്ഗ്രസ് ബ്ളോക്ക് വൈസ് പ്രസിഡന്റ് ബിജു ഓരത്തേല്, ബ്ളോക്ക് സെക്രട്ടറിമാരായ ബാബു കിഴക്കേപറമ്പില്, മുന്പഞ്ചായത്ത് പ്രസിഡന്റ് മഹിളാകോണ്ഗ്രസ് ജില്ലാ ജനറല് സെക്രട്ടറിയുമായ ത്രേസ്യാമ്മ ജോസഫ്, മുന്പഞ്ചായത്ത് പ്രസിഡന്റ് ബിന്ദുബാലന്, സെക്രട്ടറി കെ.വി മുരളീധരന് എന്നിവരാണ് വ്യാഴാഴ്ച്ച രാവിലെ ബ്ലോക്ക് പ്രസിഡന്റിന് രാജിക്കത്ത് നല്കിയത്.
ഇതിനിടെ നടുവില് പഞ്ചായത്തിന്റെ പുതിയ പ്രസിഡന്റായി യു ഡി എഫിന്റെ ബേബി ഓടംപള്ളിലിനെ തെരഞ്ഞെടുത്തു. 19 അംഗങ്ങളുള്ള പഞ്ചായത്തില് യുഡിഎഫിന് 11 വോട്ടും എല് ഡി എഫിന് 7 വോട്ടും ലഭിച്ചു. സാജു ജോസഫ് ആയിരുന്നു എല്.ഡി.എഫ് സ്ഥാനാര്ഥി.ബേബിയെ പ്രസിഡണ്ടാക്കുന്നതില് പ്രതിഷേധിച്ച് കോണ്ഗ്രസ് മെമ്പറായ റെജി മോന് തിരഞ്ഞെടുപ്പില് നിന്ന് വിട്ടു നിന്നു.യുഡി. എഫിന് ശക്തമായ സ്വാധീനമുള്ള നടുവില് പഞ്ചായത്ത് ഭരണം തിരിച്ചുപിടിച്ചത് കോണ്ഗ്രസിന് ആശ്വാസകരമായിട്ടുണ്ടെങ്കിലും പാര്ട്ടിക്കുളളില് വിമതനീക്കം ശക്തമായിട്ടുണ്ട്.
മലയോരത്ത് എഗ്രൂപ്പിന്റെ സ്വാധീനപ്രദേശങ്ങളിലൊന്നാണ് നടുവില് ഗ്രാമപഞ്ചായത്ത് എന്നാല് സുധാകരപക്ഷക്കാരനായ ബേബി ഓടംപള്ളിലിനെ സി.പി. എമ്മുമായി കൂട്ടുചേര്ന്നിട്ടും തിരിച്ചെടുത്ത് വീണ്ടും പ്രസിഡന്റാക്കിയത് എഗ്രൂപ്പില് കടുത്ത അതൃപ്തിക്കിടയാക്കിയിട്ടുണ്ട്. നടുവില് സ്വദേശിയും കെ.പി.സി.സി ജനറല് സെക്രട്ടറി സോണി സെബാസ്റ്റിയന്, ഇരിക്കൂര് എം. എല്. എ സജീവ് ജോസഫ് എന്നിവര് ഇടപെട്ടിട്ടും ബേബിയെ വീണ്ടും പ്രസിഡന്റാക്കാനുള്ള നീക്കവുമായി കെ.പി.സി.സി അധ്യക്ഷന് കെ.ിസുധാകരനും ഡി.സി.സിയും മുന്പോട്ടു പോവുകയായിരുന്നു.
Click it and Unblock the Notifications
Sign in with Google