പാനൂര് സ്ഫോടനം; പ്രതികള്ക്കെതിരെ കാപ്പ ചുമത്താന് നീക്കം തുടങ്ങി പോലീസ്
തലശേരി: പാനൂരില് ബോംബ് സ്ഫോടനത്തില് ഒരാള് കൊല്ലപ്പെട്ടത് ഇന്റലിജന്സ് റിപ്പോര്ട്ട് ആഭ്യന്തരവകുപ്പ് അവഗണിച്ചതായുളള ആരോപണവുമായി യു.ഡി. എഫ് രംഗത്തെത്തി. ഒരുമാസം മുന്പെ പാനൂര് മേഖലയില് വ്യാപകമായ ബോംബു നിര്മാണവും ആയുധസംഭരണവും ഡി.വൈ. എഫ്. ഐ പ്രവര്ത്തകര് നടത്തുന്നതായുളള ഇന്റലിജന്സ് റിപ്പോര്ട്ട് ആഭ്യന്തരവകുപ്പിന് സമര്പ്പിച്ചുവെങ്കിലും പോലീസ് നടപടിയെടുത്തില്ലെന്നാണ് യു.ഡി. എഫ് നേതാക്കളുടെ ആരോപണം.
ഇതിനിടെ പാനൂരില് ഒരു വിഭാഗമാളുകള് ബോംബ് നിര്മ്മിച്ചത് രാഷ്ട്രീയ എതിരാളികളെ ലക്ഷ്യമിട്ടെന്ന് പൊലീസിന്റെ റിമാന്ഡ് റിപ്പോര്ട്ട് പുറത്തുവന്നതോടെ സി.പി. എം വടകര പാര്ലമെന്റ് മണ്ഡലത്തില് രാഷ്ട്രീയ പ്രതിരോധത്തിലായിട്ടുണ്ട്. ഇന്റലിജന്സ് റിപ്പോര്ട്ട് കിട്ടിയിട്ടില്ലെന്ന് മുഖ്യമന്ത്രിയും സി.പി. എം നേതൃത്വവും വ്യക്തമാക്കിയിട്ടുണ്ടെങ്കിലും ഈക്കാര്യം ആവര്ത്തിക്കുകയാണ് യു.ഡി. എഫ് സ്ഥാനാര്ത്ഥി ഷാഫി പറമ്പിലും നേതാക്കളും.
ബോംബ് നിര്മാണത്തെ കുറിച്ച് മുഴുവന് പ്രതികള്ക്കും അറിവുണ്ടായിരുന്നു. ഡിവൈഎഫ്ഐ കൂനോത്ത് പറമ്പ് യൂണിറ്റ് സെക്രട്ടറി ഷിജാലാണ് മുഖ്യ ആസൂത്രകന് എന്നും റിമാന്ഡ് റിപ്പോര്ട്ടില് പറയുന്നു. ഡിവൈഎഫ്ഐ ഭാരവാഹികള് ഉള്പ്പെടെയുള്ളവര് തെളിവ് നശിപ്പിക്കാനും ശ്രമിച്ചു. അമല് ബാബു ബോംബുകള് ഒളിപ്പിച്ചു. സ്ഫോടന സ്ഥലത്ത് മണല് കൊണ്ടിട്ട് തെളിവ് നശിപ്പിക്കാനും പ്രതികള് ശ്രമിച്ചു. സംഭവത്തില് കൂടുതല് പേര്ക്ക് കേസില് പങ്കുണ്ടെന്ന് സംശയിക്കുന്നതായും പോലീസ് റിമാന്ഡ് റിപ്പോര്ട്ടില് വ്യക്തമാക്കിയിട്ടുണ്ട്.
പ്രതികളെ രക്ഷപ്പെടാന് സഹായിച്ചവര്, പ്രതികള്ക്ക് ബോംബ് ഉണ്ടാക്കാന് വേണ്ട സാമഗ്രികള് എത്തിച്ചുനല്കിയവര് തുടങ്ങിയവരെയെല്ലാം കണ്ടെത്തേണ്ടതുണ്ടെന്ന് പൊലീസ് പറയുന്നു. സ്റ്റീല് ബോംബ് നിര്മ്മാണത്തിന് പ്രതികള്ക്ക് പരിശീലനം എവിടുന്ന് കിട്ടിയെന്നും പൊലീസ് അന്വേഷിക്കുന്നുണ്ട്.
രണ്ട് ക്രിമിനല് സംഘങ്ങള് തമ്മിലുണ്ടായ പകയാണ് ബോംബ് നിര്മാണത്തിന് പിന്നിലെന്നാണ് പൊലീസ് ആദ്യം വ്യക്തമാക്കിയിരുന്നത്. എതിരാളികളെ ഭയപ്പെടുത്തുക ലക്ഷ്യമിട്ടായിരുന്നു ബോംബ് നിര്മ്മാണമെന്നും പൊലീസ് പറഞ്ഞിരുന്നു. ഇത്തരത്തിലാണ് പ്രതികള് പൊലീസിന് മൊഴി നല്കിയിരുന്നത്. എന്നാല് രാഷ്ട്രീയ ബന്ധമുള്ള പ്രതികളുടെ റിമാന്ഡ് റിപ്പോര്ട്ടിലാണ് പ്രതികള് രാഷ്ട്രീയ എതിരാളികളെ കൂടി ലക്ഷ്യമിട്ടിരുന്നതായി വ്യക്തമാക്കുന്നത്.
നേരത്തെ ഡിവൈഎഫ്ഐ പ്രാദേശിക നേതാവ് അമല് ബാബുവിനെ അറസ്റ്റ് ചെയ്തത്, സ്ഥലത്ത് സന്നദ്ധപ്രവര്ത്തനത്തിന് പോയപ്പോഴാണെന്നായിരുന്നു സിപിഎം സംസ്ഥാന സെക്രട്ടറി എംവി ഗോവിന്ദന് പറഞ്ഞിരുന്നത്. എന്നാല് ഡിവൈഎഫ്ഐ പ്രാദേശിക നേതാക്കളായ അമല് ബാബു, സായൂജ് തുടങ്ങിയവര്ക്ക് ബോംബ് നിര്മ്മാണവുമായി ബന്ധപ്പെട്ട കാര്യങ്ങളെക്കുറിച്ചെല്ലാം അറിവുണ്ടായിരുന്നു എന്ന് പൊലീസ് റിപ്പോര്ട്ടില് വ്യക്തമാക്കിയിട്ടുണ്ട്.
പാനൂര് ബോംബ് സ്ഫോടന കേസില് നേരിട്ട് പങ്കാളിത്തമുള്ളവരെല്ലാം ഇതിനോടകം പോലീസിന്റെ പിടിയിലായിട്ടുണ്ട്. പന്ത്രണ്ട് പ്രതികളില് ഒരാള് മരണമടഞ്ഞു. ഇതില് മൂന്ന് പേര് ആശുപത്രിയില് ചികിത്സയിലാണ്. മുഖ്യ ആസൂത്രകനായ ഷിജാല്, അക്ഷയ് എന്നിവരെ കഴിഞ്ഞ ദിവസമാണ് അറസ്റ്റ് ചെയ്തത്. പ്രതികളില് നിരവധി ക്രിമിനല് കേസുകള് ഉളളവര്ക്കെതിരെ കാപ്പ ചുമത്താന് പൊലീസ് ശുപാര്ശ നല്കുമെന്നാണ് സൂചന.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google