ദേശീയ ബോക്സിങ് ചാംപ്യൻഷിപ്പ് ഡിസംബറിൽ കണ്ണൂരിൽ: റോഡ് ഷോ നടത്തി
കണ്ണൂര്: സംസ്ഥാന സ്പോര്ട്സ് കൗണ്സിലിന്റെ സഹകരണത്തോടെ കേരള അമേച്വര് ബോക്സിംഗ്സ് അസോസിയേഷനും സംയുക്തമായി ഡിസംബര് രണ്ടു മുതല് എട്ടു വരെ മുണ്ടയാട് ഇന്ഡോര് സ്റ്റേഡിയത്തില് സംഘടിപ്പിക്കുന്ന ദേശീയ ബോക്സിംഗ് ചാമ്പ്യന്ഷിപ്പിന്റെ പ്രചാരണാര്ത്ഥം നഗരത്തില് ബോക്സിംഗ് റോഡ് ഷോ സംഘടിപ്പിച്ചു. കണ്ണൂര് റെയില്വെ സ്റ്റേഷനില് നടന്ന ചടങ്ങില് ജില്ലാ പഞ്ചായത്ത് വൈസ് പ്രസിഡന്റ് പി പി ദിവ്യ ഫ്ളാഗ് ഓഫ് ചെയ്തു.
കൂടത്തായി കൊലപാതക പരമ്പര: അന്നമ്മയെ കൊലപ്പെടുത്തിയ വിവരം ജോളി മാത്രമല്ല അറിഞ്ഞത്!
യാത്ര നഗരം ചുറ്റി ടൗണ് സ്ക്വയറില് സമാപിച്ചു. സംസ്ഥാന സ്പോര്ട്സ് കൗണ്സില് വൈസ് പ്രസിഡന്റ് ഒ.കെ വിനീഷ്, ജില്ലാ സ്പോര്ട്സ് കൗണ്സില് പ്രസിഡന്റ് കെ കെ പവിത്രന് മാസ്റ്റര്, വൈസ് പ്രസിഡന്റ് എന്. ധീരജ് കുമാര്, ജില്ലാ ബോക്സിംഗ് അസോസിയേഷന് ട്രഷറര് സി ജഗദീശന്, കോച്ച് രമേശ്കുമാര്, റോഷന്, ലോയ്ഡ് സാമുവല് തുടങ്ങിയവര് നേതൃത്വം നല്കി.
ലോക വനിതാ ബോക്സിംഗ് ചാമ്പ്യന് മേരി കോം ഉള്പ്പെടെയുള്ളവര് പങ്കെടുക്കുന്ന ദേശീയ ബോക്സിംഗ് ചാമ്പ്യന്ഷിപ്പിന് ആദ്യമായി ആതിഥ്യമരുളുന്ന കണ്ണൂരിലെ മത്സരത്തില് നിന്നാണ് ഏഷ്യന് ചാമ്പ്യന്ഷിപ്പിലേക്കുള്ള ഇന്ത്യന് ടീമിനെയും 2020-ല് ടോക്കിയോവില് നടക്കുന്ന ഒളിമ്പിക്സിലേക്കുള്ള ടീമിനെയും തെരഞ്ഞെടുക്കുക. രാജ്യത്തിന്റെ വിവിധ ഭാഗങ്ങളില് നിന്നായി മുന്നൂറിലേറെ കായിക പ്രതിഭകള് ഈ ചാമ്പ്യന്ഷിപ്പില് പങ്കെടുക്കും.