കേരളം ഭരിക്കുന്നത് ഏതു പ്രതിസന്ധിയിലും ജനങ്ങളെ കൈവെടിയാത്ത സര്ക്കാര്: മന്ത്രി കെ രാജന്
മട്ടന്നൂര് :കടുത്ത പ്രതിസന്ധിയിലും കേരളത്തെ കൈവെടിയാത്ത സര്ക്കാരാണ് ഭരണത്തിലുള്ളതെന്നതിന്റെ ഉത്തമ ഉദാഹരണമാണ് മട്ടന്നൂര് മണ്ഡലത്തില് നടക്കുന്ന വികസന പ്രവര്ത്തനങ്ങളെന്ന് റവന്യൂ വകുപ്പ് മന്ത്രി കെ രാജന് പറഞ്ഞു. പ്രകൃതി ദുരന്തങ്ങളും മഹാമാരികളും കേരളത്തെ തകര്ത്തെറിഞ്ഞപ്പോഴും വികസന പ്രവര്ത്തനങ്ങളില് നിന്നും സര്ക്കാര് പിന്തിരിഞ്ഞിട്ടില്ല. ഇപ്പോള് കേന്ദ്ര സര്ക്കാര് സാമ്പത്തികമായി ത്തെരുക്കാന് നോക്കുന്നു. എന്നാല് കേരളം ലക്ഷ്യം വച്ച വികസന പദ്ധതികള് നടപ്പാക്കുന്നതില് നിന്ന് ഒരടി പോലും പിന്നോട്ടില്ലെന്നും മന്ത്രി പറഞ്ഞു.
മട്ടന്നൂരിലെ എല്ലാ സര്ക്കാര് ഓഫീസുകളെയും ഒരു കുടക്കീഴില് കൊണ്ടുവരുന്ന മട്ടന്നൂര് റവന്യൂ ടവറിന്റെ ഉദ്ഘാടനം നിര്വഹിച്ചു സംസാരിക്കുകയായിരുന്നു അദ്ദേഹം. റവന്യൂ ടവര് അങ്കണത്തില് നടന്ന പരിപാടിയില് കെ കെ ശൈലജ എം എല് എ അധ്യക്ഷത വഹിച്ചു. മട്ടന്നൂര് ടൗണില് പഴശ്ശി ജലസേചന വകുപ്പില് നിന്ന് വിട്ടുകിട്ടിയ മൂന്ന് ഏക്കര് സ്ഥലത്താണ് 34.3 കോടി രൂപ കിഫ്ബി ഫണ്ട് ഉപയോഗിച്ച് റവന്യൂ ടവര് നിര്മ്മിച്ചത്. 5234 ച. മീ. കെട്ടിടവും 511 ച.മീ. കാന്റീന് ബ്ലോക്കുമാണ് നിര്മ്മിച്ചത്.
കേരള സംസ്ഥാന ഭവന നിര്മ്മാണ ബോര്ഡിന്റെ മേല്നോട്ടത്തിലാണ് നിര്മ്മാണം പൂര്ത്തിയാക്കിയത്. 2021 സെപ്തംബറില് കെട്ടിട നിര്മ്മാണം ആരംഭിച്ചു. ഗ്രൗണ്ട് ഫ്ളോറില് ഇലക്ട്രിക്കല് റൂം, ഇരുചക്ര വാഹനങ്ങള്ക്കുള്ള പാര്ക്കിംഗ്, കാര് പാര്ക്കിംഗ് എന്നീ സൗകര്യങ്ങളാണ് ഒരുക്കിയിട്ടുള്ളത്. ഒന്നാം നിലയില് എഇഒ ഓഫീസ്, എസ്എസ്എ- ബിആര്സി, എംപ്ലോയ്മെന്റ് എക്സ്ചേഞ്ച് ഓഫീസ്, ഫുഡ് ആന്റ് സേഫ്റ്റി ഓഫീസ്, ലീഗല് മെട്രോളജി ഓഫീസ് എന്നിവയും രണ്ടാം നിലയില് ഐസിഡിഎസ് ഓഫീസ്, എല് എ കിന്ഫ്ര, മെന്റല് ഹെല്ത്ത് റിവ്യൂ ബോര്ഡ് ഓഫീസ്, എക്സൈസ് സര്ക്കിള് ഓഫീസ് എന്നിവയുമാണ് ഉള്ളത്.
മൂന്നാം നിലയില് എല് എ എയര്പോര്ട്ട് ഓഫീസ്, ആര് ടി ഒ എന്ഫോഴ്സ്മെന്റ് ഓഫീസ്, പഴശ്ശി ഇറിഗേഷന്, മട്ടന്നൂര് വെക്റ്റര് കണ്ട്രോള് ഓഫീസ്, പുരാവസ്തു വകുപ്പ് ഓഫീസ്, മൈനര് ഇറിഗേഷന് ഓഫീസ് എന്നിവയും സജ്ജീകരിച്ചിട്ടുണ്ട്. നാലാംനിലയില് വീഡിയോ കോണ്ഫറന്സ് റൂം, ലൈബ്രറി, ഡൈനിംഗ് ഹാള്, കോണ്ഫറന്സ് ഹാള് എന്നിവയുമാണ് ഒരുക്കിയിട്ടുള്ളത്. സംസ്ഥാന ഭവന നിര്മ്മാണ ബോര്ഡ് ചെയര്മാന് പി പി സുനീര്,കേരള ഭവന നിര്മ്മാണ ബോര്ഡ് മട്ടന്നൂര് നഗരസഭ ചെയര്മാന് എന് ഷാജിത് മാസ്റ്റര്, സംസ്ഥാന ഭവന നിര്മ്മാണ ബോര്ഡ് അംഗം കാരായി രാജന് ,ജില്ലാ പഞ്ചായത്ത് സ്ഥിരം സമിതി അംഗം വി കെ സുരേഷ് ബാബു ,ഇരിട്ടി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന് എം രതീഷ്, മട്ടന്നൂര് നഗരസഭ വൈസ് ചെയര്പേഴ്സണ് ഒ പ്രീത, സെക്രട്ടറി രാഹുല് കൃഷ്ണ ശര്മ ഐഎഎസ്, തലശേരി സബ് കളക്ടര്സന്ദീപ് കുമാര് ഐഎഎസ്, മാങ്ങാട്ടിടം ഗ്രാമ പഞ്ചായത്ത് പ്രസിഡണ്ട് പി സി ഗംഗാധരന്, മാലൂര് പഞ്ചായത്ത് പ്രസിഡണ്ട് വി ഹൈമാവതി, തില്ലങ്കേരി പഞ്ചായത്ത് പ്രസിഡണ്ട് പി ശ്രീമതി, പടിയൂര് പഞ്ചായത്ത് പ്രസിഡണ്ട് ഷംസുദ്ദീന്, കൂടാളി പഞ്ചായത്ത് പ്രസിഡണ്ട് പി കെ ഷൈമ , കീഴല്ലൂര് പഞ്ചായത്ത് പ്രസിഡണ്ട് കെ വി മിനി, കോളയാട് ഗ്രാമപഞ്ചായത്ത് പ്രസിഡണ്ട് എം റിജി, മട്ടന്നൂര് നഗരസഭാ സ്ഥിരം സമിതി അധ്യക്ഷരായ പി ശ്രീനാഥ്, പി പ്രസീന, കെ മജീദ്, വി കെ സുഗതന്, പി അനിത, മട്ടന്നൂര് നഗരസഭ കൗണ്സിലര് പി പ്രജ എന്നിവര് പങ്കെടുത്തു.
-
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google