പന്ന്യന്നൂരില് പുതിയ ഗവ ഐടിഐ ഉദ്ഘാടനം ചെയ്തു; സംരംഭകത്വ വികസന ക്ലബ്ബുകള്ക്ക് രൂപം നല്കുമെന്ന് മന്ത്രി ടിപി രാമകൃഷ്ണന്
കേരളത്തിലെ എല്ലാ ഗവ. ഐടിഐകളെയും അന്തര്ദേശീയ നിലവാരത്തിലേക്ക് ഉയര്ത്തുമെന്ന് തൊഴില് വകുപ്പ് മന്ത്രി ടി.പി.രാമകൃഷ്ണന് പറഞ്ഞു. പന്ന്യന്നൂര് പഞ്ചായത്തില് ഗവ. ഐ ടി ഐ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംരംഭകത്വം പ്രോത്സാഹിപ്പിക്കുന്നതിനും തൊഴില് സാധ്യത വര്ധിപ്പിക്കുന്നതിനുമായി സംസ്ഥാനത്ത് സംരംഭകത്വ വികസന ക്ലബ്ബുകള്ക്ക് രൂപം കൊടുക്കാന് സര്ക്കാര് തീരുമാനിച്ചതായും മന്ത്രി അറിയിച്ചു.
പരമ്പരാഗതതൊഴിലുകള് പഠിച്ചത് കൊണ്ട് മാത്രം അന്താരാഷ്ട്ര തൊഴില് കമ്പോളത്തില് പിടിച്ചുനില്ക്കാനാവില്ല. മാറിയ സാഹചര്യങ്ങള്ക്കനുസരിച്ച് വിദ്യാര്ഥികളുടെ തൊഴില് നൈപുണ്യം വര്ധിപ്പിച്ചേതീരൂ. ഇതിനായി മുഴുവന് ഐ.ടി.ഐകളിലും സ്മാര്ട്ട് ക്ലാസ് റൂമുകള് സ്ഥാപിക്കും. സര്ക്കാര് ഐടിഐകളിലെ പഠനനിലവാരം പുലര്ത്തുന്ന വിദ്യാര്ഥികള്ക്ക് വിദേശരാജ്യങ്ങളില് ഉന്നതപരിശീലനം ലഭ്യമാക്കാനും നടപടിയെടുക്കും. 63 വിദ്യാര്ഥികളെ സിംഗപ്പൂരില് പരിശീലനം നല്കുന്നതിനായി തെരഞ്ഞെടുത്തുകഴിഞ്ഞു. വ്യാവസായികപരിശീലനം പ്രോത്സാഹിപ്പിക്കുന്നതിന്റെ ഭാഗമായി ഐടിഐ ട്രെയിനികള്ക്ക് ഈ വര്ഷം മുതല് അപകട ഇന്ഷൂറന്സ് പദ്ധതി ഏര്പ്പെടുത്തിയതായും മന്ത്രി ടി.പി രാമകൃഷ്ണന് പറഞ്ഞു.
നൈപുണ്യക്കുറവും പുതിയ തൊഴില്മേഖലകളിലെ അവസരങ്ങള് ഉപയോഗപ്പെടുത്താനുള്ള കഴിവ് നേടുന്നതിലെ പോരായ്മകളുമാണ് നമ്മുടെ യുവാക്കള് ഇന്ന് അഭിമുഖീകരിക്കുന്ന പ്രധാന പ്രതിസന്ധി. ഇതുമറികടക്കാന് കേരള അക്കാദമി േഫാര് സ്കില്സ് എക്സലന്സ്, കരിയര് ഡവലപ്മെന്റ് സെന്ററുകള്, എംപ്ലോയബിലിറ്റി സെന്ററുകള് തുടങ്ങിയവ മുഖേന നൈപുണ്യവികസനപദ്ധതികള് നടപ്പാക്കിവരികയാണെന്നും മന്ത്രി അറിയിച്ചു.
വിദേശ രാജ്യങ്ങളില് നഴ്സിംഗ് ഉള്പ്പടെയുള്ള റിക്രൂട്ട്മെന്റുകളുടെ മറവില് നടക്കുന്ന തട്ടിപ്പുകളും ചൂഷണങ്ങളും തടയുന്നതിനാവശ്യമായ നടപടികളും സ്വീകരിച്ചു വരികയാണ്. നിലവില് ആരോഗ്യമേഖലയില് റിക്രൂട്ട്മെന്റ് നടത്തുന്ന ഒഡെപെക് മറ്റു രംഗങ്ങളിലേക്കു കൂടി കടക്കുകയാണെന്നും മന്ത്രി പറഞ്ഞു.
ചടങ്ങില് അഡ്വ. എ.എന് ഷംസീര് എം.എല്.എ അധ്യക്ഷനായി. അഡീ. ഡയറക്ടര് ഓഫ് ട്രെയിനിംഗ് പി.കെ മാധവന് പദ്ധതി വിശദീകരിച്ചു. സംഘാടക സമിതി ജനറല് കണ്വീനര് ഇ. വിജയന് റിപ്പോര്ട്ട് അവതരിപ്പിച്ചു. തലശ്ശേരി ബ്ലോക്ക് പഞ്ചായത്ത് ഉപാധ്യക്ഷ കെ. ഷിമി, പി.ഹരീന്ദ്രന്, സുനില് ജേക്കബ്, കെ. ശശിധരന്, കെ.കെ ബാലന്, റഹീം ചമ്പാട്, എംപി സുമേഷ്, രവീന്ദ്രന് കുന്നോത്ത്, പന്ന്യന്നൂര് രാമചന്ദ്രന്, പി. പ്രഭാകരന് എന്നിവര് സംസാരിച്ചു. പന്ന്യന്നൂര് ഗ്രാമപഞ്ചായത്ത് പ്രസി. എ.ശൈലജ സ്വാഗതവും പഞ്ചായത്ത് സെക്രട്ടറി വി.പി ജയപ്രകാശ് നന്ദിയും പറഞ്ഞു.
ഐടിഐ സ്ഥാപിക്കുന്നതിനായി ജനകീയ കമ്മിറ്റി രൂപീകരിച്ച് പന്ന്യന്നൂര് ഗ്രാമപഞ്ചായത്തിലെ 15 വാര്ഡുകളില് നിന്നായി 40 ലക്ഷത്തോളം രൂപ സ്വരൂപിച്ചിരുന്നു. സംസ്ഥാനത്തെ തൊണ്ണൂറ്റി രണ്ടാമത്തെ ഗവ.ഐ.ടി.ഐയാണ് പന്ന്യന്നൂര് പഞ്ചായത്തില് പ്രവര്ത്തനം ആരംഭിച്ചത്. ഡ്രാഫ്റ്റ്സ്മാന് സിവില്, ഇലക്ട്രീഷ്യന്, മെക്കാനിക്ക് മോട്ടോര് വെഹിക്കിള്, വെല്ഡര് എന്നീ ട്രേഡുകളുടെ രണ്ട് യൂണിറ്റ് വീതമാണ് പന്ന്യന്നൂര് ഐ.ടി.ഐയില് ആരംഭിക്കുന്നത്.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google