പയ്യാമ്പലം പുലിമുട്ട് നിര്മ്മാണം അന്തിമഘട്ടത്തില്: മേയറുടെ നേതൃത്വത്തില് പ്രവൃത്തി വിലയിരുത്തി
കണ്ണൂര്: കണ്ണൂര് കോര്പ്പറേഷന് പയ്യാമ്പലത്ത് നിര്മ്മിക്കുന്ന പുലിമുട്ടിന്റെ നിര്മ്മാണം പുതുവര്ഷാരംഭത്തില് പൂര്ത്തിയാക്കുമെന്ന് കണ്ണൂര് കോര്പറേഷന് മേയര് ടിഒ.മോഹനന് അറിയിച്ചു. നിര്മ്മാണത്തിന്റെ 90 ശതമാനത്തിലധികം പണി പൂര്ത്തിയായിക്കഴിഞ്ഞു. നിലവിലുള്ള തോടിന് സമാന്തരമായി 90 മീറ്ററും തുടര്ന്ന് കടലിലേക്ക് 160 മീറ്ററുമായി ആകെ 250 മീറ്റര് നിളത്തില് കരിങ്കല്ല് ഉപയോഗിച്ചാണ് നിര്മ്മാണം നടത്തിയിരിക്കുന്നത്.
പയ്യാമ്പലം തീരപ്രദേശത്തോട് ചേര്ന്നുള്ള സ്ഥലങ്ങളില് കടല് വെള്ളം കയറുന്നതിന് അറുതി വരുത്തുകയെന്ന ലക്ഷ്യത്തോടെയാണ് പുലിമുട്ട് നിര്മ്മാണം ആരംഭിച്ചത്. കോര്പ്പറേഷനിലെ പഞ്ഞിക്കയില്, ചാലാട്, പള്ളിയാംമൂല എന്നീ ഡിവിഷനുകളില് നിന്ന് ഒഴുകിയെത്തുന്ന ജലം സുഗമമായി കടലിലേക്കൊഴുകാതെയും വേലിയേറ്റ സമയത്ത് കടലില് നിന്നും തിരിച്ചൊഴുകാതെയും കെട്ടിക്കിടക്കുന്നതുമൂലം ഉണ്ടാകുന്ന പ്രശ്നത്തിന് ശാശ്വതപരിഹാരമായാണ് പടന്നത്തോടിന്റെ അഴിമുഖത്ത് പുലിമുട്ട് നിര്മ്മിക്കുന്നത്.
മഴക്കാലത്ത് തീരമേഖലയില് വെള്ളം നിറയുകയും ഉപ്പുവെള്ളം കയറുകയും ചെയ്യുന്ന അവസ്ഥയ്ക്ക് പുലിമുട്ട് പൂര്ത്തിയാകുന്നതോടെ പരിഹാരമാകും. അമൃത് ഒന്നാംഘട്ട പദ്ധതിയില് ഉള്പ്പെടുത്തി 6 കോടിയോളം രൂപ ചെലവഴിച്ചാണ് പുലിമുട്ട് നിര്മ്മിക്കുന്നത്. ഹാര്ബര് എഞ്ചിനീയറിംഗ് വകുപ്പിന്റെ മേല്നോട്ടത്തിലാണ് പ്രവൃത്തി നടത്തുന്നത്. പദ്ധതിയുടെ പുരോഗതി മേയര് അഡ്വ.ടി ഒ മോഹനന്റെ നേതൃത്വത്തില് കൗണ്സിലര്മാരും ഉദ്യോഗസ്ഥന്മാരും സന്ദര്ശിച്ച് വിലയിരുത്തി.
ജനുവരി ആദ്യത്തോടെ പണി പൂര്ത്തിയാക്കി പദ്ധതി ഉദ്ഘാടനം ചെയ്യാന് കഴിയുമെന്ന് മേയര് പറഞ്ഞു. തീരദേശ പരിപാലന അതോറിറ്റിയില് നിന്ന് ഇതിന്റെ നിര്മ്മാണ അനുമതി ലഭിക്കുന്നതിന് നിരവധി തടസ്സങ്ങള് നേരിട്ടുവെങ്കിലും അവയൊക്കെ പരിഹരിച്ച് പദ്ധതി ലക്ഷ്യത്തിലെത്തുകയാണ്. ഭാവിയില് ഇതിന്റെ ടൂറിസം സാധ്യതകള് കൂടി പരിശോധിച്ച് പുതിയ പദ്ധതികള് നടപ്പിലാക്കുന്നതിന് ടൂറിസം വകുപ്പിന്റെ സഹായം തേടുമെന്നും അദ്ദേഹം പറഞ്ഞു.
മേയറോടൊപ്പം ഡെപ്യൂട്ടി മേയര് കെ ഷബീന ടീച്ചര്, സ്റ്റാന്റിംഗ് കമ്മിറ്റി ചെയര്മാന്മാരായ എം പി രാജേഷ്, പി ഷമീമ, സിയാദ് തങ്ങള്, ഷാഹിന മൊയ്തീന്, കൗണ്സിലര്മാരായ പി വി ജയസൂര്യന്, കെ പി അനിത, കോര്പ്പറേഷന് സൂപ്രണ്ടിംഗ് എഞ്ചിനീയര് ടി മണികണ്ഠകുമാര്, ഹാര്ബര് എഞ്ചിനീയറിംഗ് വകുപ്പ് എക്സിക്യുട്ടീവ് എഞ്ചിനീയര് എ മുഹമ്മദ് അഷ്റഫ്, തീരദേശ പരിപാലന അതോറിറ്റി മുന് അംഗം ഡോ.കെ വി രാമചന്ദ്രന് തുടങ്ങിയവരും ഉണ്ടായിരുന്നു.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google