Click it and Unblock the Notifications
Just In
Don't Miss
-
IPL 2024: സാറ സൂക്ഷിച്ചോ, ഗാലറിയിലെ സുന്ദരിയെ കണ്ട് കണ്ണുതള്ളി ഗില്! സ്പാനിഷ് നടിയോ, വീഡിയോ -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
നൂറ് യാഗങ്ങള്ക്ക് തുല്യമായ ഫലം, മോക്ഷപ്രാപ്തിയോടെ ജീവിതം; കാമദ ഏകാദശി വ്രതം -
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്! -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
കണ്ണൂരിൽ ഒൻപതു പേർക്ക് കൂടി കൊ വിഡ് രോഗബാധ: അഞ്ചു പേർ വിദേശത്തും നിന്നുമെത്തിയവർ
കണ്ണൂർ: കണ്ണൂർ ജില്ലയില്‍ പുതുതായി ഒമ്പത് പേര്‍ക്ക് കുടി കോവിഡ് വൈറസ് രോഗബാധ സ്ഥിരീകരിച്ചതായി ജില്ലാ കലക്ടര്‍ ടി.വി സുഭാഷ് അറിയിച്ചു. ഇതിൽ അഞ്ച് പേര്‍ വിദേശത്ത് നിന്നും നാല് പേര്‍ ഇതരസംസ്ഥാനങ്ങളില്‍ നിന്നെത്തിയവരുമാണ്.
കരിപ്പൂര്‍ വിമാനത്താവളം വഴി ജൂണ്‍ 19ന് കുവൈറ്റില്‍ നിന്നുള്ള 6 ഇ 9702 വിമാനത്തിലെത്തിയ മുണ്ടേരി സ്വദേശി 54കാരന്‍, ജൂണ്‍ 20ന് റാസല്‍ഖൈമയില്‍ നിന്ന് എസ്ജി 9024 വിമാനത്തിലെത്തിയ കുറുമാത്തൂര്‍ സ്വദേശി 50കാരന്‍ എന്നിവർക്കും രോഗം സ്ഥിരീകരിച്ചിട്ടുണ്ട്.
Recommended Video
നെടുമ്പാശ്ശേരി വിമാനത്താവളം വഴി ജൂണ്‍ 12ന് കുവൈറ്റില്‍ നിന്നുള്ള 6ഇ-9324 വിമാനത്തിലെത്തിയ ചെറുകുന്ന് സ്വദേശി 45കാരന്‍, ജൂണ്‍ 14ന് ദമാമില്‍ നിന്നുള്ള 6ഇ 9371 വിമാനത്തിലെത്തിയ മട്ടന്നൂര്‍ സ്വദേശി 29 കാരി, ജൂണ്‍ 17ന് നെടുമ്പാശ്ശേരി വിമാനത്താവളം വഴി മോല്‍ഡോവയില്‍ നിന്ന് 8ക്യു-6602 വിമാനത്തിലെത്തിയ പെരിങ്ങോം വയക്കര സ്വദേശി 23കാരന്‍ എന്നിവരാണ് വിദേശത്തു നിന്നെത്തിയവര്‍.
ജൂണ്‍ 5ന് നേത്രാവതി എക്‌സ്പ്രസില്‍ മുംബൈയില്‍ നിന്ന് കണ്ണൂര്‍ റെയില്‍വേ സ്റ്റേഷന്‍ വഴി എത്തിയ മൊകേരി സ്വദേശി 41കാരി, കണ്ണൂര്‍ വിമാനത്താവളം വഴി ജൂണ്‍ 12ന് ദില്ലിയിൽ നിന്ന് എഐ 425 വിമാനത്തിലെത്തിയ ഉത്തര്‍പ്രദേശ് സ്വദേശി 25കാരനായ സിഐഎസ്എഫ് ഉദ്യോഗസ്ഥന്‍, ജൂണ്‍ 17ന് ഇതേ നമ്പര്‍ വിമാനത്തില്‍ ഡല്‍ഹിയില്‍ നിന്നെത്തിയ കരിവെള്ളൂര്‍ പെരളം സ്വദേശികളായ 27കാരി, ഏഴ് മാസം പ്രായമുള്ള പെണ്‍കുട്ടി എന്നിവരാണ് ഇതര സംസ്ഥാനങ്ങളില്‍ നിന്നെത്തിയവര്‍.
ഇതോടെ ജില്ലയില്‍ കൊവിഡ് ബാധിതരുടെ എണ്ണം 381 ആയി. ഇവരില്‍ 251 പേര്‍ രോഗം ഭേദമായി ആശുപത്രി വിട്ടു. കണ്ണൂര്‍ ഗവണ്മെന്റിന്റെ മെഡിക്കല്‍ കോളേജില്‍ ചികിത്സയിലായിരുന്ന മാത്തില്‍ സ്വദേശി 33കാരന്‍ ഇന്നാണ് രോഗം ഭേദമായി ആശുപത്രി വിട്ടത്. നിലവില്‍ ജില്ലയില്‍ നിരീക്ഷണത്തിലുള്ളത് 18592 പേരാണ്. ഇവരില്‍ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 83 പേരും, കണ്ണൂര്‍ ജില്ലാശുപത്രിയില്‍ 29 പേരും അഞ്ചരക്കണ്ടി കോവിഡ് ട്രീറ്റ്‌മെന്റ് സെന്ററില്‍ 134 പേരും തലശ്ശേരി ജനറല്‍ ആശുപത്രിയില്‍ 20 പേരും വീടുകളില്‍ 18326 പേരുമാണ് നിരീക്ഷണത്തിലുള്ളത്.
ജില്ലയില്‍ നിന്ന് ഇതുവരെ 13134 സാംപിളുകള്‍ പരിശോധനയ്ക്ക് അയച്ചതില്‍ 12236 എണ്ണത്തിന്റെ ഫലം വന്നു. ഇതില്‍ 11505 എണ്ണം നെഗറ്റീവാണ്. 898 എണ്ണത്തിന്റെ ഫലം ലഭിക്കാനുണ്ടെന്നും കലക്ടർ. അറിയിച്ചു.
