വളപട്ടണം പുഴയിലെ ഓളപ്പരപ്പില് ആവേശമായി ദേശീയ കയാക്കിങ് ചാമ്പ്യൻഷിപ്പ്; രാജേഷും സ്വാലിഹയും വിജയികൾ
പറശിനിക്കടവ്: വളപട്ടണം പുഴയിലെ ഓളങ്ങളെ തുഴക്കരുത്തില് കീഴടക്കി കയാക്കിങ് താരങ്ങള്. ദേശീയ കയാക്കിങ് മത്സരത്തിലാണ് താരങ്ങള് ഓളപ്പരപ്പില് ആവേശം വിതറിയത്. 2022-തുടക്കം കുറിച്ച ചാംപ്യന്ഷിപ്പിന്റെ രണ്ടാം എഡിഷനാണ് നടന്നത്. ദേശീയതാരങ്ങള് ഉള്പ്പെടുന്നവരാണ് കയാക്കിങിനിറങ്ങിയത്. ടീം അംഗങ്ങളുടെ സുരക്ഷ ഉറപ്പാക്കുന്നതിനായി വിവിധ കരകളില് ആംബുലന്സ്, ബോട്ടുകളില് മെഡിക്കല് ടീം, കുടിവെളളം, സ്കൂബാ ടീം എന്നിവ ഒരുക്കിയിരുന്നു.
ഗ്രാമസൗന്ദര്യം ആസ്വദിച്ചു കണ്ടല്വനങ്ങളുടെ ഹരിതാഭ സമൃദ്ധി ആസ്വദിച്ചുമുളള തുഴച്ചില് മത്സരാര്ത്ഥികള്ക്ക് വ്യത്യസ്തമായ അനുഭവമായി മാറി.നിരവധി തുരുത്തുകള്, വളപട്ടണം റെയില്വെ പാലത്തിനു കീഴിലൂടെയുളള യാത്ര, ഓട് ഫാക്ടറികള്, ചെറുതോണികളിലും കുട്ട വഞ്ചികളിലും നിന്നുളള മീന്പിടിത്തം, കണ്ടല്ക്കാടുകള് അങ്ങനെ പലവിധ കാഴ്ച്ചകള് അനുഭവിച്ചറിഞ്ഞും മനസില് നിറച്ചുമാണ് മത്സരാർത്ഥികൾ ഫിനിഷിങ് പോയിന്റിലെത്തിയത്.
ദേശീയ കയാക്കിങ് ചാംപ്യന്ഷിപ്പില് പുരുഷ, സിംഗിള്സില് രജീഷ് കുളങ്ങരയും വനിതാ സിംഗിള്സില് ഇ സ്വാലിഹയും ചാംപ്യന്മാരായി. ഒരുമണിക്കൂര് 25 മിനുട്ട് 36 സെക്കന്ഡിലാണ് രജീഷ് ഫിനിഷ് ചെയ്തത്. സ്വാലിഹ ഒരുമണിക്കൂര് 36-സെന്റ് 55-സെക്കന്റുമെടുത്താണ് ഒന്നാം സ്ഥാനം നേടിയത്. പുരുഷന്മാരുടെ ഡബിള്സില് ആദര്ശും കണ്ണനും തുഴഞ്ഞ ടീം ഒന്നാമതെത്തി.
ജില്ലാ ടൂറിസം പ്രമോഷന് കൗണ്സില്, കേന്ദ്ര ടൂറിസം മന്ത്രാലയം, കേരള അഡ്വഞ്ചര് ടൂറിസം പ്രമോഷന് സൊസൈറ്റി എന്നിവ സംയുക്തമായി സംഘടിപ്പിച്ച ചാംപ്യന്ഷിപ്പ് പറശിനിക്കടവില് കെ.വി സുമേഷ് എം. എല്. എ ഫ്ളാഗ് ഓഫ് ചെയ്തു.പറശിനിക്കടവ് ബോട്ടുടെര്മിനലില് നിന്നും രാവിലെ എട്ടിന് തുടങ്ങിയ മത്സരം പത്തുമണിയോടെ അഴീക്കല് തുറമുഖത്ത് അവസാനിച്ചു. പതിനൊന്ന് കിലോമീറ്റര് ദൂരത്തിലായിരുന്നു മത്സരം. അഴീക്കല് തുറമുഖ പരിസരത്ത് നടന്ന ചടങ്ങില് കെ.വി സുമേഷ് എം. എല്. എ സമ്മാനദാനംനിര്വഹിച്ചു.
ജില്ലാപഞ്ചായത്ത് പ്രസിഡന്റ് അഡ്വ.കെകെ രത്നകുമാരി, അഴീക്കോട് പഞ്ചായത്ത് പ്രസിഡന്റ് കെ. അജീഷ്, അസി. കളക്ടര് ഗ്രന്ഥ സായ് കൃഷ്ണ, അഴീക്കല് പോര്ട്ട് ഓഫീസര് ഇന് ചാര്ജ് ടി.ദിപിന്കുമാര് എന്നിവര് പങ്കെടുത്തു. കേരളത്തിലെ വിവിധ ജില്ലകളില് നിന്നുളളവര്ക്ക് പുറമേ ഉത്തരാഖണ്ഡ്, കര്ണാടക, തമിഴ്നാട്, ഡല്ഹി,ഗോവ, മഹാരാഷ്ട്ര, ലക്ഷദ്വീപ്, തെലങ്കാന, ആന്ധ്രപ്രദേശ് എന്നീ സംസ്ഥാനങ്ങളില് നിന്നുമായി 86മത്സരാര്ത്ഥികള് മാറ്റുരച്ചു. ഒന്നാംസ്ഥാനത്തെത്തുന്നവര്ക്ക് അന്പതിനായിരവും രണ്ടാംസ്ഥാനവും 25,000 രൂപയുമാണ് സമ്മാനതുക.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google