പാര്ട്ടിയുടെ പണം നഷ്ടപ്പെട്ടിട്ടില്ല, നടപടി മാനസിക ഐക്യമില്ലായ്മ പരിഹരിക്കാന്; ഫണ്ട് തട്ടിപ്പില് സിപിഎം
കണ്ണൂര്: പയ്യന്നൂര് ഫണ്ട് തട്ടിപ്പ് വിവാദത്തില് വിശദീകരണവുമായി സി പി ഐ എം. നേതാക്കള്ക്കെതിരെ അച്ചടക്ക നടപടി സ്വീകരിച്ചത് വിശദമായ അന്വേഷണങ്ങള്ക്കും പരിശോധനയ്ക്കും ശേഷമാണ് എന്നും പാര്ട്ടി അന്വേഷണത്തില് വ്യക്തിപരമായി ആരെങ്കിലും സാമ്പത്തികനേട്ടമോ ധനാപഹരണമോ നടത്തിയതായി കണ്ടെത്തിയിട്ടില്ല എന്നും സി പി ഐ എം കണ്ണൂര് ജില്ലാ സെക്രട്ടറിയേറ്റ് പുറത്തിറക്കിയ പ്രസ്താവനയില് പറയുന്നു.
പാര്ട്ടിയുടെ പണം നഷ്ടപ്പെട്ടിട്ടില്ല എന്നും വരവ്-ചെലവ് കണക്കുകള് യഥാസമയം ഓഡിറ്റ് ചെയ്ത് ഏരിയാ കമ്മിറ്റിയില് അവതരിപ്പിക്കുന്നതില് ചുമതലക്കാര്ക്ക് വീഴ്ച സംഭവിച്ചിട്ടുണ്ട് എന്നുമാണ് കണ്ടെത്തിയത് എന്നും സി പി ഐ എം പറയുന്നു. ഗൗരവമായ ജാഗ്രതക്കുറവും യഥാസമയം ഓഡിറ്റ് ചെയ്ത് അവതരിപ്പിക്കാത്തതുമാണ് പയ്യന്നൂരിലുണ്ടായ വീഴ്ച എന്നും അതിനാലാണ് ജില്ലാ സെക്രട്ടറിയേറ്റ് അംഗമായ ടി ഐ മധുസൂദനനെ ജില്ലാ കമ്മിറ്റിയിലേക്ക് തരംതാഴ്ത്തിയതെന്ന് സി പി ഐ എം പ്രസ്താവനയില് പറയുന്നു.
ഏരിയാ കമ്മിറ്റി അംഗമായ ടി വിശ്വനാഥനെ ലോക്കല് കമ്മിറ്റിയിലേക്കും തരംതാഴ്ത്തിയെന്നും കെ കെ ഗംഗാധരന്, കെ പി മധു എന്നിവരെ ശാസിക്കുകയും ചെയ്തിട്ടുണ്ടെന്നും ജില്ലാ സെക്രട്ടറിയേറ്റ് വ്യക്തമാക്കി. ക്രമക്കേട് പുറത്ത് കൊണ്ടു വന്ന ഏരിയ കമ്മിറ്റി സെക്രട്ടറിയെ നീക്കം ചെയ്തതല്ല എന്നും പ്രദേശത്തെ പാര്ട്ടി പ്രവര്ത്തകരുടെ മാനസിക ഐക്യമില്ലായ്മ പരിഹരിക്കാന് ഉയര്ന്ന ഘടകമായ സംസ്ഥാനകമ്മിറ്റിയംഗത്തിന് സെക്രട്ടറിയുടെ ചുമതല കൊടുക്കുകയാണുണ്ടായത് എന്നും പ്രസ്താവനയില് പറയുന്നു.
കഴിഞ്ഞ ദിവസമാണ് പയ്യന്നൂര് ഫണ്ട് വിവാദത്തില് സി പി ഐ എം നേതാക്കള്ക്കെതിരെ കൂട്ട നടപടി സ്വീകരിച്ചത്. ആരോപണ വിധേയനായ ടി ഐ മധുസൂദനന് എം എല് എയെ ജില്ലാ സെക്രട്ടറിയേറ്റില് നിന്ന് ജില്ലാ കമ്മിറ്റിയിലേക്ക് തരം താഴ്ത്തിയിരുന്നു. അതേസമയം ആരോപണം ഉന്നയിച്ച ഏരിയ കമ്മിറ്റി സെക്രട്ടറി കുഞ്ഞികൃഷ്ണനെ സ്ഥാനത്ത് നിന്ന് മാറ്റി പകരം സംസ്ഥാന കമ്മിറ്റി അംഗം ടി വി രാജേഷിന് ചുമതല നല്കുകയും ഇതാണ് വിവാദത്തിന് വഴിവെച്ചത്.
