കർണ്ണാടകയിലെ വിജയം കോൺഗ്രസിന്റെ തിരിച്ചു വരവല്ല : എം.വി ഗോവിന്ദൻ
കണ്ണൂർ: കർണ്ണാടകയിലെ വിജയത്തിൽ പ്രതികരണവുമായി സി.പി.എം സംസ്ഥാന സെക്രട്ടറി എം.വി ഗോവിന്ദൻ . കർണ്ണാടകയിലെ വിജയം ദേശീയ രാഷ്ട്രീയത്തിൽ കോൺഗ്രസിന്റെ തിരിച്ചുവരവാണെന്ന് പറയാനാവില്ലെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ കണ്ണൂരിൽ മാധ്യമ പ്രവർത്തകരോട് പ്രതികരിച്ചു. .
ബിജെപി വിരുദ്ധ വോട്ടുകൾ ഓരോ സംസ്ഥാനങ്ങളിലും ഏകോപിക്കപ്പെടണം. ഭരണ വിരുദ്ധ വികാരവും മതനിരപേക്ഷതയും കർണാടകയിൽ പ്രതിഫലിച്ചുവെന്നും കണ്ണൂർ ജവഹർ ഓഡിറ്റോറിയം അങ്കണത്തിൽ അദ്ദേഹം മാധ്യമ പ്രവർത്തകരോട് പറഞ്ഞു.
ദക്ഷിണേന്ത്യയെ ബിജെപി വിമുക്തമാക്കാനായത് സന്തോഷകരമാണെന്ന് എം വി ഗോവിന്ദൻ പറഞ്ഞു. വർഗ്ഗീയതയോടുള ശക്തമായ വിയോജിപ്പും ഭരണവിരുദ്ധ വികാരവും കർണാടകയിൽ പ്രതിഫലിച്ചു. പ്രധാനമന്ത്രി നരേന്ദ്രമോദി ഉൾപ്പെടെ വന്ന് കർണാടകയിൽ ക്യാമ്പ് ചെയ്ത് പ്രചാരണം നടത്തിയിട്ടും ബിജെപിക്ക് കാര്യമുണ്ടായില്ല. ബിജെപി വിരുദ്ധ വോട്ടുകൾ ഏകോപിപ്പിച്ച് ബിജെപിയെ പുറത്താക്കാനാകുമെന്നും അദ്ദേഹം പറഞ്ഞു.
എന്നാൽ കർണാടകയിലെ കോൺഗ്രസ് വിജയത്തെ ദേശീയ തലത്തിൽ കോൺഗ്രസിന്റെ തിരിച്ചുവരവെന്ന് പറയാൻ കഴിയില്ലെന്നും ലോക് സഭ തിരഞ്ഞെടുപ്പിൽ ഓരോ സംസ്ഥാനത്തെയും ഓരോ യൂണിറ്റായി കാണണമെന്നും അദ്ദേഹം പറഞ്ഞു.ബി.ജെ.പിയുടെ വർഗീയ അജൻഡകൾ നടപ്പിലാകാനുള്ള നീക്കത്തിനെതിരെയുള്ള ശക്തമായ പ്രതികരണമാണ് എല്ലാ വിഭാഗം ജനങ്ങളിൽ നിന്നുണ്ടായതെന്നും എം.വി ഗോവിന്ദൻ ചൂണ്ടികാട്ടി.
മത്സരിച്ച എല്ലായിടങ്ങളിലും ബി.ജെ.പിക്ക് തിരിച്ചടിയുണ്ടായി ജനങ്ങളെ ഭിന്നിപ്പിച്ചുള്ള ഭരണവും അഴിമതിയുമാണ് അവർ കർണാടകയിൽ നടത്തിയത്. ദക്ഷിണേന്ത്യയിൽ നിന്നും ബി.ജെ.പി തുടച്ചു നീക്കപ്പെടാൻ കാരണം ഇതാണെന്നും എം.വി ഗോവിന്ദൻ പറഞ്ഞു.
Click it and Unblock the Notifications
Sign in with Google