സി പി ഐ എം കണ്ണൂര് ജില്ലാ സെക്രട്ടറിയേറ്റിന്റെ പ്രസ്താവന ഇങ്ങനെയാണ്:
പയ്യന്നൂര് ഏരിയയിലെ സംഘടനാ പ്രശ്നങ്ങളില് വിശദമായ അന്വേഷണങ്ങള്ക്കും പരിശോധനയ്ക്കും ശേഷമാണ് സംഘടനാ മാനദണ്ഡമനുസരിച്ച് പാര്ട്ടി ജില്ലാകമ്മിറ്റി ചില പാര്ട്ടി പ്രവര്ത്തകരുടെ പേരില് അച്ചടക്ക നടപടികള് സ്വീകരിച്ചത്. പാര്ട്ടി അന്വേഷണത്തില് വ്യക്തിപരമായി ആരെങ്കിലും സാമ്പത്തികനേട്ടമോ ധനാപഹരണമോ നടത്തിയതായി കണ്ടെത്തിയിട്ടില്ല.
തിരഞ്ഞെടുപ്പ് ഫണ്ടിലോ, എ.കെ.ജി ഭവന് നിര്മ്മാണത്തിലോ, ധനരാജ് കുടുംബ സഹായ ഫണ്ടിലോ യാതൊരുവിധ പണാപഹരണവും നടന്നിട്ടില്ല. പാര്ട്ടി പണം നഷ്ടപ്പെട്ടിട്ടുമില്ല. പാര്ട്ടി പ്രവര്ത്തകരില് നിന്നും ബഹുജനങ്ങളില് നിന്നും സമാഹരിച്ച തുക കൊണ്ടാണ് സി.പി.ഐ(എം) പയ്യന്നൂര് ഏരിയാ കമ്മിറ്റിക്ക് വേണ്ടി എ.കെ.ജി ഭവന് 2017 ല് നിര്മ്മിച്ചത്. ദീര്ഘകാലത്തെ പാര്ട്ടി പ്രവര്ത്തകരുടെ ആഗ്രഹമായിരുന്നു സൗകര്യപ്രദമായ ഒരു കെട്ടിടം നിര്മ്മിക്കുക എന്ന കാര്യം.
സമാനരീതിയിലാണ് ബഹുജനങ്ങളില് നിന്നും ധനരാജ് രക്തസാക്ഷി കുടുംബസഹായ ഫണ്ട് സമാഹരിച്ചത്. അതില് നിന്നും കുടുംബസഹായ ഫണ്ട് നല്കുകയും, വീട് നിര്മ്മിക്കുകയും, കേസിന് വേണ്ടി ചെലവഴിക്കുകയും ചെയ്തിട്ടുണ്ട്. കെട്ടിട നിര്മ്മാണത്തിന്റെയും, ധനരാജ് ഫണ്ടിന്റെയും വരവ്-ചെലവ് കണക്കുകള് യഥാസമയം ഓഡിറ്റ് ചെയ്ത് ഏരിയാകമ്മിറ്റിയില് അവതരിപ്പിക്കുന്നതില് ചുമതലക്കാര്ക്ക് വീഴ്ച സംഭവിച്ചിട്ടുണ്ടെന്നാണ് പാര്ട്ടി കണ്ടെത്തിയത്. ഇപ്പോഴാണ് ഇത് സംബന്ധിച്ച് ഓഡിറ്റും പരിശോധനയും നടത്തിയത്.
ബഹുജനങ്ങളില് നിന്നും ഏത് ആവശ്യത്തിന് വേണ്ടിയാണോ ഫണ്ട് പിരിക്കുന്നത് ആ ആവശ്യങ്ങള്ക്ക് വേണ്ടി ചെലവഴിക്കുകയും അത് സുതാര്യമായി നിര്വ്വഹിക്കുന്ന ഒരു പാര്ട്ടിയാണ് സി.പി.ഐ(എം) എന്ന് ബഹുജനങ്ങള്ക്കറിയാം. ഗൗരവമായ ജാഗ്രതക്കുറവും യഥാസമയം ഓഡിറ്റ് ചെയ്ത് അവതരിപ്പിക്കാത്തതുമാണ് പയ്യന്നൂരിലുണ്ടായ വീഴ്ച. അതുകൊണ്ടാണ് ജില്ലാസെക്രട്ടറിയേറ്റ് അംഗമായ ടി ഐ മധുസൂദനനെ ജില്ലാ കമ്മിറ്റിയിലേക്കും ഏരിയാകമ്മിറ്റിയംഗമായ ടി വിശ്വനാഥനെ ലോക്കല് കമ്മിറ്റിയിലേക്കും തരംതാഴ്ത്തിയതും, കെ.കെ ഗംഗാധരന്, കെ.പി മധു എന്നിവരെ ശാസിക്കാനും തീരുമാനിച്ചത്.
തിരഞ്ഞെടുപ്പ് ഫണ്ടില് സാമ്പത്തിക ക്രമക്കേടൊന്നും നടന്നിട്ടില്ലെന്നാണ് അന്വേഷണം നടത്തിയ കമ്മീഷന് കണ്ടെത്തിയത്. എന്നാല് ഓഫീസ് ജീവനക്കാര്ക്ക് ചില വീഴ്ച സംഭവിച്ചതായി കണ്ടെത്തി. അത് സാമ്പത്തിക കാര്യങ്ങളിലല്ല. അവരോട് വിശദീകരണം തേടിയപ്പോള് വീഴ്ചകള് സ്വയം വിമര്ശനപരമായി അംഗീകരിച്ചതിനാല് 2 പേരുടെ പേരില് നടപടി സ്വീകരിക്കുകയാണ് ചെയ്തത്. ഈ അച്ചടക്ക നടപടികള്ക്കെല്ലാം സംസ്ഥാനകമ്മിറ്റി അനുമതി നല്കിയിട്ടുണ്ട്.
യഥാസമയം കണക്ക് ഏരിയാകമ്മിറ്റിയില് അവതരിപ്പിക്കാതെ വന്നപ്പോള് പാര്ട്ടി ഏരിയാകമ്മിറ്റിക്ക് ബന്ധപ്പെട്ടവരെ കൊണ്ട് അത് ചെയ്യിക്കുന്നതില് വീഴ്ച സംഭവിക്കുകയും ചെയ്തു. വസ്തുത ഇതായിരിക്കെ മറിച്ചുള്ള പ്രചരണങ്ങളെല്ലാം പാര്ട്ടിയെ തകര്ക്കാന് ലക്ഷ്യമാക്കിയുള്ളതാണ്. ധനപഹരണമാണെന്ന് വരുത്തിത്തീര്ക്കാന് വലതുപക്ഷ മാധ്യമങ്ങളും, വലതുപക്ഷ രാഷ്ട്രീയക്കാരും നടത്തുന്ന ഹീനനീക്കത്തെ തിരിച്ചറിയാന് പാര്ട്ടി പ്രവര്ത്തകര്ക്കും,ജനങ്ങള്ക്കും സാധിക്കും. ഏരിയാസെക്രട്ടറിയുടെ പേരില് നടപടിയെടുത്തതല്ല.
പയ്യന്നൂര് ഏരിയയിലെ പാര്ട്ടിക്കകത്ത് നിലനില്ക്കുന്ന മാനസികഐക്യമില്ലായ്മ പരിഹരിക്കാന് ഉയര്ന്ന ഘടകമായ സംസ്ഥാനകമ്മിറ്റിയംഗത്തിന് സെക്രട്ടറിയുടെ ചുമതല കൊടുക്കുകയാണുണ്ടായത്. ഈ തീരുമാനങ്ങള് ഏരിയാകമ്മിറ്റി അംഗീകരിച്ചതാണ്. തുടര്ന്ന് എല്ലാ ലോക്കല്കമ്മിറ്റികളിലും, പാര്ട്ടി അംഗങ്ങളുടെ ഇടയിലും വിശദീകരിച്ചതുമാണ്.
വസ്തുത ഇതായിരിക്കെ പാര്ട്ടി പ്രവര്ത്തകരിലും ബഹുജനങ്ങളിലും തെറ്റിദ്ധാരണ പരത്താനായി ദുഷ്ടലക്ഷ്യത്തോടെയുള്ള പ്രചരണത്തെ പാര്ട്ടിയെ സ്നേഹിക്കുന്നവര് അവജ്ഞയോടെ തള്ളിക്കളയുക തന്നെ ചെയ്യും.
വര്ഗ്ഗീയതയ്ക്കും, കേന്ദ്രസര്ക്കാറിന്റെ ജനവിരുദ്ധ നയങ്ങള്ക്കുമെതിരെ ധീരമായി പൊരുതുകയും ബദല് വികസന-ക്ഷേമപദ്ധതികള് നടപ്പാക്കി കേരളത്തില് നാടിനെയും, ജനങ്ങളെയും പുരോഗതിയിലേക്ക് നയിക്കുന്ന പ്രവര്ത്തനമാണ് സി.പി.ഐ(എം) ഉം, എല്.ഡി.എഫ് ഉം, സംസ്ഥാന സര്ക്കാറും ചെയ്യുന്നത്. ആ കടമ നിര്വ്വഹിക്കാന് സി.പി.ഐ(എം) നെ ദുര്ബ്ബലപ്പെടുത്തുകയല്ല ശക്തിപ്പെടുത്തുകയാണ് വേണ്ടത്.
-
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ?
Click it and Unblock the Notifications
Sign in with Google